ಅಪೊಸ್ತಲ 19:9 - ಕೊಡವ ಬೈಬಲ್

⁹ ಆಚೇಂಗಿ, ಚೆನ್ನ ಜನ ತಂಗಡ ಮನಸ್ಸ್‌ನ ಕಠಿಣ ಮಾಡಿಯಂಡ್ ನಂಬುಲೇಂದ್ ಎಣ್ಣ್‌ಚಿ. ಅಯಿಂಗ, ಎಲ್ಲಾಡ ಮಿಂಞತ್ ಈ ಬಟ್ಟೇರ ಬೋದನೆಕ್ ವಿರೋದವಾಯಿತ್ ಕೆಟ್ಟ ತಕ್ಕ್ ಪರ್ಂದಂಡ್ ಇಂಜತ್. ಅಕ್ಕ ಪೌಲ ಸಬಾಮಂದಿರತ್ಂಜ ಪೋಯಿತ್, ಯೇಸುನ ನಂಬ್‍ನಯಿಂಗಳ ಅಂವೊಂಡ ಕೂಡೆ ಕಾಕಿಯಂಡ್ ಪೋಚಿ. ಬಯ್ಯ ತುರನ್ನ ಎಣ್ಣುವ ಒಬ್ಬಂಡ ಪಾಠಶಾಲೆಲ್ ಪ್ರತಿ ದಿನ ಚರ್ಚೆ ಮಾಡಿಯಂಡ್ ಬೋದನೆ ಮಾಡ್‍ಚಿ.

ಅಪೊಸ್ತಲ 19:9 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:34

ನಾಡ ಮನೆರ ಪಡಿರ ಪಕ್ಕ ಪಾರಕಾತಂಡ್, ನಾಡ ಪಡಿರ ಪಕ್ಕ ಎಕ್ಕಾಲು ನಿರೀಕ್ಷೆಲ್‌ ಕಾತಂಡ್, ನಾಕ್‍ ಕೆಮಿ ಕೊಡ್‌ಪಂವೊ ಆಶೀರ್ವಾದ ಪಡ್‌ಂದಂವೊ.

ಮತ್ತಾಯ 15:14

ಅಯಿಂಗ ಎಣ್ಣ್‌ವಾಂಗ್ ಕೆಮಿ ಕೊಡ್‌ಕತಿ. ಅಯಿಂಗ ಕುರ್‌ಡಂಗಕ್ ಬಟ್ಟೆ ಕಾಟುವ ಕುರ್‌ಡಂಗಳಾಯಿತುಂಡ್. ಒರ್ ಕುರ್‌ಡ ಇಂಞೊರ್ ಕುರ್‌ಡಂಗ್ ಬಟ್ಟೆ ಕಾಟ್‍ಚೇಂಗಿ, ದಂಡಾಳು ಕುಂಡ್‌ಕ್ ಬೂವಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 16:4

ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್‌ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಯೋಹಾನ 12:40

ದೇವ, ಅಯಿಂಗಡ ಕಣ್ಣ್ ಕಾಂಗತನೆಕೆ ಮಾಡ್‍ನಗುಂಡ್ ಅಯಿಂಗ ಕಾಂಬುಲೆ, ದೇವ ಅಯಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡ್‍ನಗುಂಡ್ ಅಯಿಂಗಕ್ ಅರ್ಥ ಆಪುಲೆ. ಅಯಿಂಗಡ ಮನಸ್ಸ್‌ನ ತಿರಿಗಿತ್ ದೇವಡ ಪಕ್ಕ ಬರತನೆಕೆ, ದೇವ ಅಯಿಂಗಳ ವಾಸಿ ಮಾಡತನೆಕೆ ಮಾಡಿರ್‌ತ್. ಅದ್ಂಗಾಯಿತೇ ಅಯಿಂಗ ನಂಬುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 14:4

ಅಕ್ಕ ಆ ಪಟ್ಟಣತ್‍ಲ್ ಇಂಜ ಜನ ಈಂಗಡ ವಿಷಯತ್‍ಲ್ ದಂಡಾಯಿತ್ ನಿಂದತ್. ಚೆನ್ನ ಜನ ಅಪೊಸ್ತಲಂಗಡ ಬರಿಯು, ಇಂಞು ಚೆನ್ನ ಜನ ಯೆಹೂದ್ಯಂಗಡ ಬರಿಯು ನಿಂದತ್.

ಅಪೊಸ್ತಲ 17:4

ಅಕ್ಕ, ಚೆನ್ನ ಯೆಹೂದ್ಯಂಗ ಪೌಲ ಎಣ್ಣುವದ್ ನಂಬುವನೆಕೆ ಇಂಜಗುಂಡ್, ಪೌಲ ಪಿಂಞ ಸೀಲಂಡ ಕೂಡೆ ಕೂಡಿಯಂಡತ್. ಅಲ್ಲಿ ದೇವನ ಆರಾದನೆ ಮಾಡಿಯಂಡಿಂಜ ದುಂಬ ಯೆಹೂದ್ಯಂಗಲ್ಲತ ಜನಳು, ಸುಮಾರ್ ಮಕ್ಯಪಟ್ಟ ಪೊಣ್ಣಾಳುವಳು, ಪೌಲ ಪಿಂಞ ಸೀಲಂಡ ಕೂಟ್‍ಕ್ ಕೂಡಿಯಂಡತ್.

ಅಪೊಸ್ತಲ 19:23

ಆ ಕಾಲತ್‍ಲ್ ಈ ಮಾರ್ಗತ್‍ರ ವಿಷಯತ್ ದುಂಬ ಗಲಿಬಿಲಿ ಆಚಿ.

ಅಪೊಸ್ತಲ 19:30

ಪೌಲ ಜನಡ ಗುಂಪ್‍ರ ಒಳ್‍ಕ್ ಪೋಂಡೂಂದ್ ಎಣ್ಣ್‌ವಕ, ಯೇಸುನ ನಂಬ್‍ನಯಿಂಗ ಅಂವೊನ ಪೋಪಕ್ ಬುಟ್ಟಿತ್‌ಲ್ಲೆ.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ಅಪೊಸ್ತಲ 22:4

ಕ್ರಿಸ್ತಂಡ ಬಟ್ಟೇಲ್ ಪೋಯಂಡಿಂಜ ಆಣಾಳ್ ಪಿಂಞ ಪೊಣ್ಣಾಳ್‍ನ ಪುಡ್‌ಚಿತ್ ಜೈಲ್‌ಕ್ ಇಟ್ಟಿತ್, ಅಯಿಂಗಳ ಕೊಲ್ಲ್‌ವಚ್ಚಕ್ ಹಿಂಸೆ ಪಡುತಿಯಂಡಿಜ್.

ಅಪೊಸ್ತಲ 24:21

ನಾನ್ ಈಂಗಡ ಮದ್ಯತ್‍ಲ್ ನಿಂದಂಡಿಪ್ಪಕ, ಚತ್ತಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪಾಂದ್ ಉಳ್ಳ ವಿಷಯತ್‍ರ ಕಾರಣತ್ಂಜ, ಇಕ್ಕ ನಿಂಗ ನನ್ನ ವಿಚಾರಣೆ ಮಾಡ್‌ವನೆಕೆ ಆಚೀಂದ್ ಕೂತ್ ಕೊಡ್‌ತದ್ ಅಲ್ಲತೆ ಬೋರೊಂದು ಅಯಿಂಗ ಎಣ್ಣ್‌ವಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 28:22

ಆಚೇಂಗಿ ಎಲ್ಲಾ ಜಾಗತ್‍ಲು, ಈ ಮಾರ್ಗತ್‍ರ ವಿಷಯಕ್ ವಿರೋದವಾಯಿತ್ ತಕ್ಕ್ ಪರ್ಂದಂಡುಂಡ್. ಆಚೇಂಗಿ, ಇದ್‍ಲ್ ನೀಡ ಅಬಿಪ್ರಾಯತ್‍ನ ಕ್‍ೕಪದ್ ನಂಗಕ್ ನಲ್ಲದ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 7:51

ಹಟಮಾರಿ ಜನಳೇ, ನಿಂಗಡ ಹೃದಯ ಎಚ್ಚಕ್ ಕಲ್ಲಾಯಿತಿಕ್ಕು! ದೇವಡ ತಕ್ಕ್‌ಕ್ ನಿಂಗ ಎಚ್ಚಕ್ ಕಿವ್‌ಡಂಗಳಾಯಿತ್ ಉಳ್ಳಿರ! ನಿಂಗಳು ನಿಂಗಡ ಅಜ್ಜಂಗಡನೆಕೆ ಪವಿತ್ರಾತ್ಮಂಗ್ ವಿರೋದವಾಯಿತ್ ಜಗಳ ಮಾಡಿಯಂಡುಳ್ಳಿರ.

ಅಪೊಸ್ತಲ 9:2

ಯೇಸು ಕಾಟಿ ಕೊಡ್‍ತ ಮಾರ್ಗತ್‍ಲ್ ನಡ್ಂದಂಡುಳ್ಳಯಿಂಗ ದಾರಾಯಿತ್ಂಜತೇಂಗಿಯು, ಆಣಾಳ್ ಆಡ್ ಪೊಣ್ಣಾಳಾಡ್ ಅಂವೊ ಕಂಡತೇಂಗಿ, ಅಯಿಂಗಳ ಪುಡ್‌ಚಿತ್ ಬಂದಿಚಿಟ್ಟಿತ್ ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್, ದಮಸ್ಕ ಪಟ್ಟಣತ್‍ಲ್ ಉಳ್ಳ ಎಲ್ಲಾ ಸಬಾಮಂದಿರಕ್ ಕಾಗದ ಕೊಡ್‍ಕಂಡೂಂದ್ ಮಹಾ ಯಾಜಕಂಡ ಪಕ್ಕ ಬೋಡ್‍ಚಿ.

ರೋಮ್ 11:7

ಆನಗುಂಡ್ ಎಂತ? ಇಸ್ರಾಯೇಲ್ ಜನ ತ್‍ೕಡ್‍ವದ್ ಅಯಿಂಗಕ್ ಕ್‌ಟ್ಟಿಯಂಡ್ ಇಲ್ಲೆ. ದೇವ ಆಯ್ಕೆ ಮಾಡ್‍ನಯಿಂಗಕ್ ಮಾತ್ರ ಅದ್ ಕ್‌ಟ್ಟಿಯಂಡುಂಡ್; ಬಾಕಿಯುಳ್ಳಯಿಂಗ ಇಲ್ಲಿಕತ್ತನೆ ಅಯಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡಿತುಂಡ್.

ರೋಮ್ 9:18

ಆನಗುಂಡ್, ದಾಡ ಮೇಲೆ ಕನಿಕರ ಕಾಟ್‍ವಕ್ ಅಂವೊಂಗ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಂಬ್‌ಚಿಡ್‌ವ. ದಾಡ ಹೃದಯತ್‍ನ ಗಟ್ಟಿಮಾಡ್‌ವಕ್ ಚಿತ್ತ ಉಂಡೋ ಅಂವೊಂಡ ಮನಸ್ಸ್‌ನ ಗಟ್ಟಿಮಾಡ್‌ವ.

1 ಕೊರಿಂಥ 16:9

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಬಲ್ಯ ಪಡಿ ತೊರ್‌ಂದಿತುಂಡ್. ನಾನ್ ಮಾಡ್‌ವಾನ ವಿರೋದಿಚಿಡುವಯಿಂಗಳು ಇಲ್ಲಿ ದುಂಬ ಉಂಡ್.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

2 ತಿಮೊಥೆಯ 1:15

ನೀಕ್ ಗೊತ್ತುಳ್ಳನೆಕೆ ಆಸ್ಯ ಸೀಮೆಲ್ ಉಳ್ಳ ಎಲ್ಲಾರು ನನ್ನ ದೂರ ಮಾಡಿರ್‌ತ್. ಅಯಿಂಗಡಡೆಲ್ ಫುಗೇಲ ಪಿಂಞ ಹೆರ್ಮೊಗೆನ ಎಣ್ಣ್‌ವಯಿಂಗ ಕೂಡೆ ನನ್ನ ದೂರ ಮಾಡಿರ್‌ತ್.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

2 ಪೇತ್ರ 2:12

ಆಚೇಂಗಿ, ಈ ಕಳ್ಳ ಬೋದನೆ ಮಾಡ್‌ವಯಿಂಗ ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ದೇವ ದೂಷಣೆ ಎಣ್ಣಿಯಂಡುಂಡ್. ಈಂಗ ಮುಠಾಳರನೆಕೆ ಉಳ್ಳ ಪ್ರಾಣಿಯರನೆಕೆ, ಬುದ್ದಿಯಿಲ್ಲತ ಸೂನ್ಯ ಮೃಗತ್‍ರನೆಕೆ, ಪುಡ್‌ಚಿತ್ ಪಾಳಾಪಕಾಯಿತೇ ಪುಟ್ಟ್‌ನಯಿಂಗ. ಮೃಗತ್‍ರನೆಕೆ ಈಂಗಳು ಪಾಳಾಯಿ ಪೋಪ.

2 ಪೇತ್ರ 2:2

ಈ ಕಳ್ಳ ಬೋದನೆಕಾರಡ ಕೆಟ್ಟ ನಡತೇಲ್ ದುಂಬ ಜನ ನಡ್‍ಪ, ಅನ್ನನೆ ಅಯಿಂಗಡಗುಂಡ್ ಸತ್ಯತ್‍ರ ಬಟ್ಟೇರ ಪೆದಕ್ ದೂಷಣೆ ಆಪ.

ಯೂದ ಒಳ್‍ದ್‍ನ ಕಾಗದ 1:10

ಆಚೇಂಗಿ ನಿಂಗಡ ಮದ್ಯತ್‍ಲ್ ಕಳ್ಳ ಬೋದನೆ ಮಾಡಿಯಂಡುಳ್ಳ ಈ ಜನ ಅಯಿಂಗಕ್ ಅರ್ಥ ಆಕತ ವಿಷಯತ್‍ನ ಎಲ್ಲಾ ಕೆಟ್ಟದಾಯಿತ್ ತಕ್ಕ್ ಪರಿವ. ಪಿಂಞ ಬುದ್ದಿ ಇಲ್ಲತ ಪ್ರಾಣಿಯರನೆಕೆ ಅಯಿಂಗಕ್ ಗೊತ್ತುಳ್ಳ ವಿಷಯತ್‍ನ ಸ್ವಾಬಾವಿಕವಾಯಿತ್ ಕಳಿಚಿತ್, ಅದ್‍ಯಿಂಜ ಅಯಿಂಗಯಿಂಗಳೇ ಪಾಳ್ ಮಾಡಿಯೊವ.