ಅಪೊಸ್ತಲ 19:24 - ಕೊಡವ ಬೈಬಲ್

²⁴ ಎನ್ನನೆ ಎಣ್ಣ್‌ಚೇಂಗಿ ದೇಮೇತ್ರಿಯ ಎಣ್ಣ್‌ವ ಒರ್ ತಟ್ಟ, ಬೊಳ್ಳಿಯಿಂಜ ಅರ್ತೆಮಿ ಎಣ್ಣುವ ಗ್ರೀಕ್ ದೇವತೆರ ದೇವಸ್ತಾನತ್‍ರನೆಕೆ ಚೆರಿಯ ಚೆರಿಯ ದೇವಸ್ತಾನತ್‍ನ ಮಾಡಿತ್ ಮಾರ್‌ವಕಿಂಜತ್. ಇದ್‍ನಗುಂಡ್ ಅಲ್ಲಿಯತ್‍ರ ತಟ್ಟಂಗಕ್ ದುಂಬ ಲಾಬ ಕ್‍ಟ್ಟಿಯಂಡಿಂಜತ್.

ಅಪೊಸ್ತಲ 19:24 ပူးပေါင်းရင်းမြစ်များ

ಅಪೊಸ್ತಲ 16:16

ಒರ್ ಕುರಿ, ನಂಗ ಪ್ರಾರ್ಥನೆ ಮಾಡ್‌ವ ಆ ಜಾಗಕ್ ಪೋಯಂಡಿಪ್ಪಕ, ಕೂಳಿ ಪುಡ್‍ಚಿತ್ಂಜ ಒರ್ ಆಳ್ ಮೂಡಿ ನಂಗಡ ಮಿಂಞತ್ ಬಾತ್. ಅವ ಮಿಂಞಕ್ ಆಪಕುಳ್ಳ ವಿಷಯತ್‍ನ ಎಣ್ಣ್‌ವಗುಂಡ್, ಅದ್ಂಡ ಮೂಲಕ, ಅವಡ ಎಜಮಾನಂಗ್ ದುಂಬ ಆದಾಯ ಮಾಡಿ ಕೊಡ್‍ತಂಡಿಂಜತ್.

ಅಪೊಸ್ತಲ 16:19

ಅವಡ ಎಜಮಾನಂಗ್ ಅವಡಗುಂಡ್ ಇಂಞು ಮಿಂಞಕ್ ಆದಾಯ ಒಂದು ಕ್‍ಟ್ಟ್‌ಲೇಂದ್ ಗೊತ್ತಾನ ಪಿಂಞ, ಅಂವೊ ಪೌಲ ಪಿಂಞ ಸೀಲನ ಪುಡ್‌ಚಿತ್, ಚತ್ತೆಲ್ ಎಲ್ಲಾಡ ಮಿಂಞತ್ ಅದಿಕಾರಿಯಂಗಡ ಪಕ್ಕ ಬಲ್‍ಚಂಡ್ ಪೋಚಿ.

ಅಪೊಸ್ತಲ 19:25

ದೇಮೇತ್ರಿಯ ಈ ಕೆಲಸ ಮಾಡ್‌ವಯಿಂಗಳೆಲ್ಲ ಒಕ್ಕಚೆ ಕಾಕಿತ್: ಜನಳೇ, ಈ ವ್ಯಪಾರತ್‍ರಗುಂಡ್ ನಂಗಕ್ ಐಶ್ವರ್ಯ ಕ್‍ಟ್ಟಿಯಂಡುಂಡ್‍ೕಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 19:38

ಇನ್ನನೆ ಇಪ್ಪಕ, ದೇಮೇತ್ರಿಯಂಗು ಅಂವೊಂಡ ಪಕ್ಷತ್‍ರ ಪಣಿಕಾರಂಗಕು, ದಾಡ ಮೇಲಾಚೇಗಿಯೂ ವ್ಯವಹಾರ ಇಂಜತೇಂಗಿ, ನ್ಯಾಯಾಸ್ತಾನ ಉಂಡ್, ಅದಿಪತಿಯ ಉಂಡ್; ಅಲ್ಲಿ ಒಬ್ಬಂಡ ಮೇಲೋಬ್ಬನ ಕುತ್ತ ಪರಿಯಡ್.