ಅಪೊಸ್ತಲ 17:34 - ಕೊಡವ ಬೈಬಲ್

³⁴ ಚೆನ್ನ ಜನ ಅಂವೊ ಎಣ್ಣ್‌ನದ್‍ನ ನಂಬಿತ್ ಪೌಲಂಡ ಕೂಟ್‍ಕ್ ಕೂಡ್‍ಚಿ. ಅಯಿಂಗಡಡೆಲ್, ಅರಿಯೊಪಾಗ ಸಬೇಲ್ ಒಬ್ಬನಾನ ದಿಯೊನುಸ್ಯ, ದಾಮರಿ ಎಣ್ಣುವ ಒರ್ ಪೊಣ್ಣಾಳ್ ಪಿಂಞ ಇಂಞು ಚೆನ್ನ ಜನ ಇಂಜತ್.

ಅಪೊಸ್ತಲ 17:34 ပူးပေါင်းရင်းမြစ်များ

ಮತ್ತಾಯ 20:16

ಅನ್ನನೆ, ದಾರ್ ಮಿಂಞತ್‍ಲ್ ಉಂಡೋ ಅಯಿಂಗ ಬಯ್ಯತ್ ಆಯಿಪೋಪ. ಬಯ್ಯತ್ ಉಳ್ಳಯಿಂಗ ಮಿಂಞಕ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 13:48

ಅಲ್ಲಿಂಜ ಯೆಹೂದ್ಯಂಗಲ್ಲತೆ ಬೋರೆ ಬೋರೆ ಜನ ಈ ಬೋದನೆನ ಕ್‍ೕಟಿತ್ ಕುಶಿಪಟ್ಟಿತ್, ಒಡೆಯಂಡ ವಾಕ್ಯತ್‍ನ ಕೊಂಡಾಡ್‍ಚಿ. ನಿತ್ಯ ಜೀವಕಾಯಿತ್ ದೇವ ಗೊತ್ತ್ ಮಾಡ್‍ನ ಎಲ್ಲಾರು ಯೇಸುನ ನಂಬ್‍ಚಿ.

ಅಪೊಸ್ತಲ 17:19

ಅಯಿಂಗ ಪೌಲನ ಕಾಕಿಯಂಡ್ ಆ ಪಟ್ಟಣತ್‍ರ ಅರಿಯೊಪಾಗ ಎಣ್ಣುವ ಆಲೋಚನೆ ಸಬೆರ ವೇದಿಕೆಕ್ ಕಾಕಿಯಂಡ್ ಪೋಯಿತ್: ನೀನ್ ಎಣ್ಣುವ ಈ ಪುದಿಯ ಬೋದನೆ ಎಂ‍ತಾಂದ್ ನಂಗಕ್ ಎಣ್ಣ್‍ೕಂದ್ ಕ್‍ೕಟತ್.

ಅಪೊಸ್ತಲ 17:22

ಅಕ್ಕ ಪೌಲ, ಅರಿಯೊಪಾಗ ಆಲೋಚನೆ ಸಬೆರ ಮದ್ಯತ್‍ಲ್ ನಿಂದಂಡ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ: ಅಥೇನೆ ಪಟ್ಟಣತ್‍ರ ಜನಳೇ, ನಿಂಗ ಎಲ್ಲಾ ವಿಷಯತ್‍ಲು ದುಂಬ ಬಕ್ತಿವಂತಯಿಂಗಾಂದ್ ನಾಕ್ ಗೊತ್ತಾಯಡುಂಡ್.

ಅಪೊಸ್ತಲ 17:33

ಪಿಂಞ ಪೌಲ ಅಲ್ಲಿಂಜ ಪೋಯಿರ್‌ತ್.

ಅಪೊಸ್ತಲ 17:4

ಅಕ್ಕ, ಚೆನ್ನ ಯೆಹೂದ್ಯಂಗ ಪೌಲ ಎಣ್ಣುವದ್ ನಂಬುವನೆಕೆ ಇಂಜಗುಂಡ್, ಪೌಲ ಪಿಂಞ ಸೀಲಂಡ ಕೂಡೆ ಕೂಡಿಯಂಡತ್. ಅಲ್ಲಿ ದೇವನ ಆರಾದನೆ ಮಾಡಿಯಂಡಿಂಜ ದುಂಬ ಯೆಹೂದ್ಯಂಗಲ್ಲತ ಜನಳು, ಸುಮಾರ್ ಮಕ್ಯಪಟ್ಟ ಪೊಣ್ಣಾಳುವಳು, ಪೌಲ ಪಿಂಞ ಸೀಲಂಡ ಕೂಟ್‍ಕ್ ಕೂಡಿಯಂಡತ್.

ಫಿಲಿಪ್ಪಿ 4:22

ಯೇಸುನ ನಂಬ್‍ನ ಇಲ್ಲಿಯತ್‍ರ ಎಲ್ಲಾ ಅಣ್ಣತಮ್ಮಣಂಗಳು ನಿಂಗಕ್ ವಂದನೆ ಎಣ್ಣಿಯಂಡುಂಡ್, ಮುಕ್ಯವಾಯಿತ್ ಇಲ್ಲಿಯತ್‍ರ ಕೈಸರಂಡ ಅರಮನೇಲ್ ಸೇವೆ ಮಾಡಿಯಂಡುಳ್ಳ ದೇವಡ ಮಕ್ಕ ವಂದನೆ ಎಣ್ಣಿಯಂಡುಂಡ್.