ಅಪೊಸ್ತಲ 19:32 - ಕೊಡವ ಬೈಬಲ್

³² ಅಲ್ಲಿ ಬಲ್ಯ ಕಲಹ ಆಚಿ. ಚೆನ್ನ ಜನ ಇನ್ನನೇಂದ್ ಇಂಞು ಚೆನ್ನ ಜನ ಅನ್ನನೇಂದ್ ಕೂತ್ ಕೊಡ್‍ತಂಡಿಂಜತ್. ದುಂಬ ಜನಕ್ ಅಯಿಂಗ ಕೂಡಿ ಬಂದ ಕಾರಣ ಗೊತ್ತಿಲ್ಲತೆ ಇಂಜತ್.

ಅಪೊಸ್ತಲ 19:32 ပူးပေါင်းရင်းမြစ်များ

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 19:31

ಇದ್‍ಲ್ಲತೆ ಪೌಲಂಡ ಕೂಟ್‍ಕಾರಳಾನ, ಆಸ್ಯ ಸೀಮೆರ ಚೆನ್ನ ಅದಿಕಾರಿಯಂಗ ಅಂವೊಂಡ ಪಕ್ಕ ಜನಳ ಅಯಿಚಿತ್: ನೀನ್ ಜನ ಕೂಡ್‍ನ ನಾಟಕ ಶಾಲೆರ ಒಳ್‍ಕ್ ಪೋಪದ್ ಬೋಂಡಾಂದ್ ಬೋಡಿಯಂಡತ್.

ಅಪೊಸ್ತಲ 19:40

ಇಂದ್ ಉಂಟಾನ ಕಲಹತ್‍ರ ವಿಷಯಕ್ ನ್ಯಾಯವಾನ ಕಾರಣವಿಲ್ಲತಗುಂಡ್, ನ್ಯಾಯ ವಿಚಾರಣೆ ಬಪ್ಪಕ, ನಂಗಡ ಮೇಲೆ ಬಪ್ಪಕುಳ್ಳ ಕುತ್ತಕ್ ಉತ್ತರ ಕೊಡ್‍ಪಕ್ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 21:34

ಅದ್ಂಗ್ ಚೆನ್ನ ಜನ ಒರ್ ವಿಷಯತ್‍ನ, ಇಂಞು ಚೆನ್ನ ಜನ ಬೋರೆ ಒರ್ ವಿಷಯತ್‍ನ ಬಲ್ಯ ಸ್ವರತ್‍ಲ್ ಎಣ್ಣಿಯಂಡ್ ಇಂಜತ್. ಜನ ಜೋರಾಯಿತ್ ಕೂತ್ ಕೊಡ್‍ತಂಡಿಂಜಗುಂಡ್ ಅಯಿಂಗ ಎಂತ ಎಣ್ಣಿಯಂಡುಂಡ್‍ೕಂದ್ ಆ ಅದಿಪತಿಕ್ ಗೊತ್ತ್‌ಮಾಡ್‍ವಕ್ ಕಯಿಂಜಿತ್‌ಲ್ಲೆ. ಆನಗುಂಡ್ ಅಂವೊನ, ಕೋಟೆರ ಒಳ್‍ಕ್ ಕಾಕಿಯಂಡ್ ಪೋಪಕ್ ಆಜ್ಞೆ ಕೊಡ್‍ತತ್.