ಅಪೊಸ್ತಲ 19:22 - ಕೊಡವ ಬೈಬಲ್

²² ಅಂವೊ ತಾಂಡಕೂಡೆ ಸೇವೆ ಮಾಡಿಯಂಡಿಂಜ ತಿಮೊಥೆಯ ಪಿಂಞ ಎರಸ್ತನ ಮಕೆದೋನ್ಯಕ್ ಅಯಿಚತ್; ಆಚೇಂಗಿ ಅಂವೊ ಆಸ್ಯ ಸೀಮೆಲ್ ಇಂಞು ಚೆನ್ನ ಸಮಯ ಒಳಿಂಜತ್.

ಅಪೊಸ್ತಲ 19:22 ပူးပေါင်းရင်းမြစ်များ

ಅಪೊಸ್ತಲ 13:5

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.

ಅಪೊಸ್ತಲ 16:1

ಅಲ್ಲಿಂಜ ಪೌಲ ದೆರ್ಬೆ ಪಿಂಞ ಲುಸ್ತ್ರ ಎಣ್ಣ್‌ವ ಜಾಗಕ್ ಬಾತ್. ಅಲ್ಲಿ ತಿಮೊಥೆಯ ಎಣ್ಣುವ ಯೇಸುನ ನಂಬ್‍ನ ಒಬ್ಬ ಇಂಜತ್; ಅಂವೊಂಡ ಅವ್ವ ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಒರ್ ಯೆಹೂದ್ಯ ಪೊಣ್ಣಾಳಾಯಿತ್ಂಜತ್, ಆಚೇಂಗಿ ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೊನಾಯಿತ್ಂಜತ್.

ಅಪೊಸ್ತಲ 16:3

ತಿಮೊಥೆಯನ ತಾಂಡಕೂಡೆ ಕಾಕಿಯಂಡ್ ಪೋಪಕ್ ಪೌಲ ಕುಶೀಲ್ ಇಂಜತ್. ಆಚೇಂಗಿ, ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೋಂದ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಕ್ ಗೊತ್ತ್ಂಜಗುಂಡ್, ಅಯಿಂಗಕಾಯಿತ್ ತಿಮೊಥೆಯಂಗ್ ಅಂವೊ ಸುನ್ನತಿ ಮಾಡ್‍ಚಿ.

ಅಪೊಸ್ತಲ 18:5

ಸೀಲ ಪಿಂಞ ತಿಮೊಥೆಯ ಮಕೆದೋನ್ಯತ್ಂಜ ಬಪ್ಪಕ, ಪೌಲ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಕಾಯಿತ್ ಎಲ್ಲಾ ಕೆಲಸತ್‍ನ ಬುಟ್ಟಿತ್, ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಯೆಹೂದ್ಯಂಗಕ್ ಸಾಕ್ಷಿ ಕೊಡ್‍ತತ್.

ಅಪೊಸ್ತಲ 19:10

ಇನ್ನನೆ ದಂಡ್ ಕಾಲಕ್ ನಡ್ಂದಗುಂಡ್ ಆಸ್ಯ ಸೀಮೆಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗ ಪಿಂಞ ಯೆಹೂದ್ಯಂಗ ಅಲ್ಲತ ಜನ ಎಲ್ಲಾರು ಒಡೆಯಂಡ ಬೋದನೆನ ಕ್‍ೕಟತ್.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 20:1

ಕಲಹ ಕಮ್ಮಿ ಆನ ಪಿಂಞ ಪೌಲ, ಯೇಸುನ ನಂಬ್‍ನಯಿಂಗಳ ಒಕ್ಕಚೆ ಕಾಕಿತ್, ಅಯಿಂಗಕ್ ಪುರ್‌ಡ್ ಕೊಡ್‍ತತ್. ಪಿಂಞ ಅಯಿಂಗಡಿಂಜ ಅಪ್ಪಣೆ ಪಡ್ಂದಂಡ್ ಮಕೆದೋನ್ಯಕ್ ಪೊರಟತ್.

ಅಪೊಸ್ತಲ 20:34

ನಿಂಗಕ್ ಗೊತ್ತುಳ್ಳನೆಕೆ, ನಾಕ್ ಪಿಂಞ ನಾಡ ಕೂಡೆ ಇಂಜಯಿಂಗಕ್ ಬೋಂಡಿಯಾನದ್‍ನೆಲ್ಲ ಎಡ್‍ಪಕ್ ನಾಡ ಸ್ವಂತ ಕೈಯಿಂಜಲೇ ಕೆಲಸ ಮಾಡಿಯೆ.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

2 ಕೊರಿಂಥ 1:16

ನಾನ್ ಮಕೆದೋನ್ಯ ಪ್ರಾಂತ್ಯಕ್ ಪೋಪಕ ನಿಂಗಳ ಕಂಡಿತ್ ಪೋಪಿ, ಪುನಃ ಅಲ್ಲಿಂಜ ಬಪ್ಪಕಲು ನಿಂಗಳ ಕಂಡಿತ್ ಬಪ್ಪಕ್ ಗೇನ ಮಾಡಿಯಂಡುಳ್ಳ. ಬಯ್ಯ ನಿಂಗ ನನ್ನ ಯೂದಾಯಕ್ ಅಯಿಕಲು.

2 ಕೊರಿಂಥ 11:9

ನಾನ್ ನಿಂಗಡ ಪಕ್ಕ ಇಪ್ಪಕ, ಮಕೆದೋನ್ಯತ್ಂಜ ಬಂದ ನಾಡ ಅಣ್ಣತಮ್ಮಣಂಗ ನಾಕ್ ಬೋಂಡಿಯಾನದ್‍ನ ತಂದತ್. ನಿಂಗಕ್ ಆ ಬಾರತ್‍ನ ಕೊಡ್‍ತಿತ್‌ಲ್ಲೆ. ಎಲ್ಲಾ ವಿಷಯತ್ ನಾನ್ ನಿಂಗಕ್ ಬಾರವಾಯಿತ್ ಇಲ್ಲತಿಪ್ಪನೆಕೆ ಜಾಗ್ರತೆಲ್ ಇಂಜ. ಇಂಞು ಮಿಂಞಕು ಜಾಗ್ರತೆಲ್ ಇಪ್ಪಿ.

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

2 ಕೊರಿಂಥ 8:1

ನಾಡ ಅಣ್ಣತಮ್ಮಣಂಗಳೇ, ಮಕೆದೋನ್ಯ ಪ್ರಾಂತ್ಯತ್‍ರ ಸಬೇಕ್ ದೇವ ಕೊಡ್‍ತ ಕೃಪೇನ ನಿಂಗಕ್ ಅರಿಚಿಟ್ಟಂಡುಂಡ್.

2 ಕೊರಿಂಥ 8:19

ಅದಲ್ಲತೆ, ಒಡೆಯಂಗ್ ಮಹಿಮೆ ಕ್‍ಟ್ಟುವಕಾಯಿತ್, ನಿಂಗಡ ಮನಸ್ಸ್‌ರ ಆಸೆ ಗೊತ್ತಾಪಕು, ನಂಗಡ ಸೇವೇರ ಮೂಲಕ ಕೂಟ್‍ನ ದಾನತ್‍ರ ಪಣತ್‍ನ ಕೊಂಡ್ ಪೋಪಕ, ನಂಗಡ ಕೂಡೆ ಬಟ್ಟೇಲ್ ಬಪ್ಪಕಾಯಿತು, ಅಂವೊನ ಸಬೆ ಗೊತ್ತ್ ಮಾಡಿತ್ ನೇಮಿಚಿಟ್ಟತ್.

1 ಥೆಸಲೊನೀಕ 1:8

ನಿಂಗಡಿಂಜ ದೇವಡ ಸುದ್ದಿ ಮಕೆದೋನ್ಯ ಪಟ್ಟಣಕ್ ಮಾತ್ರ ಅಲ್ಲತೆ ಅಖಾಯ ಪ್ರಾಂತ್ಯಕ್ ಸಹ ಪಬ್ಬ್‌ಚಿ. ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಎಲ್ಲಾ ಜಾಗಕ್ ಗೊತ್ತಾಚಿ. ಆನಗುಂಡ್, ನಂಗ ನಿಂಗಡ ನಂಬಿಕೇರ ವಿಷಯತ್ ಒಂದು ಎಣ್ಣುವಕ್ ಒರ್ ಅವಸ್ಯವು ಇಲ್ಲತೆ ಪೋಚಿ.

2 ತಿಮೊಥೆಯ 4:20

ಎರಸ್ತ, ಕೊರಿಂಥ ಪಟ್ಟಣತ್‍ಲ್ ಒಳಿಂಜತ್. ತ್ರೋಫಿಮನಂಗ್, ಸೌಕ್ಯ ಇಲ್ಲತೆ ಇಪ್ಪಕ ಮಿಲೇತಲ್ ಬುಟ್ಟಿತ್ ಬಂದ್.