ಅಪೊಸ್ತಲ 18:28 - ಕೊಡವ ಬೈಬಲ್

²⁸ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್, ಅಲ್ಲಿಯತ್‍ರ ಯೆಹೂದ್ಯಂಗಕ್, ಎಲ್ಲಾಡ ಮಿಂಞತ್ ಅಯಿಂಗಕ್ ಏದು ಎಣ್ಣ್‌ವಕ್ ಕಯ್ಯತನೆಕೆ ಬಲ್ಯ ಆವೇಶತ್‍ಲ್ ದೇವಡ ವಾಕ್ಯತ್ಂಜ ಕಾಟಿಕೊಡ್‍ತತ್.

ಅಪೊಸ್ತಲ 18:28 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:80

ಆ ಕುಂಞಿ ಬಲ್ಯಂವೊನಾಯಿತ್ ಬೊಳ್ಂದಿತ್, ಪವಿತ್ರಾತ್ಮನಗುಂಡ್ ಅಂವೊ ಬಲಶಾಲಿಯಾಚ್. ಇಸ್ರಾಯೇಲ್ ಜನಕ್ ಅಂವೊನ ಕಾಂಬ್‍ಚಿಡುವಕತ್ತನೆ ಅಂವೊ ಮಣಬೂಮಿಲ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:27

ಪಿಂಞ ಯೇಸು ಅಂವೊಂಡ ವಿಷಯತ್‍ನ ಮೋಶೇರ ನ್ಯಾಯಪ್ರಮಾಣತ್ಂಜ ಪ್ರವಾದಿಯಂಗ ಒಳ್‍ದ್‍ನ ಪುಸ್ತಕಕತ್ತನೆ ದೇವಡ ವಾಕ್ಯತ್‍ಲ್ ಎಂತದೆಲ್ಲ ಒಳ್‍ದಿತುಂಡೋ ಅದ್‍ನೆಲ್ಲ ಅಯಿಂಗಕ್ ವಿವರಿಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಅಪೊಸ್ತಲ 17:3

ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟತ್‍ನ ಅನುಬವಿಚಿಟ್ಟಿತ್, ಚತ್ತಿತ್, ಜೀವವಾಯಿತ್ ಎದ್ದಿತ್ ಬರಂಡೂಂದ್ ಉಳ್ಳದ್‍ನ ಎಣ್ಣಿಯಂಡ್, ನಾನ್ ಇಕ್ಕ ಎಣ್ಣುವ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದೃಡವಾಯಿತ್ ನಿರೂಬಿಚಿಟ್ಟತ್.

ಅಪೊಸ್ತಲ 18:25

ಅಂವೊಂಗ್ ಒಡೆಯಂಡ ಬೋದನೆ ಕ್‍ಟ್ಟಿತ್ಂಜತ್, ಆಚೇಂಗಿಯು ಯೋಹಾನಂಡ ಮೂಲಕ ಮಾಡ್‌ವ ದೀಕ್ಷಾಸ್ನಾನತ್‍ನ ಮಾತ್ರ ಗೊತ್ತುಳ್ಳಂವೊನಾಯಿತ್ ಇಂಜತ್. ಅಂವೊ ಯೇಸುರ ಮಾರ್ಗತ್‍ನ ಅಚ್ಚಕ್ ಚಾಯಿಲ್ ಪಿಂಞ ದುಂಬ ಕುಶೀಲ್ ಬೋದನೆ ಮಾಡಿಯಂಡ್ ಬಾತ್.

ಅಪೊಸ್ತಲ 18:5

ಸೀಲ ಪಿಂಞ ತಿಮೊಥೆಯ ಮಕೆದೋನ್ಯತ್ಂಜ ಬಪ್ಪಕ, ಪೌಲ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಕಾಯಿತ್ ಎಲ್ಲಾ ಕೆಲಸತ್‍ನ ಬುಟ್ಟಿತ್, ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಯೆಹೂದ್ಯಂಗಕ್ ಸಾಕ್ಷಿ ಕೊಡ್‍ತತ್.

ಅಪೊಸ್ತಲ 8:35

ಅಕ್ಕ, ಫಿಲಿಪ್ಪ, ತಕ್ಕ್ ಪರಿಯುವಕ್ ಸುರು ಮಾಡಿತ್, ಈ ದೇವಡ ವಾಕ್ಯತ್‍ರ ಮೂಲಕವೇ, ಯೇಸುರ ನಲ್ಲ ಸುದ್ದಿನೆಲ್ಲ ಎಣ್ಣ್‌ಚಿ.

ಅಪೊಸ್ತಲ 9:22

ಆಚೇಂಗಿ ಸೌಲ ಇಂಞು ದುಂಬ ದೃಡವಾಯಿತ್ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ. ಅಕ್ಕ ದಮಸ್ಕತ್‍ಲ್ ವಾಸಯಿಂಜ ಯೆಹೂದ್ಯಂಗಕ್ ಅಂವೊ ಎಣ್ಣ್‌ವದ್ ತಪ್ಪ್‍ೕಂದ್ ದೇವಡ ವಾಕ್ಯತ್ಂಜ ಕಾಟ್‍ವಕ್ ಕಯ್ಯತನೆಕೆ ಆಚಿ.