ಅಪೊಸ್ತಲ 19:28 - ಕೊಡವ ಬೈಬಲ್

²⁸ ಜನ ಈ ತಕ್ಕ್‌ನ ಕ್‍ೕಟಿತ್, ಅಯಿಂಗೆಲ್ಲ ಆವೇಶ ಪಟ್ಟಿತ್ ಚೆಡಿ ಬಂದಿತ್, ಎಫೆಸ ಪಟ್ಟಣತ್‍ರ ಅರ್ತೆಮಿ ದೇವಿಯೇ ಮಾಹಾದೇವೀಂದ್ ಕೂತ್ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 19:28 ပူးပေါင်းရင်းမြစ်များ

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 19:24

ಎನ್ನನೆ ಎಣ್ಣ್‌ಚೇಂಗಿ ದೇಮೇತ್ರಿಯ ಎಣ್ಣ್‌ವ ಒರ್ ತಟ್ಟ, ಬೊಳ್ಳಿಯಿಂಜ ಅರ್ತೆಮಿ ಎಣ್ಣುವ ಗ್ರೀಕ್ ದೇವತೆರ ದೇವಸ್ತಾನತ್‍ರನೆಕೆ ಚೆರಿಯ ಚೆರಿಯ ದೇವಸ್ತಾನತ್‍ನ ಮಾಡಿತ್ ಮಾರ್‌ವಕಿಂಜತ್. ಇದ್‍ನಗುಂಡ್ ಅಲ್ಲಿಯತ್‍ರ ತಟ್ಟಂಗಕ್ ದುಂಬ ಲಾಬ ಕ್‍ಟ್ಟಿಯಂಡಿಂಜತ್.

ಅಪೊಸ್ತಲ 7:54

ಈ ತಕ್ಕ್‌ನೆಲ್ಲಾ ಅಯಿಂಗ ಕ್‍ೕಟದು, ಅಯಿಂಗಕೆಲ್ಲ ದುಂಬ ಚೆಡಿ ಬಂತ್ ಅಂವೊನ ನೋಟಿತ್ ಅಯಿಂಗಡ ಪಲ್ಲ್‌ನ ಕಡಿಚತ್.

ಪ್ರಕಟನೆ 12:12

ಆನಗುಂಡ್, ಪರಲೋಕವೇ, ಅದ್‍ಲ್ ವಾಸ ಮಾಡಿಯಂಡ್ ಉಳ್ಳಯಿಂಗಳೇ, ಕುಶಿ ಪಡಿರಿ. ಬೂಮಿಲ್ ಸಮುದ್ರತ್‍ಲ್ ವಾಸಮಾಡಿಯಂಡುಳ್ಳಯಿಂಗಳೇ, ನಿಂಗಕ್ ಅಯ್ಯೋ! ಸೈತಾನ ತಾಂಗ್ ಚೆನ್ನ ಸಮಯ ಮಾತ್ರ ಉಂಡ್‍ೕಂದ್ ಗೊತ್ತಾನಗುಂಡ್, ದುಂಬ ಚೆಡಿಲ್, ನಿಂಗಡ ಪಕ್ಕ ಇಳಿಂಜಗುಂಡ್, ನಿಂಗಕ್ ಬಲ್ಯ ಕಷ್ಟ ಆಪಾಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 13:4

ಆ ಮೃಗಕ್ ಇನ್ನತಾನ ಅದಿಕಾರತ್‍ನ ಕೊಡ್‍ತ ಘಟಸರ್ಪತ್‍ನ ಆರಾದನೆ ಮಾಡ್‍ಚಿ. ಅದಲ್ಲತೆ: ಆ ಮೃಗಕ್ ತಕ್ಕ ಸಮವಾಯಿತ್ ದಾರ್ ಉಂಡ್? ಅದ್ಂಡಕೂಡೆ ಯುದ್ದ ಮಾಡ್‌ವಕ್ ದಾರ್‌ಕ್ ಆಪಾಂದ್ ಎಣ್ಣಿಯಂಡ್ ಮೃಗತ್‍ನ ಸಹ ಆರಾದನೆ ಮಾಡ್‍ಚಿ.

ಪ್ರಕಟನೆ 17:13

ಅಯಿಂಗ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್, ಅಯಿಂಗಡ ಶಕ್ತಿನ ಅದಿಕಾರತ್‍ನ ಆ ಮೃಗಕ್ ಕೊಡ್‍ಪ.