ಅಪೊಸ್ತಲ 17:23 - ಕೊಡವ ಬೈಬಲ್

²³ ನಾನ್ ನಿಂಗಡ ಪಟ್ಟಣತ್‍ಲ್ ನಡ್ಂದ್ ಪೋಯಂಡಿಪ್ಪಕ, ನಿಂಗ ಪೂಜೆ ಮಾಡ್‌ವ ಬೋರೆ ಬೋರೆ ವಸ್ತುನ ಚಾಯಿತೆ ನೋಟಿಯಂಡಿಪ್ಪಕ, ಅರಿಯತ ದೇವಕ್‍ೕಂದ್ ಒಳ್‍ದಿತ್ಂಜ ಒರ್ ಬಲಿಪೀಠತ್‍ನ ಕಂಡಿಯೆ. ನಿಂಗ ಅರಿಯತೆ ಪೂಜೆಮಾಡಿಯಂಡುಳ್ಳಂವೊಂಡ ವಿಷಯತ್‍ನೇ ನಾನ್ ಎಣ್ಣಿಯಂಡುಳ್ಳ.

ಅಪೊಸ್ತಲ 17:23 ပူးပေါင်းရင်းမြစ်များ

ಮತ್ತಾಯ 15:9

ಅಯಿಂಗ ನನ್ನ ಆರಾದನೆ ಮಾಡ್‌ವ ಆಚೇಂಗಿ ಪ್ರಯೋಜನ ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಜನ ಎಣ್ಣ್‌ನ ಕಾನೂನ್‌ನ, ನ್ಯಾಯಪ್ರಮಾಣವಾಯಿತ್ ಉಪದೇಶ ಮಾಡಿಯಂಡುಂಡ್‍ೕಂದ್, ಯೇಸು ಎಣ್ಣ್‌ಚಿ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 4:22

ಸಮಾರ್ಯ ಜನಳಾನ ನಿಂಗ ಗೊತ್ತಿಲ್ಲತದ್‍ನ ಆರಾದನೆ ಮಾಡ್‌ವಿರ; ಯೆಹೂದ್ಯಂಗಳಾನ ನಂಗ ಗೊತ್ತುಳ್ಳದ್‍ನ ಆರಾದನೆ ಮಾಡಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ದೇವಡ ರಕ್ಷಣೆ ಯೆಹೂದ್ಯಂಗಡ ಮೂಲಕ ಬಪ್ಪ.

ಯೋಹಾನ 8:54

ಯೇಸು ಅಯಿಂಗಕ್: ನನ್ನ ನಾನೇ ಮಹಿಮೆ ಪಡ್‍ತ್‍ಚೇಂಗಿ, ಆ ಮಹಿಮೇಕ್ ಒರ್ ಮರ್ಯಾದೆಯು ಇಪ್ಪ್‌ಲೆ. ನಿಂಗ ನಿಂಗಡ ದೇವಾಂದ್ ಎಣ್ಣುವ ನಾಡ ಅಪ್ಪನೇ ನಾಕ್ ಮಹಿಮೆ ತಪ್ಪ.

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

1 ಕೊರಿಂಥ 8:5

ಪರಲೋಕತ್‌ಲು, ಬೂಲೋಕತ್‌ಲು ದೇವಂಗ ಉಂಡ್‍ೕಂದ್ ಜನ ಗೇನ ಮಾಡ್‌ವ. ಇಂಞು, ದುಂಬ ದೇವಂಗ ಪಿಂಞ ಒಡೆಯಂಗ ಉಂಡ್‍ೕಂದ್ ಜನ ಗೇನ ಮಾಡಿಯಂಡುಂಡ್‍ೕಂದ್ ನಂಗಕ್ ಗೊತ್ತುಂಡ್.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.