ಅಪೊಸ್ತಲ 17:3 - ಕೊಡವ ಬೈಬಲ್

³ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟತ್‍ನ ಅನುಬವಿಚಿಟ್ಟಿತ್, ಚತ್ತಿತ್, ಜೀವವಾಯಿತ್ ಎದ್ದಿತ್ ಬರಂಡೂಂದ್ ಉಳ್ಳದ್‍ನ ಎಣ್ಣಿಯಂಡ್, ನಾನ್ ಇಕ್ಕ ಎಣ್ಣುವ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದೃಡವಾಯಿತ್ ನಿರೂಬಿಚಿಟ್ಟತ್.

ಅಪೊಸ್ತಲ 17:3 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:32

ಅಕ್ಕ ಅಯಿಂಗ ದಂಡಾಳು: ನಂಗಡ ಕೂಡೆ ಯೇಸು ಬಟ್ಟೇಲ್ ತಕ್ಕ್ ಪರಿವಕ, ದೇವಡ ವಾಕ್ಯತ್‍ನ ವಿವರಿಚಿಡುವಕ ನಂಗಡ ಹೃದಯ ತಿತ್ತ್ ಕತ್ತಿಯಂಡಿಂಜನೆಕೆ ಇಂಜತಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:46

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್.

ಯೋಹಾನ 20:9

ಯೇಸು ಚತ್ತಯಿಂಗ ಮದ್ಯತ್ಂಜ ಪುನಃ ಜೀವವಾಯಿತ್ ಬರಂಡೂಂದ್ ಉಳ್ಳ ದೇವಡ ವಾಕ್ಯ ಇಲ್ಲಿಕತ್ತನೆ ಗೇನಬಂದಿತ್‌ಲ್ಲೆ.

ಅಪೊಸ್ತಲ 1:4

ಒರ್ ಕುರಿ ಅಯಿಂಗ ಕೂಡಿ ಬಂದಿತ್‌ಪ್ಪಕ, ಯೇಸು ಅಯಿಂಗಳ ನೋಟಿತ್:

ಅಪೊಸ್ತಲ 18:28

ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್, ಅಲ್ಲಿಯತ್‍ರ ಯೆಹೂದ್ಯಂಗಕ್, ಎಲ್ಲಾಡ ಮಿಂಞತ್ ಅಯಿಂಗಕ್ ಏದು ಎಣ್ಣ್‌ವಕ್ ಕಯ್ಯತನೆಕೆ ಬಲ್ಯ ಆವೇಶತ್‍ಲ್ ದೇವಡ ವಾಕ್ಯತ್ಂಜ ಕಾಟಿಕೊಡ್‍ತತ್.

ಅಪೊಸ್ತಲ 18:5

ಸೀಲ ಪಿಂಞ ತಿಮೊಥೆಯ ಮಕೆದೋನ್ಯತ್ಂಜ ಬಪ್ಪಕ, ಪೌಲ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಕಾಯಿತ್ ಎಲ್ಲಾ ಕೆಲಸತ್‍ನ ಬುಟ್ಟಿತ್, ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಯೆಹೂದ್ಯಂಗಕ್ ಸಾಕ್ಷಿ ಕೊಡ್‍ತತ್.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಅಪೊಸ್ತಲ 9:22

ಆಚೇಂಗಿ ಸೌಲ ಇಂಞು ದುಂಬ ದೃಡವಾಯಿತ್ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ. ಅಕ್ಕ ದಮಸ್ಕತ್‍ಲ್ ವಾಸಯಿಂಜ ಯೆಹೂದ್ಯಂಗಕ್ ಅಂವೊ ಎಣ್ಣ್‌ವದ್ ತಪ್ಪ್‍ೕಂದ್ ದೇವಡ ವಾಕ್ಯತ್ಂಜ ಕಾಟ್‍ವಕ್ ಕಯ್ಯತನೆಕೆ ಆಚಿ.

ಗಲಾತ್ಯ 3:1

ಓ ಮುಠಾಳ ಗಲಾತ್ಯ ಜನಳೇ! ಯೇಸು ಕ್ರಿಸ್ತ ಶಿಲುಬೇಲ್ ನಿಂಗಡ ಕಣ್ಣ್‌ರ ಮಿಂಞತ್ ಚತ್ತನೆಕೆ, ನಿಂಗಕ್ ಅಂವೊಂಡ ಚಾವ್‍ರ ವಿಷಯತ್‍ನ ನಾನ್ ವಿವರಿಚಿಟ್ಟತೇಂಗಿಯು, ಇಕ್ಕ ನಿಂಗಳ ಸೊಯ ಇಲ್ಲತನೆಕೆ ಮಾಡ್‍ನಂವೊ ದಾರ್?