ಅಪೊಸ್ತಲ 17:24 - ಕೊಡವ ಬೈಬಲ್

²⁴ ಈ ಲೋಕತ್‍ನ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಬೂಲೋಕಕು ಪರಲೋಕಕು ಒಡೆಯನಾನಗುಂಡ್, ಮನುಷ್ಯಂಗಡ ಕೈಯಿಂಜ ಕೆಟ್ಟ್‌ನ ದೇವಸ್ತಾನತ್‍ಲ್ ವಾಸ ಮಾಡುಲೆ.

ಅಪೊಸ್ತಲ 17:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:1

ಎಲ್ಲಾಕಿಂಜ ಮಿಂಞ ದೇವ ಬಾನತ್‍ನ ಪಿಂಞ ಬೂಮಿನ ಸೃಷ್ಟಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 14:19

ಅಂವೊ ಅಬ್ರಾಮಂಗ್: ಬಾನ ಬೂಮಿ ಉಂಟ್‌ಮಾಡ್‌ನ ಉನ್ನತವಾನ ದೇವಡ ಆಶೀರ್ವಾದ ಅಬ್ರಾಮಂಗ್‌ ಇರಡ್‍ೕಂದ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 14:22

ಅದ್‌ಂಗ್‌ ಅಬ್ರಾಮ ಸೊದೋಮ್ರ ರಾಜಂಗ್: ಅಬ್ರಾಮನ ಐಶ್ವರ್ಯವಂತಂವೊನಾಯಿತ್‌ ಮಾಡಿಯೇಂದ್‌ ನೀನ್‌ ಎಣ್ಣತನೆಕೆ ನಾನ್‌ ಒರ್‌ ನೂಲ್‌ನ ಆಡ್, ಎಕ್ಕಡತ್‌ರ ಬಾರನ್ನಾಡ್‌ ನೀಕ್‌ ಉಳ್ಳ ಒಂದ್‌ನ ಸಹ ನಾನ್‌ ಎಡ್‌ಪುಲೇಂದು, ಬಾನ ಬೂಮಿನ ಉಂಟ್ ಮಾಡ್‌ನ ಉನ್ನತವಾನ ದೇವನಾನ ಯೆಹೋವಂಡ ಕಡೆಕ್‌ ನಾಡ ಕೈಯಿನ ಎಡ್‌ತಿತ್‌ ಪ್ರಮಾಣ ಮಾಡಿಯೆ.

ಮಲಾಕಿ 2:10

ನಂಗ ಎಲ್ಲಾರ್‌ಕು ಒರೇ ಅಪ್ಪ ಅಲ್ಲಾ? ಒರೇ ದೇವ ನಂಗಳೆಲ್ಲ ಸೃಷ್ಟಿ ಮಾಡ್‌ಚಲ್ಲಾ? ಇನ್ನನೆ ಇಪ್ಪಕ ಎನ್ನಂಗ್‌ ನಂಗ ಒಬ್ಬಂಗ್‌ ಒಬ್ಬ ದ್ರೋಹ ಮಾಡಿಯಂಡ್‌ ಒಡೆಯನಾನ ಯೆಹೋವ ನಂಗಡ ಮುತ್ತಜ್ಜಂಗಡ ಕೂಡೆ ಮಾಡ್‌ನ ಒಪ್ಪಂದತ್‌ನ ಮುರ್ಚಂಡುಂಡ್?

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 5:34

ಆಚೇಂಗಿ ನಾನ್ ಎಣ್ಣ್‌ವಿ: ಆಣೆ ಇಡಂಡ. ಪರಲೋಕತ್‍ರ ಮೇಲೆ ಆಣೆ ಇಡಂಡ, ಎನ್ನಂಗೆಣ್ಣ್‌ಚೇಂಗಿ, ಅದ್ ದೇವಡ ಸಿಂಹಾಸನವಾಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:21

ಆ ಸಮಯತ್‍ಲ್ ದೇವಡ ಪವಿತ್ರಾತ್ಮನಗುಂಡ್ ಯೇಸು ಕುಶಿಪಟ್ಟಿತ್: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕೂ ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತ್ತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಯೋಹಾನ 1:1

ಎಲ್ಲಾಕಿಂಜ ಮಿಂಞ ತಕ್ಕ್ ಇಂಜತ್, ಆ ತಕ್ಕ್ ದೇವಡ ಪಕ್ಕ ಇಂಜತ್, ಆ ತಕ್ಕ್ ದೇವನಾಯಿತ್ಂಜತ್.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 4:24

ಅಯಿಂಗ ಅದ್‍ನ ಕ್‍ೕಟಿತ್, ಒರೇ ಮನಸ್ಸ್‌ಲ್ ದೇವನ ನೋಟಿತ್ ಜೋರಾಯಿತ್ ಪ್ರಾರ್ಥನೆ ಮಾಡ್‍ಚಿ. ಅಕ್ಕ ಅಯಿಂಗ: ಒಡೆಯನೇ, ಬೂಮಿ, ಬಾನ, ಸಮುದ್ರ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ದೇವ ನೀನ್.

ಅಪೊಸ್ತಲ 7:48

ಆಚೇಂಗಿಯು, ದೇವಾದಿ ದೇವ, ಮನುಷ್ಯ ಕೆಟ್ಟ್‌ನ ದೇವಾಲಯತ್‍ಲ್ ವಾಸ ಮಾಡುಲೆ.

ರೋಮ್ 1:19

ದೇವಡ ವಿಷಯತ್‍ನ ಎಲ್ಲಾ ಜನಳು ಸುಲಬವಾಯಿತ್ ಗೊತ್ತಾಪನೆಕೆ ದೇವ ಮಾಡ್‍ಚಿ; ದೇವನೇ ಅಂವೊನ ಅಯಿಂಗಕ್ ಕಾಂಬ್‍ಚಿಟ್ಟಿತುಂಡ್. ಆನಗುಂಡ್ ದೇವ ಅಯಿಂಗಕ್ ಶಿಕ್ಷೆ ಕೊಡ್‍ಪ.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 3:4

ಎನ್ನಂಗೆಣ್ಣ್‌ಚೇಂಗಿ, ಏದ್ ಮನೇಕು ಅದ್‍ನ ಕೆಟ್ಟ್‌ವಂವೊ ಒಬ್ಬ ಉಂಡ್, ಆಚೇಂಗಿ, ಎಲ್ಲಾನ ಕೆಟ್ಟ್‌ನಂವೊ ದೇವ ಒಬ್ಬನೇ.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.