Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ಅಪೊಸ್ತಲ 19:29 - ಕೊಡವ ಬೈಬಲ್

29 ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

အခန်းကိုကြည့်ပါ။ ကော်ပီ




ಅಪೊಸ್ತಲ 19:29
19 ပူးပေါင်းရင်းမြစ်များ  

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.


ಫಿಲಿಪ್ಪಿ ಎಣ್ಣುವ ಪಟ್ಟಣ ಮಕೆದೋನ್ಯತ್‍ರ ಮುಕ್ಯಪಟ್ಟ ಪಟ್ಟಣವಾಯಿತ್ಂಜತ್, ರೋಮ್ ರಾಜ್ಯತ್‍ರ ಜನ ಅಲ್ಲಿ ಬಂದಿತ್ ವಾಸ ಮಾಡಿಯಂಡಿಂಜತ್. ಈ ಪಟ್ಟಣತ್‍ಲ್ ನಂಗ ಚೆನ್ನ ದಿವಸ ಇಂಜತ್.


ಅಲ್ಲಿ ಅಂದ್ ಬಯಿಟ್, ಪೌಲ ಒರ್ ದರ್ಶನ ಕಂಡತ್. ಅದ್ ಎಂತ ಎಣ್ಣ್‌ಚೇಂಗಿ, ಮಕೆದೋನ್ಯ ದೇಶತ್‍ರ ಒರ್ ಮನುಷ್ಯ ನಿಂದಂಡ್: ನೀನ್ ಸಮುದ್ರತ್‍ನ ದಾಟಿತ್ ಮಕೆದೋನ್ಯಕ್ ಬಂದಿತ್ ನಂಗಕ್ ಸಹಾಯ ಮಾಡ್‍ೕಂದ್ ಅಂವೊನ ಕ್‍ೕಟಂಡತ್.


ಪಟ್ಟಣತ್‍ರ ಜನ ಪಿಂಞ ಅದಿಕಾರಿಯಂಗ ಈ ತಕ್ಕ್‌ನೆಲ್ಲ ಕ್‍ೕಪಕ, ಅಯಿಂಗಕು ಕಲಹ ಮಾಡ್‌ವನೆಕೆ ಆಚಿ.


ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.


ಅಂವೊ ತಾಂಡಕೂಡೆ ಸೇವೆ ಮಾಡಿಯಂಡಿಂಜ ತಿಮೊಥೆಯ ಪಿಂಞ ಎರಸ್ತನ ಮಕೆದೋನ್ಯಕ್ ಅಯಿಚತ್; ಆಚೇಂಗಿ ಅಂವೊ ಆಸ್ಯ ಸೀಮೆಲ್ ಇಂಞು ಚೆನ್ನ ಸಮಯ ಒಳಿಂಜತ್.


ಅಲ್ಲಿ ಬಲ್ಯ ಕಲಹ ಆಚಿ. ಚೆನ್ನ ಜನ ಇನ್ನನೇಂದ್ ಇಂಞು ಚೆನ್ನ ಜನ ಅನ್ನನೇಂದ್ ಕೂತ್ ಕೊಡ್‍ತಂಡಿಂಜತ್. ದುಂಬ ಜನಕ್ ಅಯಿಂಗ ಕೂಡಿ ಬಂದ ಕಾರಣ ಗೊತ್ತಿಲ್ಲತೆ ಇಂಜತ್.


ನಿಂಗಕ್ ಗೊತ್ತುಳ್ಳನೆಕೆ, ನಾಕ್ ಪಿಂಞ ನಾಡ ಕೂಡೆ ಇಂಜಯಿಂಗಕ್ ಬೋಂಡಿಯಾನದ್‍ನೆಲ್ಲ ಎಡ್‍ಪಕ್ ನಾಡ ಸ್ವಂತ ಕೈಯಿಂಜಲೇ ಕೆಲಸ ಮಾಡಿಯೆ.


ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.


ಅಕ್ಕ ಪಟ್ಟಣತ್‍ಲ್ ಬಲ್ಯ ಗಲಾಟೆ ಆಚೀಂದ್ ಪಟ್ಟಣತ್‍ಲ್ ಇಂಜ ಜನಕೆಲ್ಲ ಗೊತ್ತಾಯಿತ್ ಓಡಿ ಬಂತ್ ಕೂಡ್‍ಚಿ. ಪಿಂಞ ಪೌಲನ ಪುಡ್‌ಚಿತ್ ದೇವಾಲಯತ್‍ರ ಪೊರಮೆ ಬಲ್‍ಚಂಡ್ ಬಾತ್. ಅಕ್ಕಣೆಕ್ ದೇವಾಲಯತ್‍ರ ಪಡಿನ ಅಯಿಂಗ ಮುಚ್ಚಿರ್‌ತ್.


ಚೆನ್ನ ದಿವಸತ್‍ರ ಮಿಂಞ ಸರ್ಕಾರಕ್ ವಿರೋದವಾಯಿತ್ ಗಲಾಟೆ ಮಾಡಿತ್ ಮುಕ್ಯಪಟ್ಟಯಿಂಗಳ ಕೊಲ್ಲ್‌ವಂತ ನಾಲಾಯಿರ ಉಗ್ರವಾದಿಯಳ ಮಣಬೂಮಿಕ್ ಕಾಕಿಯಂಡ್ ಪೋನ ಐಗುಪ್ತ ದೇಶತ್‍ರ ಮನುಷ್ಯ ನೀನ್ ತಾನೇಂದ್ ಕ್‍ೕಟತ್.


ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.


ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.


ನಿಂಗಡಡೆಲ್ ಕ್ರಿಸ್ಪ ಪಿಂಞ ಗಾಯನ ಎಣ್ಣ್‌ವಯಿಂಗಳ ಬುಟ್ಟಿತ್ ಬೋರೆ ದಾರ್‌ಕು ನಾನ್ ದೀಕ್ಷಾಸ್ನಾನ ಕೊಡ್‍ತಿತ್‌ಲ್ಲಾನಗುಂಡ್ ನಾನ್ ದೇವಕ್ ವಂದನೆ ಎಣ್ಣ್‌ವಿ.


ನಾಕ್ ಇನ್ನನೆ ಗೇನ ಆಪ, ಒರ್ ರಾಜ ಒರ್ ರಾಜ್ಯತ್‍ನ ಗೆಲ್ಲ್‌ವಕ, ಕಡೇಲ್ ಆ ರಾಜ್ಯತ್‍ರ ಜನಳ ಕೊಲ್ಲುವಕ್ ಕೊಂಡ್ ಪೋಪನೆಕೆ, ಅಪೊಸ್ತಲಂಗಳಾನ ನಂಗಳ ಎಲ್ಲಾರ್‌ಕು ಕಾಂಬನೆಕೆ ಕಡೇಕ್ ಚಾವಯಿಂಗಳಾಯಿತ್ ಮಾಡಿತುಂಡ್. ಈ ಲೋಕ, ದೇವದೂತಂಗ ಪಿಂಞ ಮುನುಷ್ಯಂಗ ನಂಗಳ ನೋಟಿತ್ ತೆಳಿಪನೆಕೆ ಆಚಿ.


ಅದಲ್ಲತೆ, ಒಡೆಯಂಗ್ ಮಹಿಮೆ ಕ್‍ಟ್ಟುವಕಾಯಿತ್, ನಿಂಗಡ ಮನಸ್ಸ್‌ರ ಆಸೆ ಗೊತ್ತಾಪಕು, ನಂಗಡ ಸೇವೇರ ಮೂಲಕ ಕೂಟ್‍ನ ದಾನತ್‍ರ ಪಣತ್‍ನ ಕೊಂಡ್ ಪೋಪಕ, ನಂಗಡ ಕೂಡೆ ಬಟ್ಟೇಲ್ ಬಪ್ಪಕಾಯಿತು, ಅಂವೊನ ಸಬೆ ಗೊತ್ತ್ ಮಾಡಿತ್ ನೇಮಿಚಿಟ್ಟತ್.


ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).


ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ