ಅಪೊಸ್ತಲ 19:18 - ಕೊಡವ ಬೈಬಲ್

¹⁸ ಇಕ್ಕ ಯೇಸುನ ನಂಬ್‍ನ ದುಂಬ ಜನ, ಅಯಿಂಗ ಮಾಡ್‍ನ ಕೆಟ್ಟ ಕೆಲಸತ್‍ನ ಎಲ್ಲಾಡ ಮಿಂಞತ್ ಒತ್ತಂಡ್ ಅರಿಕೆ ಮಾಡ್‍ಚಿ.

ಅಪೊಸ್ತಲ 19:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:13

ತಾಂಡ ಪಾಪತ್‌ನ ಮುಚ್ಚ್‌ವಂವೊ ಚಾಯಾಪುಲೆ. ಆಚೇಂಗಿ ತಾಂಡ ಪಾಪತ್‌ನ ಅರಿಕೆ ಮಾಡಿತ್‌ ಅದ್‌ನ ಬುಡುವಂವೊಂಗ್‌ ಕರುಣೆ ಕ್‌ಟ್ಟುವ.

ಮತ್ತಾಯ 3:6

ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ದೀಕ್ಷಾಸ್ನಾನ ತಪ್ಪ ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಅಪೊಸ್ತಲ 19:17

ಆ ಸುದ್ದಿ ಎಫೆಸತ್‍ಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗಕೂ ಯೆಹೂದ್ಯ ಅಲ್ಲತಯಿಂಗಕೂ ಗೊತ್ತಾಯಿತ್ ಅಯಿಂಗಕೆಲ್ಲ ಪೋಡಿ ಆಚಿ. ಒಡೆಯನಾನ ಯೇಸುರ ಪೆದ ಗನಪಟ್ಟತ್.

ಅಪೊಸ್ತಲ 19:19

ಇದ್‍ಲ್ಲತೆ ಮಾಟಮಂತ್ರ ಮಾಡಿಯಂಡಿಂಜ ದುಂಬ ಜನ ತಂಗಡ ಪುಸ್ತಕತ್‍ನ ಕೊಂಡ್‌ಬಂತ್, ಗುಡ್ಡೆ ಕೂಟಿತ್ ಎಲ್ಲಾಡ ಮಿಂಞತ್ ತಿತ್ತ್‌ಕ್ ಇಟ್ಟತ್; ಅದ್ಂಡ ಕ್ರಯತ್‍ನ ಲೆಕ್ಕಮಾಡ್‍ವಕ ಸುಮಾರ್ ಐಂಬದಾಯಿರ ಬೊಳ್ಳಿ ನ್ಯಾಣ ಆಯಿತಿಕ್ಕೂಂದ್ ಗೊತ್ತಾಚಿ.

ರೋಮ್ 10:10

ದಾರಾಯಿತ್ ಇಂಜತೇಂಗಿಯು, ನೀತಿ ಕ್‍ಟ್ಟುವಕಾಯಿತ್ ಹೃದಯತ್‍ಲ್ ನಂಬಂಡು; ರಕ್ಷಣೆ ಕ್‍ಟ್ಟ್‌ವಕ್ ಬಾಯಿಂಜ ಅರಿಕೆ ಮಾಡಂಡು.

ಯಾಕೋಬ 5:16

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.

1 ಯೋಹಾನ 1:9

ನಂಗ ನಂಗಡ ಪಾಪತ್‍ನ ನೇರಾಯಿತ್ ಅಂವೊಂಡ ಪಕ್ಕ ಒತ್ತಂಡತೇಂಗಿ, ದೇವ ಅಂವೊಂಡ ತಕ್ಕ್‌ನ ಮೀರತೆ, ನಂಗಡ ಪಾಪತ್‍ನ ಮನ್ನಿಚಿಟ್ಟಿತ್ ನಂಗಡಲ್ಲಿ ಉಳ್ಳ ಸಕಲ ಕೆಟ್ಟ ಗುಣತ್‍ನ ಶುದ್ದ ಮಾಡ್‌ವಕ್ ಅಂವೊ ನೀತಿವಂತಂವೊನಾಯಿತ್ ಉಂಡ್.