ಅಪೊಸ್ತಲ 17:25 - ಕೊಡವ ಬೈಬಲ್

²⁵ ಅಂವೊನೇ ಎಲ್ಲಾ ಮನುಷ್ಯಂಗಕು ಜೀವ, ಉಸ್‍ರ್ ಪಿಂಞ ಬೋಂಡಿಯಾನ ಎಲ್ಲಾನ ಕೊಡ್‍ಪಂವೊನು ಆನಗುಂಡ್, ತಾಂಗ್ ಒಂದು ಕಮ್ಮಿ ಇಲ್ಲತಗುಂಡ್, ಮನುಷ್ಯಂಗಡ ಕೈಯಿಂಜ ಕೆಲಸ ಮಾಡ್‌ಚಿಡುವಂವೊನಲ್ಲ.

ಅಪೊಸ್ತಲ 17:25 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:7

ಅಲ್ಲಿಂಜ ಯೆಹೋವನಾನ ದೇವ ನೆಲತ್‌ರ ಮಣ್ಣ್‌ಂಜ ಮನುಷ್ಯನ ರೂಪ್‌ಚಿಟ್ಟಿತ್‌ ಅಂವೊಂಡ ಮೂಕ್‌ಲ್ ತಾಂಡ ಜೀವ ಶ್ವಾಸತ್‌ನ ಊದ್ವಕ, ಆ ಮನುಷ್ಯ ಒರ್‌ ಜೀವವುಳ್ಳ ಮನುಷ್ಯನಾಚಿ.

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಮತ್ತಾಯ 9:13

ನಿಂಗ ದೇವಕ್ ಕೊಡ್‍ಪ ಬಲೀಲ್ ನಾಕ್ ಕುಶಿ ಇಲ್ಲೆ. ಆಚೇಂಗಿ ನಿಂಗ ಜನಡಮೇಲೆ ಕಾಟುವ ಕರುಣೇಲ್ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣುವ ದೇವಡ ವಾಕ್ಯಕ್‍ತ್‍ರ ಅರ್ಥ ಎಂತ್‍ೕಂದ್ ಪೋಯಿತ್ ಪಡಿರೀಂದ್ ಎಣ್ಣ್‌ಚಿ. ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಳ ಕಾಕಿಯಂಡ್ ಪೋಪಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 14:17

ಅಂವೊ ತಾಂಡ ವಿಷಯತ್‍ಲ್ ಸಾಕ್ಷಿ ಕೊಡ್‍ಕತೆ ಇಂಜಿತ್‌ಲ್ಲೆ. ಅಂವೊ ನಲ್ಲದ್‍ನ ಮಾಡಿತ್, ಬಾನತ್ಂಜ ಮಳೇನ ತಪ್ಪಂಜಿ, ನಂಗಕ್ ಚಾಯಿ ಬೊಳೆನ ತಂದಿತ್, ತಿಂಬಕ್ ತಂದಿತ್, ಮನಸ್ಸ್‌ನ ಕುಶೀಲ್ ದುಂಬ್‍ಚಿಟ್ಟತ್‍ೕಂದ್ ಅಯಿಂಗ ಎಣ್ಣ್‌ಚಿ.

ಅಪೊಸ್ತಲ 17:28

ದೇವಡ ಮೂಲಕವೇ ನಂಗ ಬದ್‍ಕಿಯಂಡ್, ಪೋಯಂಡ್ ಬಂದಂಡ್ ಉಂಡ್. ನಂಗ ದೇವಡ ಮಕ್ಕಾಂದ್ ನಿಂಗಡ ಒರ್ ಕವಿಯೇ ಒಳ್‍ದಿತುಂಡ್.

ರೋಮ್ 11:35

ನಂಗಕ್ ಬದ್‍ಲ್ ತಪ್ಪಕಾಯಿತ್, ಅಂವೊಂಗ್ ಮಿಂಞಲೇ ಎಂತಾಚು ಇನಾಮ್ ಕೊಡ್‍ತಂವೊ ದಾರ್?

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.