ಅಪೊಸ್ತಲ 18:4 - ಕೊಡವ ಬೈಬಲ್

⁴ ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.

ಅಪೊಸ್ತಲ 18:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 9:27

ಯೆಹೋವನಾನ ದೇವ ಯೆಫೆತ್‌ರ ಜಾಗತ್‌ನ ಬಲ್ಯದ್‌ ಮಾಡಡ್‌ ಪಿಂಞ ಶೇಮಂಡ ಅಬಿವೃದ್ದಿಲ್‌ ಅಂವೊಂಗು ಪಾಲ್‌ ಕ್‌ಟ್ಟಡ್. ಕಾನಾನ್‌ ಅಂವೊಂಗ್‌ ಅಡಿಯಾಳಾಯಿತ್‌ ಇರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31

ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:16

ಯೇಸು ಅಂವೊ ಬೊಳ್ಂದ ನಜರೇತ್ ಊರ್‌ಕ್ ಪೋಯಿತ್, ಸಬ್ಬತ್ ದಿನ ಬಪ್ಪಕ ಪದ್ದತಿರ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಅಂವೊ ಓದ್‍ವಕ್ ಎದ್ದ್ ನಿಂದತ್.

ಯೋಹಾನ 7:35

ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ?

ಅಪೊಸ್ತಲ 13:14

ಪಿಂಞ ಅಯಿಂಗ ಪೆರ್ಗೆಯಿಂಜ ಪಿಸಿದ್ಯ ಸೀಮೆಕ್ ಕೂಡ್‍ನ ಅಂತಿಯೋಕ್ಯಕ್ ಬಾತ್. ಸಬ್ಬತ್ ದಿವಸತ್‍ಲ್ ಅಲ್ಲಿಯತ್‍ರ ಸಬಾಮಂದಿರಕ್ ಪೋಯಿತ್ ಅಳ್‌ತತ್.

ಅಪೊಸ್ತಲ 14:1

ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಅಪೊಸ್ತಲ 17:17

ಆನಗುಂಡ್, ಅಂವೊ ಸಬಾಮಂದಿರಕ್ ಪೋಯಿತ್ ಅಲ್ಲಿಂಜ ಯೆಹೂದ್ಯಂಗಡ ಕೂಡೆಯು, ಯೆಹೂದ್ಯ ಅಲ್ಲತಯಿಂಗ ದೇವನ ಆರಾದನೆ ಮಾಡ್‌ವ ಜನಡ ಕೂಡೆಯು ಪಿಂಞ ದಿನಾಲು ಪೇಟೇಲ್ ಕಾಂಬಯಿಂಗಡ ಕೂಡೆಯೆಲ್ಲ ಚರ್ಚೆ ಮಾಡಿಯಂಡಿಂಜತ್.

ಅಪೊಸ್ತಲ 18:13

ಈ ಮನುಷ್ಯ ನ್ಯಾಯಪ್ರಮಾಣಕ್ ವಿರೋದವಾಯಿತ್ ಮಾಡ್‌ವನೆಕೆ ಬೋರೆ ರೀತಿಲ್ ದೇವನ ಆರಾದನೆ ಮಾಡ್‌ವಕ್ ಒತ್ತಾಯ ಮಾಡಿಯಂಡುಂಡ್‍ೕಂದ್ ಕುತ್ತ ಪರ್ಂದತ್.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 19:26

ಆಚೇಂಗಿ, ಕೈಯಿಂಜ ಮಾಡ್‍ನ ಮೂರ್ತಿಯೆಲ್ಲಾ ದೇವ ಅಲ್ಲಾಂದ್ ಆ ಪೌಲ ಎಣ್ಣಿತ್ ಇಲ್ಲಿ ಎಫೆಸತ್‍ಲ್ ಮಾತ್ರ ಅಲ್ಲತೆ ಆಸ್ಯ ಸೀಮೆರ ಎಲ್ಲಾ ಜಾಗತ್‍ಲು ದುಂಬ ಜನಳ ಅಂವೊಂಡ ಕಡೇಕ್ ಕೂಟಿಯಂಡತ್. ಇದ್‍ನೆಲ್ಲ ನಿಂಗ ನೋಟಿತು ಕ್‍ೕಟಿತು ಉಳ್ಳಿರ.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 26:28

ಅಕ್ಕ ಅಗ್ರಿಪ್ಪ ಪೌಲನ ನೋಟಿತ್: ಅಚ್ಚಕ್ ಸುಲಬವಾಯಿತ್ ಏದ್ ಪ್ರಯತ್ನವು ಇಲ್ಲತೆ, ನೀನ್ ನನ್ನ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವನೆಕೆ ಮಾಡ್‌ವಕ್ ಕಯ್ಯುವಾಂದ್ ಎಣ್ಣ್‌ಚಿ.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.