ಅಪೊಸ್ತಲ 17:7 - ಕೊಡವ ಬೈಬಲ್

⁷ ಅಯಿಂಗಳ ಈ ಯಾಸೋನ ಅಂವೊಂಡ ಮನೆಕ್ ಕೂಟಿಯಂಡತ್. ಈಂಗೆಲ್ಲಾರು ಯೇಸು ಎಣ್ಣುವ ಬೋರೊಬ್ಬನ ರಾಜಾಂದ್ ಎಣ್ಣಿಯಂಡ್, ಕೈಸರಂಡ ಆಜ್ಞೆಕ್ ವಿರೋದವಾಯಿತ್ ನಡ್‌ಂದಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 17:7 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:38

ಅಲ್ಲಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಪ್ರಯಾಣ ಮಾಡಿಯಂಡಿಪ್ಪಕ, ಒರ್ ಊರ್‌ಕ್ ಪೋಚಿ. ಅಲ್ಲಿ ಮಾರ್ಥ ಎಣ್ಣುವ ಒರ್ ಪೊಣ್ಣಾಳ್ ಯೇಸುನ ಅವಡ ಮನೆಕ್ ಸ್ವಾಗತ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:2

ಅಲ್ಲಿ ಯೇಸುರ ಮೇಲೆ ಕುತ್ತಪರಿವಕ್ ಸುರು ಮಾಡ್‍ಚಿ. ಇಂವೊ, ಕೈಸರಂಗ್ ಕಂದಾಯ ಕೊಡ್‌ಕತಿ, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಎಣ್ಣುವ ಯೆಹೂದ್ಯಂಗಡ ರಾಜಾಂದ್ ಎಣ್ಣಿತ್, ಜನಡ ಮನಸ್ಸ್‌ನ ಕಲಹ ಮಾಡಂಡೂಂದ್ ಪಾಳ್ ಮಾಡಿಯಂಡ್ ಇಂಜದ್‍ನ ನಂಗ ಕಂಡತ್‍ೕಂದ್ ಎಣ್ಣ್‌ಚಿ.

ಯೋಹಾನ 19:12

ಈ ತಕ್ಕ್‌ನ ಕ್‍ೕಟ ಪಿಂಞ, ಪಿಲಾತ ಯೇಸುನ ಎನ್ನನಾಚೇಂಗಿಯು ಬುಡುಗಡೆ ಮಾಡ್‌ವಕ್ ಬಟ್ಟೆ ನೋಟಿಯಂಡ್ ಇಂಜತ್. ಆಚೇಂಗಿ ಯೆಹೂದ್ಯ ಜನಡ ಗುಂಪ್, ನೀನ್ ಅಂವೊನ ಬುಟ್ಟ್‌ರ್‍ತೇಂಗಿ ನೀನ್ ಕೈಸರಂಗ್ ವಿರೋದವಾಯಿತ್ ಮಾಡ್‌ವಿಯ. ದಾರ್ ಒಬ್ಬ ಅಂವೊನ ರಾಜಾಂದ್ ಎಣ್ಣಿಯಂಡ್ ಉಂಡೋ, ಅಂವೊ ಕೈಸರಂಗ್ ವಿರೋದಿ ಆಯಿತಿಪ್ಪಾಂದ್ ಎಣ್ಣಿಯಂಡ್ ಇಂಜತ್.

ಅಪೊಸ್ತಲ 16:21

ರೋಮ್ ರಾಜ್ಯತ್‍ರ ಜನಳಾನ ನಂಗ ಸ್ವೀಕಾರ ಮಾಡ್‌ವಕ್ ಕಯ್ಯತ ಪಿಂಞ ನ್ಯಾಯಪ್ರಮಾಣತ್‍ರನೆಕೆ ಮಾಡ್‌ವಕ್ ಕಯ್ಯತ ಪದ್ದತಿನ ಬೋದನೆ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 17:8

ಪಟ್ಟಣತ್‍ರ ಜನ ಪಿಂಞ ಅದಿಕಾರಿಯಂಗ ಈ ತಕ್ಕ್‌ನೆಲ್ಲ ಕ್‍ೕಪಕ, ಅಯಿಂಗಕು ಕಲಹ ಮಾಡ್‌ವನೆಕೆ ಆಚಿ.

ಯಾಕೋಬ 2:25

ಇದೇ ತರ ರಾಹಾಬ ಎಣ್ಣುವ ವೇಶಿಯು ಗುಪ್ತಚಾರಂಗಳ ಅವಡ ಮನೆಲ್ ಸ್ವೀಕಾರ ಮಾಡಿತ್ ಅಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಬೋರೆ ಬದ್ರವಾನ ಬಟ್ಟೇಲ್ ಅಯಿಪಕ, ಅವ ಮಾಡ್‍ನ ಕ್ರಿಯೇರಗುಂಡಲ್ಲ ಅವಳ ನೀತಿವಂತವಾಂದ್ ಎಣ್ಣ್‌ಚಿ?

1 ಪೇತ್ರ 2:15

ಮುಠಾಳಂಗಡ ಗೊತ್ತಿಲ್ಲತ ತಕ್ಕ್‌ನ ನಿಂಗ ಅಡಕ್‍ವಕ್, ನಲ್ಲದ್ ಮಾಡಂಡೂಂದ್ ಉಳ್ಳದ್ ದೇವಡ ಚಿತ್ತವಾಯಿತ್ ಉಂಡ್.