ಅಪೊಸ್ತಲ 19:13 - ಕೊಡವ ಬೈಬಲ್

¹³ ಊರ್ ಊರ್‌ಕ್ ಪೋಯಿತ್ ಕೂಳಿಯಳ ಬುಡ್‌ತ್‌ವ ಯೆಹೂದ್ಯಂಗಳಾನ ಚೆನ್ನ ಜನ ಇದ್‍ನ ನೋಟಿತ್, ಒಡೆಯನಾನ ಯೇಸುರ ಪೆದತ್‍ನ ಅಯಿಂಗಳು ಎಣ್ಣ್‌ವಕ್‌ ದೈರ್ಯ ಎಡ್‍ತಂಡ್: ಅಯಿಂಗ ಕೂಳಿ ಪುಡ್‍ಚಯಿಂಗಡ ಪಕ್ಕ ಪೋಯಿತ್: ಪೌಲ ಬೋದನೆ ಮಾಡ್‌ವ ಯೇಸುರ ಪೆದತ್‍ಲ್ ನಿಂಗಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 19:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:12

ನೀನ್‌ ಬೂಮಿನ ಎಚ್ಚಕ್‌ ಕಷ್ಟಪಟ್ಟಿತ್‌ ವ್ಯವಸಾಯ ಮಾಡ್‌ಚೇಂಗಿಯು ಅದ್‌ ಇಂಞು ಮಿಂಞಕ್‌ ಬೊಳೆ ತಪ್ಪ್‌ಲೆ, ಇಕ್ಕಯಿಂಞ ನೀನ್‌ ಈ ಬೂಮಿಲ್‌ ಮನೆ ಇಲ್ಲತೆ ತಿರ್‌ಗಾಡ್‌ವಂವೊನಾಯಿತ್‌ಪ್ಪಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 4:14

ಇಕ್ಕ ನೀನ್‌ ನನ್ನ ಈ ಜಾಗತಿಂಜ, ನೀಡ ಪ್ರಸನ್ನತ್‌ಂಜ ಓಟಿಚಿಟ್ಟಂಡುಳ್ಳಿಯ; ನನ್ನ ಒರ್‌ ಅಲೆಮಾರಿಯಾಯಿತ್‌ ಮಾಡಿತುಳ್ಳಿಯ. ನನ್ನ ದರಾಚೇಂಗಿ ಕಂಡತೇಂಗಿ ನನ್ನ ಕೊಂದ್ರುವಾಂದ್‌ ಎಣ್ಣ್‌ಚಿ.

ಮತ್ತಾಯ 12:27

ನಾನ್ ಕೂಳಿಯಳ ಬೆಲ್ಜೆಬೂಲ್‌ರ ಶಕ್ತಿಯಿಂಜ ಬುಡ್‌ತ್‌ಚೇಂಗಿ, ನಿಂಗಡ ಮಕ್ಕ ದಾಡ ಶಕ್ತಿಯಿಂಜ ಕೂಳಿಯಳ ಬುಡ್‌ತಿಯಂಡುಂಡ್? ಆನಗುಂಡ್, ಅಯಿಂಗಳೇ ನಿಂಗಕ್ ತೀರ್ಪ್ ತಪ್ಪ.

ಮತ್ತಾಯ 26:63

ಆಚೇಂಗಿ ಯೇಸು ಒರ್ ತಕ್ಕು ಪರಿಯತೆ ಮುಂಡತೆ ಇಂಜತ್. ಪುನಃ ಮಹಾ ಯಾಜಕ ಯೇಸುಕ್: ನೀನ್ ದೇವಡ ಮೋಂವೊನಾನ ಕ್ರಿಸ್ತನಾಂದ್ ನಂಗಕ್ ಎಣ್ಣ್. ಇದ್‍ನ ಜೀವವಾಯಿತುಳ್ಳ ದೇವಡ ಪೆದತ್‍ಲ್ ಆಣೆ ಇಟ್ಟಿತ್ ನಾನ್ ಕ್‍ೕಟಂಡುಳ್ಳ್‌ಂದ್ ಎಣ್ಣ್‌ಚಿ.

ಮಾರ್ಕ 5:7

ಅಂವೊ ಜೋರಾಯಿತ್ ಕೂತ್ ಕೊಡ್‌ತಂಡ್: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು, ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ದೇವಡ ಮೇಲೆ ಆಣೇಂದ್ ಎಣ್ಣ್‌ಚಿ.

ಮಾರ್ಕ 9:38

ಅಕ್ಕ ಯೋಹಾನ ಯೇಸುನ ನೋಟಿತ್: ಉಪಾದ್ಯ, ನಂಗಡ ಗುಂಪ್‌ಲ್ ಇಲ್ಲತಂವೊ ನೀಡ ಪೆದ ಎಣ್ಣಿಯಂಡ್ ಕೂಳಿ ಬುಡ್‍ತಿಯಂಡಿಂಜದ್‍ನ ನಂಗ ಕಂಡತ್; ಅಂವೊ ನಂಗಡ ಗುಂಪ್‌ಲ್ ಇಲ್ಲತಂವೊನಾನಗುಂಡ್ ನಂಗ ಅಂವೊನ ನಿಪ್ಪ್‌ಚಿಟ್ಟತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:19

ಇಕ್ಕ ನಾನ್ ಕೂಳಿಯಳ ಬೆಲ್ಜೆಬೂಲ್‌ರ ಶಕ್ತಿಯಿಂಜ ಬುಡ್‌ತ್‌ಚೇಂಗಿ, ನಿಂಗಡ ಶಿಷ್ಯಂಗ ದಾಡ ಶಕ್ತಿಯಿಂಜ ಕೂಳಿಯಳ ಬುಡ್‌ತಿಯಂಡುಂಡ್? ಆನಗುಂಡ್, ಅಯಿಂಗಳೇ ನಿಂಗಕ್ ತೀರ್ಪ್ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:49

ಉಪಾದ್ಯನೇ, ನೀಡ ಪೆದ ಎಣ್ಣಿಯಂಡ್ ಒಬ್ಬ ಕೂಳಿ ಬುಡ್‍ತಿಯಂಡಿಂಜದ್‍ನ ನಂಗ ಕಂಡತ್, ಆಚೇಂಗಿ ಅಂವೊ ನಂಗಡ ಗುಂಪ್‌ಲ್ ಇಲ್ಲತಗುಂಡ್ ನಂಗ ಅಂವೊನ ನಿಪ್ಪ್‌ಚಿಟ್ಟತ್‍ೕಂದ್ ಯೋಹಾನ ಎಣ್ಣ್‌ಚಿ.

ಅಪೊಸ್ತಲ 19:14

ಮಹಾ ಯಾಜಕನಾನ ಸ್ಕೇವ ಎಣ್ಣ್‌ವ ಒರ್ ಯೆಹೂದ್ಯಂಡ ಏಳ್ ಕ್‍ಣ್ಣ ಮಕ್ಕ ಇನ್ನನೆ ಮಾಡ್‍ಚಿ.

2 ಕೊರಿಂಥ 11:4

ಎನ್ನನೆ ಎಣ್ಣ್‌ಚೇಂಗಿ, ನಿಂಗಡ ಪಕ್ಕ ಬಪ್ಪಂವೊ, ನಂಗ ಬೋದನೆ ಮಾಡತ ಬೋರೆ ಒರು ಯೇಸುನ ಬೋದನೆ ಮಾಡ್‍ಚೇಂಗಿಯು, ಅಲ್ಲತಪೋಚೇಂಗಿ, ನಿಂಗ ಪಡೆಯತ ಬೋರೆ ಒರ್ ಪವಿತ್ರಾತ್ಮತ್‍ನ ಪಡೆಯುವಕಲು, ನಿಂಗ ಸ್ವೀಕಾರ ಮಾಡತ ಬೋರೆ ಒರ್ ದೇವಡ ನಲ್ಲ ಸುದ್ದಿನ ಸ್ವೀಕಾರ ಮಾಡ್‌ವಕಲು, ನಿಂಗ ಅದ್‍ನ ಕುಶೀಲ್ ಸಹಿಸಿಯಂಡ್ ಉಳ್ಳಿರಲ್ಲ.