ಅಪೊಸ್ತಲ 18:18 - ಕೊಡವ ಬೈಬಲ್

¹⁸ ಪೌಲ ದುಂಬ ದಿವಸ ಕೊರಿಂಥ ಪಟ್ಟಣತ್‍ಲ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಡ ಕೂಡೆ ಇಂಜ ಪಿಂಞ, ದೇವಡ ಮಕ್ಕಡಯಿಂಜ ಪೊರಟತ್. ತಾಂಗ್ ಒರ್ ಪರ್‍ಕೆ ಇಂಜಗುಂಡ್ ಕೆಂಕ್ರೆಯ ಊರ್‌ಲ್ ಮಂಡೆನ ಬೋಳ್‍ಚಿಟ್ಟಂಡ್, ಸಿರಿಯ ದೇಶಕ್ ಪೋಪಕಾಯಿತ್ ಹಡಗ್‍ನ ಪತ್ತ್‌ಚಿ. ಪ್ರಿಸ್ಕಿಲ್ಲಳು ಅಕ್ವಿಲನು ಅಂವೊಂಡ ಕೂಡೆ ಪೊರಟ್ ಪೋಚಿ.

ಅಪೊಸ್ತಲ 18:18 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮಾರ್ಕ 6:46

ಯೇಸು ಅಲ್ಲಿಯತ್‍ರ ಜನಕೆಲ್ಲ ದೇವ ನಿಂಗಕ್ ನಲ್ಲದ್ ಮಾಡಡ್‍ೕಂದ್ ಎಣ್ಣಿತ್, ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 15:41

ಅಕ್ಕ ಅಯಿಂಗ ಅಲ್ಲಿಂಜ ಪೊರಟಿತ್ ಸಿರಿಯ ಕಿಲಿಕ್ಯ ಸೀಮೆಲ್ ಪ್ರಯಾಣ ಮಾಡಿತ್, ಅಲ್ಲಿ ಇಂಜ ಸಬೇನೆಲ್ಲ ದೃಡಪಡ್‍ತ್‍ಚಿ.

ಅಪೊಸ್ತಲ 18:2

ಯೆಹೂದ್ಯ ಜನಯೆಲ್ಲ ರೋಮ್ ರಾಜ್ಯತ್‍ರ ಪ್ರಾಂತ್ಯತ್‍ನ ಬುಟ್ಟಿತ್ ಬೋರೆ ಜಾಗಕ್ ಪೋಂಡೂಂದ್ ಕ್ಲೌದ್ಯ ಚಕ್ರವರ್ತಿ ಹುಕುಮ್ ಕೊಡ್‌ತಿತ್ಂಜತ್. ಆನಗುಂಡ್ ಇತಾಲ್ಯ ರಾಜ್ಯತ್ಂಜ ಬಂದಿತ್ಂಜ, ಪೊಂತ ದೇಶತ್‍ಲ್ ಪುಟ್ಟ್‌ನಂವೊನಾನ ಅಕ್ವಿಲ ಎಣ್ಣುವ ಒರ್ ಯೆಹೂದ್ಯ ಪಿಂಞ ಅಂವೊಂಡ ಪೊಣ್ಣ್ ಪ್ರಿಸ್ಕಿಲ್ಲ ಪುದಿಯದಾಯಿತ್ ಕೊರಿಂಥ ಪಟ್ಟಣಕ್ ಬಂದಿತ್ಂಜತ್. ಪೌಲಂಗ್ ಅಯಿಂಗಳ ಪರಿಚಯ ಆಚಿ.

ಅಪೊಸ್ತಲ 18:26

ಅಂವೊ ಸಬಾಮಂದಿರತ್‍ಲ್ ದೈರ್ಯವಾಯಿತ್ ತಕ್ಕ್ ಪರಿವಕ, ಅಂವೊಂಡ ತಕ್ಕ್‌ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲ ಕ್‍ೕಟಿತ್, ಅಂವೊನ ತಂಗಡ ಮನೆಕ್ ಕಾಕಿಯಂಡ್ ಪೋಚಿ. ಅಲ್ಲಿ ದೇವಡ ಬಟ್ಟೇನ ಅಂವೊಂಗ್ ಇಂಞು ಚಾಯಿತೆ ಸರಿಯಾಯಿತ್ ಎಣ್ಣಿ ಕೊಡ್‍ತತ್.

ಅಪೊಸ್ತಲ 18:27

ಅಲ್ಲಿಂಜ ಅಖಾಯ ಪ್ರಾಂತ್ಯಕ್ ಪೋಂಡೂಂದ್ ಅಂವೊ ಗೇನ ಮಾಡ್‌ವಕ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಅಂವೊಂಗ್ ಪುರ್‌ಡ್ ಕೊಡ್‍ತತ್. ಈಂಗ ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗ, ಇಂವೊನ ಸ್ವೀಕಾರ ಮಾಡ್‌ವಕಾಯಿತ್, ಕಾಗದ ಒಳ್‍ದಿ ಕೊಡ್‍ತತ್. ಅನ್ನನೆ ಇಂವೊ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿ ದೇವಡ ಕೃಪೇರಗುಂಡ್ ನಂಬ್‍ನಯಿಂಗಕ್ ದುಂಬ ಪ್ರಯೋಜನವಾಯಿತ್ಂಜತ್.

ಅಪೊಸ್ತಲ 21:23

ಆನಗುಂಡ್ ನಂಗ ಎಣ್ಣುವಾನ ನೀನ್ ಕ್‍ೕಳ್. ನಂಗಡ ಪಕ್ಕ ದೇವಕ್ ಪರ್‍ಕೆ ಮಾಡ್‍ನ ನಾಲ್ ಜನ ಉಂಡ್.

ಅಪೊಸ್ತಲ 21:24

ನೀನ್ ಅಯಿಂಗಳ ಕೂಟಿಯಂಡ್ ಪೋಯಿತ್ ಅಯಿಂಗಡ ಕೂಡೆ ನಿನ್ನ ಶುದ್ದ ಮಾಡ್‌ವ ಆಚಾರತ್‍ಲ್ ಅಯಿಂಗ ತಂಗಡ ತೆಲ್‍ಮಿನ ಬೋಳ್‍ಚಿಡ್‌ವಕ್ ಆಪಂತ ಪಣತ್‍ನ ಕರ್ಚ್‌ಮಾಡ್: ಇನ್ನನೆ ಮಾಡ್‍ಚೇಂಗಿ ನಿಂಗಡ ವಿಷಯತ್ ಕ್‍ೕಟ ತಕ್ಕ್ ನೇರಲ್ಲಾಂದು, ನಿಂಗಳು ಸಹ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಂಡುಂಡ್‍ೕಂದು ಎಲ್ಲಾ ಜನಕು ಗೊತ್ತಾಪ.

ಅಪೊಸ್ತಲ 21:3

ಮಿಂಞಕ್ ಕುಪ್ರ ದ್ವೀಪತ್‍ನ ಕಂಡಿತ್ ಅದ್ಂಡ ತೆಕ್ಕ್ ದಿಕ್ಕ್‌ಲ್ ಬುಟ್ಟಿತ್ ಸಿರಿಯ ದೇಶತ್‍ರ ಬರಿಕ್ ಪೋಯಿತ್ ತೀರ್ ಪಟ್ಟಣಕ್ ಬಂತ್ ಅಲ್ಲಿ ಇಳ್ಂಜಿತ್; ಎನ್ನಂಗೆಣ್ಣ್‌ಚೇಂಗಿ ಅಲ್ಲಿ ಹಡಗ್‍ರ ಸಮಾನತ್‍ನ ಉಳ್‍ಪಕಿಂಜತ್.

ರೋಮ್ 16:1

ನಂಗಡ ತಂಗೆಯು, ಕೆಂಕ್ರೆಯ ಪಟ್ಟಣತ್‍ರ ಸಬೇಲ್ ಸೇವೆ ಮಾಡ್‌ವ ಫೊಯಿಬೆನ ದೇವಡ ಮಕ್ಕಕ್ ಯೋಗ್ಯವಾನ ರೀತಿಲ್ ನಿಂಗ ಸ್ವೀಕಾರ ಮಾಡಂಡು.

1 ಕೊರಿಂಥ 9:20

ಯೆಹೂದ್ಯಂಗಳ ದೇವಕ್ ಸಂಪಾದನೆ ಮಾಡ್‌ವಕಾಯಿತ್, ಒರ್ ಯಹೂದ್ಯಂಡನೆಕೆಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳ, ದೇವಕ್ ಸಂಪಾದನೆ ಮಾಡ್‌ವಕಾಯಿತ್, ನ್ಯಾಯಪ್ರಮಾಣಕ್ ನಾನ್ ಗುಲಾಮನಾಯಿತ್ ಇಲ್ಲತೆ ಇಂಜತೇಂಗಿಯು, ಅದ್‍ನ ಮಾಡ್‌ವಂವೊನಾಯಿತ್ ನಾನ್ ಆನ.

ಗಲಾತ್ಯ 1:21

ಅಲ್ಲಿಂಜ ನಾನ್ ಸಿರಿಯ ಪಿಂಞ ಕಿಲಿಕ್ಯ ಎಣ್ಣುವ ಪ್ರಾಂತ್ಯಕ್ ಪೋಯೆ.