ಅಪೊಸ್ತಲ 19:10 - ಕೊಡವ ಬೈಬಲ್

¹⁰ ಇನ್ನನೆ ದಂಡ್ ಕಾಲಕ್ ನಡ್ಂದಗುಂಡ್ ಆಸ್ಯ ಸೀಮೆಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗ ಪಿಂಞ ಯೆಹೂದ್ಯಂಗ ಅಲ್ಲತ ಜನ ಎಲ್ಲಾರು ಒಡೆಯಂಡ ಬೋದನೆನ ಕ್‍ೕಟತ್.

ಅಪೊಸ್ತಲ 19:10 ပူးပေါင်းရင်းမြစ်များ

ಅಪೊಸ್ತಲ 13:12

ಇನ್ನನೆ ಆನದ್‍ನ ಆ ಅದಿಪತಿ ಕಾಂಬಕ, ದೇವಡ ಬೋದನೆರ ವಿಷಯತ್ ಆಶ್ಚರ್ಯಪಟ್ಟಿತ್ ಒಡೆಯನ ನಂಬ್‍ಚಿ.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 18:11

ಅನ್ನನೆ ಪೌಲ ಒರ್ ಕಾಲ ಆರ್ ತಿಂಗ ಅಲ್ಲೇ ಒಳಿಂಜಿತ್ ಆ ಜನಕ್ ದೇವಡ ವಾಕ್ಯತ್‍ನ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 18:4

ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.

ಅಪೊಸ್ತಲ 19:20

ಇನ್ನನೆ ಒಡೆಯನಾನ ಯೇಸುರ ಸುದ್ದಿ ಎಲ್ಲೆಲ್ಲಿಕೋ ಪಬ್ಬಿತ್, ಆ ಸುದ್ದಿ ದುಂಬ ಜನತ್‍ನ ದೇವಡ ಪಕ್ಕ ಕೊಂಡ್ ಬಪ್ಪನೆಕೆ ಶಕ್ತಿ ಉಳ್ಳದಾಯಿತ್ಂಜತ್.

ಅಪೊಸ್ತಲ 19:22

ಅಂವೊ ತಾಂಡಕೂಡೆ ಸೇವೆ ಮಾಡಿಯಂಡಿಂಜ ತಿಮೊಥೆಯ ಪಿಂಞ ಎರಸ್ತನ ಮಕೆದೋನ್ಯಕ್ ಅಯಿಚತ್; ಆಚೇಂಗಿ ಅಂವೊ ಆಸ್ಯ ಸೀಮೆಲ್ ಇಂಞು ಚೆನ್ನ ಸಮಯ ಒಳಿಂಜತ್.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 2:9

ನಂಗೆಲ್ಲ ಪಾರ್ಥ್ಯಂಗ, ಮೇದ್ಯಂಗ, ಏಲಾಮ್ಯಂಗ, ಮೆಸೊಪೊತಾಮ್ಯ, ಯೂದಾಯ, ಕಪ್ಪದೋಕ್ಯ,

ಅಪೊಸ್ತಲ 20:18

ಅಯಿಂಗ ಬಂದ ಪಿಂಞ, ಪೌಲ ಅಯಿಂಗಳ ನೋಟಿತ್: ನಾನ್ ಆಸ್ಯ ಸೀಮೆಲ್ ಬಂದ ಕಾಲತ್ಂಜ ಇಲ್ಲಿಕತ್ತನೆ ನಿಂಗಡ ಮದ್ಯತ್‍ಲ್ ಎನ್ನನೆ ಇಂಜ್‍ೕಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 10:12

ಯೆಹೂದ್ಯಂಗಾಂದು, ಯೆಹೂದ್ಯ ಅಲ್ಲತಯಿಂಗಾಂದು ವೆತ್ಯಾಸ ಇಲ್ಲೆ, ಎಲ್ಲಾರ್‌ಕು ಒಡೆಯನಾಯಿತ್ ಉಳ್ಳ ಅಂವೊ, ಅಂವೊನ ಆರಾದನೆ ಮಾಡ್‌ವಯಿಂಗಕೆಲ್ಲಾ ದಾರಾಳವಾಯಿತ್ ಆಶೀರ್ವಾದ ಮಾಡ್‌ವಂವೊನಾಯಿತುಂಡ್.

ರೋಮ್ 10:18

ಆಚೇಂಗಿ, ಇಸ್ರಾಯೇಲ್ ಜನ ಇದ್‍ನ ಕ್‍ೕಟಿತ್‌ಲ್ಲೆಯಾಂದ್ ನಾನ್ ಕ್‍ೕಪಿ; ಅಯಿಂಗ ಕ್‍ೕಟತ್; ಅಯಿಂಗ ಎಣ್ಣ್‌ನ ವಾಕ್ಯತ್‍ರ ವಾಣಿ ಲೋಕತ್‍ಲ್ ಎಲ್ಲೆಲ್ಲಿಕು ಪೋಚಿ, ಪಿಂಞ ಲೋಕತ್‍ರ ಆಕೀರ್‍ಕತ್ತನೆ ಪೋಚೀಂದ್ ಉಂಡ್.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

2 ತಿಮೊಥೆಯ 1:15

ನೀಕ್ ಗೊತ್ತುಳ್ಳನೆಕೆ ಆಸ್ಯ ಸೀಮೆಲ್ ಉಳ್ಳ ಎಲ್ಲಾರು ನನ್ನ ದೂರ ಮಾಡಿರ್‌ತ್. ಅಯಿಂಗಡಡೆಲ್ ಫುಗೇಲ ಪಿಂಞ ಹೆರ್ಮೊಗೆನ ಎಣ್ಣ್‌ವಯಿಂಗ ಕೂಡೆ ನನ್ನ ದೂರ ಮಾಡಿರ್‌ತ್.

1 ಪೇತ್ರ 1:1

ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೇತ್ರ, ಪೊಂತ, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಎಣ್ಣುವ ಈ ದೇಶತ್‍ಲ್, ಚದ್‌ರಿ ಪೋಯಿತುಳ್ಳ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡುಳ್ಳ ದೇವ ಗೊತ್ತ್ ಮಾಡ್‍ನಯಿಂಗಕ್ ಪಿಂಞ ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ ಬದ್‍ಕಿಯಂಡ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 1:11

ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,