ಅಪೊಸ್ತಲ 19:34 - ಕೊಡವ ಬೈಬಲ್

³⁴ ಆಚೇಂಗಿ ಅಂವೊ ಒರ್ ಯೆಹೂದ್ಯಾಂದ್ ಗೊತ್ತಾನ ಪಿಂಞ, ಎಲ್ಲಾರು ಒರೇ ಸದ್ದ್‌ಲ್ ಎಫೆಸತ್‍ರ ಅರ್ತೆಮಿ ದೇವಿಯೇ ಮಾಹಾದೇವೀಂದ್, ಸುಮಾರ್ ದಂಡ್ ಗಂಟೆಯಚ್ಚಕ್ ಕೂತ್ ಕೊಡ್‍ತಂಡಿಂಜತ್.

ಅಪೊಸ್ತಲ 19:34 ပူးပေါင်းရင်းမြစ်များ

ಮತ್ತಾಯ 6:7

ಆಚೇಂಗಿ ಪ್ರಾರ್ಥನೆ ಮಾಡ್‌ವಕಾಪಕ ದೇವನ ಗೊತ್ತಿಲ್ಲತಯಿಂಗ ಮಾಡ್‌ವನೆಕೆ ಪುನಃ ಪುನಃ ಎಣ್ಣ್‌ನದ್‍ನೇ ಎಣ್ಣುವಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ, ಉದ್ದವಾಯಿತ್ ಪ್ರಾರ್ಥನೆ ಮಾಡ್‍ಚೇಂಗಿ ಅಯಿಂಗ ಕ್‍ೕಪಾನ ಅಯಿಂಗಡ ದೇವ ತಪ್ಪಾಂದ್ ಅಯಿಂಗ ಗೇನ ಮಾಡಿಯಂಡುಂಡ್.

ಅಪೊಸ್ತಲ 16:20

ಅಯಿಂಗಳ ಅದಿಕಾರಿಯಂಗಡ ಮಿಂಞಕ್ ಕೊಂಡ್ ಪೋಯಿತ್, ಅದಿಕಾರಿಯಳ ನೋಟಿತ್: ಯೆಹೂದ್ಯಂಗಳಾನ ಈ ಮನುಷ್ಯಂಗ ನಂಗಡ ಪಟ್ಟಣತ್‍ನ ದುಂಬ ಗಲಿಬಿಲಿ ಮಾಡಿಯಂಡ್ ಉಂಡ್,

ಅಪೊಸ್ತಲ 19:24

ಎನ್ನನೆ ಎಣ್ಣ್‌ಚೇಂಗಿ ದೇಮೇತ್ರಿಯ ಎಣ್ಣ್‌ವ ಒರ್ ತಟ್ಟ, ಬೊಳ್ಳಿಯಿಂಜ ಅರ್ತೆಮಿ ಎಣ್ಣುವ ಗ್ರೀಕ್ ದೇವತೆರ ದೇವಸ್ತಾನತ್‍ರನೆಕೆ ಚೆರಿಯ ಚೆರಿಯ ದೇವಸ್ತಾನತ್‍ನ ಮಾಡಿತ್ ಮಾರ್‌ವಕಿಂಜತ್. ಇದ್‍ನಗುಂಡ್ ಅಲ್ಲಿಯತ್‍ರ ತಟ್ಟಂಗಕ್ ದುಂಬ ಲಾಬ ಕ್‍ಟ್ಟಿಯಂಡಿಂಜತ್.

ಅಪೊಸ್ತಲ 19:26

ಆಚೇಂಗಿ, ಕೈಯಿಂಜ ಮಾಡ್‍ನ ಮೂರ್ತಿಯೆಲ್ಲಾ ದೇವ ಅಲ್ಲಾಂದ್ ಆ ಪೌಲ ಎಣ್ಣಿತ್ ಇಲ್ಲಿ ಎಫೆಸತ್‍ಲ್ ಮಾತ್ರ ಅಲ್ಲತೆ ಆಸ್ಯ ಸೀಮೆರ ಎಲ್ಲಾ ಜಾಗತ್‍ಲು ದುಂಬ ಜನಳ ಅಂವೊಂಡ ಕಡೇಕ್ ಕೂಟಿಯಂಡತ್. ಇದ್‍ನೆಲ್ಲ ನಿಂಗ ನೋಟಿತು ಕ್‍ೕಟಿತು ಉಳ್ಳಿರ.

ಅಪೊಸ್ತಲ 19:28

ಜನ ಈ ತಕ್ಕ್‌ನ ಕ್‍ೕಟಿತ್, ಅಯಿಂಗೆಲ್ಲ ಆವೇಶ ಪಟ್ಟಿತ್ ಚೆಡಿ ಬಂದಿತ್, ಎಫೆಸ ಪಟ್ಟಣತ್‍ರ ಅರ್ತೆಮಿ ದೇವಿಯೇ ಮಾಹಾದೇವೀಂದ್ ಕೂತ್ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 19:33

ಚೆನ್ನ ಯೆಹೂದ್ಯಂಗ ಅಲೆಕ್ಸಾಂದ್ರ ಎಣ್ಣುವ ಒಬ್ಬನ ವೇದಿಕೆಕ್ ತಳ್ಳ್‌ಚಿ. ಅಕ್ಕ ಅಲೆಕ್ಸಾಂದ್ರ ಜನಳ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡಿತ್, ಜನಕ್ ಉತ್ತರ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 19:35

ಕಡೇಕ್, ಪಟ್ಟಣತ್‍ರ ಗುಮಾಸ್ತ ಜನಡ ಗುಂಪ್‍ನ ಸಮಾದಾನ ಮಾಡಿತ್; ಎಫೆಸ ಪಟ್ಟಣತ್‍ಲ್ ಉಳ್ಳ ಜನಳೇ, ಅರ್ತೆಮಿ ಮಹಾದೇವಿರ ದೇವಸ್ತಾನಕ್ ಪಿಂಞ ಬಾನತ್ಂಜ ಬುದ್ದ ಅವಡ ಮೂರ್ತಿನ ಕಾಪಾಡ್‌ವ ಜಾಗವಾಯಿತ್ ಎಫೆಸ ಪಟ್ಟಣ ಇರಂಡೂಂದ್ ಅರಿಯತ ಮನುಷ್ಯ ಉಂಡಾ?

ರೋಮ್ 2:22

ವ್ಯಬಿಚಾರ ಮಾಡ್‌ವಕ್ಕಾಗಾಂದ್ ಎಣ್ಣುವ ನಿಂಗಳೇ ವ್ಯಬಿಚಾರ ಮಾಡಲುವ? ವಿಗ್ರಹತ್‍ನ ವಿರೋದಿಚಿಡುವ ನಿಂಗ, ಆರಾದನೆ ಮಾಡ್‌ವ ಜಾಗತ್‍ನ ಲೂಟಿ ಮಾಡಲುವ?

ಪ್ರಕಟನೆ 13:4

ಆ ಮೃಗಕ್ ಇನ್ನತಾನ ಅದಿಕಾರತ್‍ನ ಕೊಡ್‍ತ ಘಟಸರ್ಪತ್‍ನ ಆರಾದನೆ ಮಾಡ್‍ಚಿ. ಅದಲ್ಲತೆ: ಆ ಮೃಗಕ್ ತಕ್ಕ ಸಮವಾಯಿತ್ ದಾರ್ ಉಂಡ್? ಅದ್ಂಡಕೂಡೆ ಯುದ್ದ ಮಾಡ್‌ವಕ್ ದಾರ್‌ಕ್ ಆಪಾಂದ್ ಎಣ್ಣಿಯಂಡ್ ಮೃಗತ್‍ನ ಸಹ ಆರಾದನೆ ಮಾಡ್‍ಚಿ.