ಅಪೊಸ್ತಲ 18:9 - ಕೊಡವ ಬೈಬಲ್

⁹ ಒರ್ ಬಯಿಟ್ ನೇರತ್ ಒಡೆಯ, ಪೌಲಂಗ್ ದರ್ಶನತ್‍ಲ್: ನೀನ್ ಬೊತ್ತತೆ, ನೀನ್ ದೈರ್ಯವಾಯಿತ್ ಜನಕ್ ಬೋದನೆ ಮಾಡಿಯಂಡಿರ್, ಮುಂಡತೆ ಇರತೆ.

ಅಪೊಸ್ತಲ 18:9 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:2

ನೀನ್‌ ಎದ್ದಿತ್‌ ಬಲ್ಯ ಪಟ್ಟಣವಾನ ನಿನೆವೆಕ್‌ ಪೋಯಿತ್, ನಾನ್‌ ನೀಕ್‌ ಎಣ್ಣ್‌ವ ಪ್ರಕಾರ ಅಲ್ಲಿ ಉಳ್ಳಯಿಂಗಕ್‌ ಎಚ್ಚರ ಕೊಡ್‌ಕೊಂಡೂಂದ್‌ ಎಣ್ಣ್‌ಚಿ.

ಅಪೊಸ್ತಲ 16:9

ಅಲ್ಲಿ ಅಂದ್ ಬಯಿಟ್, ಪೌಲ ಒರ್ ದರ್ಶನ ಕಂಡತ್. ಅದ್ ಎಂತ ಎಣ್ಣ್‌ಚೇಂಗಿ, ಮಕೆದೋನ್ಯ ದೇಶತ್‍ರ ಒರ್ ಮನುಷ್ಯ ನಿಂದಂಡ್: ನೀನ್ ಸಮುದ್ರತ್‍ನ ದಾಟಿತ್ ಮಕೆದೋನ್ಯಕ್ ಬಂದಿತ್ ನಂಗಕ್ ಸಹಾಯ ಮಾಡ್‍ೕಂದ್ ಅಂವೊನ ಕ್‍ೕಟಂಡತ್.

ಅಪೊಸ್ತಲ 18:10

ನಾನ್ ನೀಡ ಕೂಡೆ ಇಪ್ಪಿ, ನೀಕ್ ತೊಂದರೆ ಮಾಡಿತ್, ನಿನ್ನ ದಾರೂ ಪೊಯ್ಯುಲೆ; ಎನ್ನಂಗೆಣ್ಣ್‌ಚೇಂಗಿ, ಈ ಪಟ್ಟಣತ್‍ಲ್ ನಾಕ್ ದುಂಬ ಜನ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 22:18

ಅಕ್ಕ ಅಂವೊ: ನೀನ್ ಯೆರೂಸಲೇಮ್ಂಜ ಬೆರಿಯ ಪೊರಟಿತ್ ಪೋ; ನಾಡ ವಿಷಯತ್‍ಲ್ ನೀನ್ ಎಣ್ಣ್‌ವ ಸಾಕ್ಷಿನ ಇಲ್ಲಿ ಉಳ್ಳ ಜನ ನಂಬುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 9:10

ದಮಸ್ಕತ್‍ಲ್ ಅನನೀಯ ಎಣ್ಣ್‌ವ ಯೇಸುನ ನಂಬುನ ಒಬ್ಬ ಇಂಜತ್; ಅಂವೊಂಗ್ ಒಡೆಯ ದರ್ಶನತ್‍ಲ್ ಬಂದಿತ್: ಅನನೀಯನೇಂದ್ ಕಾಕ್‍ವಕ, ಅಂವೊ: ಒಡೆಯನೇ, ಇದಾ, ನಾನ್ ಇಲ್ಲಿ ಉಳ್ಳ್‌ೕಂದ್ ಎಣ್ಣ್‌ಚಿ.

1 ಕೊರಿಂಥ 9:1

ನಾನ್ ದಾರ್‌ಕ್ ಅಡಿಯಾಳಾಯಿತ್ಂಜ? ನಾನ್ ಅಪೊಸ್ತಲನಲ್ಲಾ? ನಾನ್ ನಂಗಡ ಒಡೆಯನಾನ ಯೇಸುನ ಕಂಡಿತಿಲ್ಲೆಯಾ? ನಾನ್ ಮಾಡ್‍ನ ಒಡೆಯಂಡ ಸೇವೇರ ಫಲವಾಯಿತ್ ನಿಂಗ ಉಳ್ಳಿರಲ್ಲ?

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.