ಅಪೊಸ್ತಲ 17:27 - ಕೊಡವ ಬೈಬಲ್

²⁷ ದೇವ ಇನ್ನನೆ ಮಾಡ್‌ವಕುಳ್ಳ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಅನ್ನನಾಚೇಂಗಿಯು, ಜನ ಅಂವೊನ ತ್‍ೕಡ್‌ವ, ಅಂವೊಂಡ ಕೂಡೆ ಐಕ್ಯಪಡುವಕುಳ್ಳ ಬಟ್ಟೇನ ಕಂಡ್‍ಪುಡಿಪಾಂದ್ ಮಾಡ್‍ಚಿ. ಆಚೇಂಗಿ ದೇವ ನಂಗಡಿಂಜ ದೂರ ಇಲ್ಲೆ ಅಂವೊ ನಂಗ ಒಬ್ಬೊಬ್ಬಂಗಡ ಕೂಡೆ ಉಂಡ್.

ಅಪೊಸ್ತಲ 17:27 ပူးပေါင်းရင်းမြစ်များ

ಅಪೊಸ್ತಲ 14:17

ಅಂವೊ ತಾಂಡ ವಿಷಯತ್‍ಲ್ ಸಾಕ್ಷಿ ಕೊಡ್‍ಕತೆ ಇಂಜಿತ್‌ಲ್ಲೆ. ಅಂವೊ ನಲ್ಲದ್‍ನ ಮಾಡಿತ್, ಬಾನತ್ಂಜ ಮಳೇನ ತಪ್ಪಂಜಿ, ನಂಗಕ್ ಚಾಯಿ ಬೊಳೆನ ತಂದಿತ್, ತಿಂಬಕ್ ತಂದಿತ್, ಮನಸ್ಸ್‌ನ ಕುಶೀಲ್ ದುಂಬ್‍ಚಿಟ್ಟತ್‍ೕಂದ್ ಅಯಿಂಗ ಎಣ್ಣ್‌ಚಿ.

ಅಪೊಸ್ತಲ 15:17

ನಾನ್ ಇನ್ನನೆ ಮಾಡ್‌ವಗುಂಡ್, ಬಾಕಿಯುಳ್ಳ ಎಲ್ಲಾ ಜನಳು, ವಿಶೇಷವಾಯಿತ್ ನಾಕಾಯಿತ್ ನಾನ್ ಕಾಕಿತುಳ್ಳ ಯೆಹೂದ್ಯ ಅಲ್ಲತ ಜನ ಒಡೆಯನಾನ ದೇವನ ತ್‍ೕಡ್‌ವ. ಇನ್ನನೆ ಮಾಡ್‌ವ ನಾನ್ ಇದ್‍ನ ಎಣ್ಣಿಯೆ. ಅದ್ ಅನ್ನನೆ ಆಪ,

ರೋಮ್ 1:20

ದೇವ, ಈ ಲೋಕತ್‍ನ ಸೃಷ್ಟಿ ಮಾಡ್‍ನ ಕಾಲತ್ಂಜ ಕಣ್ಣ್‌ಕ್ ಕಾಂಬಕ್ ಕಯ್ಯತ, ನಿತ್ಯ ಶಕ್ತಿ ಪಿಂಞ ಅಂವೊಂಡ ಪವಿತ್ರವಾನ ಗುಣತ್‍ನ ಎಲ್ಲಾರು ಕಾಂಬನೆಕೆ ಮಾಡ್‍ಚಿ. ದೇವಡ ಸೃಷ್ಟಿನ ನೋಟ್‍ವಕ ಅದ್ ನಂಗಕ್ ಗೊತ್ತಾಪ. ಆನಗುಂಡ್ ಈಂಗಕ್ ಗೊತ್ತಿಲ್ಲೇಂದ್ ಎಣ್ಣ್‌ವಕ್ ಕಯ್ಯುಲೆ.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?