ಅಪೊಸ್ತಲ 19:4 - ಕೊಡವ ಬೈಬಲ್

⁴ ಅದ್ಂಗ್ ಪೌಲ: ಪಶ್ಚಾತಾಪ ಪಟ್ಟಿತ್, ಬಪ್ಪಕುಳ್ಳ ಯೇಸುರ ಮೇಲೆ ಜನ ನಂಬಿಕೆ ಇಡ್‌ವಕಾಯಿತ್ ಮಾತ್ರ ಯೋಹಾನ ದೀಕ್ಷಾಸ್ನಾನ ಮಾಡ್‍ಚಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 19:4 ပူးပေါင်းရင်းမြစ်များ

ಯೋಹಾನ 1:15

ಯೋಹಾನ ಅಂವೊಂಡ ವಿಷಯತ್‍ಲ್: ನಾಕ್ ಬಯ್ಯ ಬಪ್ಪಂವೊ ನಾಕಿಂಜ ಮಿಂಞಲೇ ಇಂಜಂವೊ, ಆನಗುಂಡ್ ಅಂವೊ ನಾಕಿಂಜ ಬಲ್ಯಂವೋಂದ್ ನಾನ್ ನಿಂಗಕ್ ಮಿಂಞಲೇ ಎಣ್ಣಿತ್ಂಜಂವೊ ಇಂವೊನೇಂದ್ ಜೋರಾಯಿತ್ ಸಾಕ್ಷಿ ಕೊಡ್‍ತತ್.

ಯೋಹಾನ 1:26

ಅದ್ಂಗ್ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್; ನಿಂಗಕ್ ಗೊತ್ತಿಲ್ಲತ ಒಬ್ಬ ನಿಂಗಡ ಮದ್ಯತ್‍ಲ್ ನಿಂದಂಡುಂಡ್.

ಯೋಹಾನ 1:27

ನಾನ್ ಈ ಲೋಕತ್‍ಲ್ ಬಂದ ಪಿಂಞ ಅಂವೊ ಬಂದತೇಂಗಿಯು, ಅಂವೊ ನಾಕಿಂಜ ಬಲ್ಯಂವೊ; ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:7

ಅಂವೊ ತಾಂಡ ಸಾಕ್ಷಿರ ಮೂಲಕ ಎಲ್ಲಾರು ನಂಬಂಡೂಂದ್, ಈ ಬೊಳಿರ ವಿಷಯತ್ ಸಾಕ್ಷಿ ಕೊಡ್‍ಪಕ್ ಬಾತ್.

ಅಪೊಸ್ತಲ 1:5

ಯೋಹಾನ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತತ್, ಆಚೇಂಗಿ ಇಂಞು ಚೆನ್ನ ದಿವಸತ್‍ಲ್ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವ. ಆನಗುಂಡ್ ನಿಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಕತೆ, ನಾನ್ ನಿಂಗಕ್ ಎಣ್ಣ್‌ನ ನಾಡ ಅಪ್ಪಂಡ ವಾಗ್ದಾನತ್‍ರ ವರ ನಿಂಗಡಲ್ಲಿ ನೆರವೇರ್‍ವಕತ್ತನೆ ಪಾರಕಾತಂಡಿರೀಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 11:16

ಅಕ್ಕ: ಯೋಹಾನ ನಿಂಗಳ ನೀರ್‌ಲ್ ದೀಕ್ಷಾಸ್ನಾನ ಮಾಡ್‍ಚಿ, ಆಚೇಂಗಿ ನಿಂಗ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಪಡೆಯುವಿರಾಂದ್ ಒಡೆಯ ಎಣ್ಣ್‌ನ ತಕ್ಕ್ ನಾಕ್ ಗೇನ ಬಾತ್.