ಅಪೊಸ್ತಲ 17:21 - ಕೊಡವ ಬೈಬಲ್

²¹ (ಅಥೇನ ಪಟ್ಟಣಕಾರಂಗಳು, ಅಲ್ಲಿ ವಾಸ ಇಂಜ ಬೋರೆ ಜನಳು, ಇನ್ನನೆ ಪುದಿಯ ಪುದಿಯ ವಿಷಯತ್‍ನ ಎಣ್ಣ್‌ವದ್ ಪಿಂಞ ಕ್‍ೕಪದ್‍ನ ಬುಟ್ಟತೇಂಗಿ ಬೋರೆ ಒಂದಾಂಗು ಸಮಯ ಕೊಡ್‍ಪಯಿಂಜಿಲೆ).

ಅಪೊಸ್ತಲ 17:21 ပူးပေါင်းရင်းမြစ်များ

ಅಪೊಸ್ತಲ 17:15

ಪೌಲಂಡ ಕೂಡೆ ಪೋನಯಿಂಗ ಅಂವೊನ ಅಥೇನೆ ಪಟ್ಟಣಕತ್ತನೆ ಕಾಕಿಯಂಡ್ ಪೋಯಿತ್, ಸೀಲ ಪಿಂಞ ತಿಮೊಥೆಯ ನಾಡ ಪಕ್ಕ ಬೆರಿಯ ಬರಂಡೂಂದ್ ಉಳ್ಳ ಪೌಲಂಡ ಅಪ್ಪಣೆನ ಪಡ್ಂದಿತ್ ವಾಪಸ್ ಪೋಚಿ.

ಅಪೊಸ್ತಲ 17:16

ಪೌಲ ಅಯಿಂಗಕಾಯಿತ್ ಅಥೇನೆ ಪಟ್ಟಣತ್‍ಲ್ ಪಾರಕಾತಂಡ್ ಇಪ್ಪಕ, ಆ ಪಟ್ಟಣತ್‍ಲ್ ಎಲ್ಲಿ ನೋಟ್‍ಚೇಂಗಿಯು ವಿಗ್ರಹ ದುಂಬಿತ್ ಉಳ್ಳಾನ ಕಂಡಿತ್, ಅಂವೊಂಡ ಆತ್ಮಕ್ ಸಮಾದಾನ ಇಲ್ಲತನೆಕೆ ಬೇಜಾರ್ ಆಚಿ.

ಅಪೊಸ್ತಲ 17:20

ನೀನ್ ನಂಗಕ್ ಗೊತ್ತಿಲ್ಲತ ಪುದಿಯ ವಿಷಯತ್‍ನ ಎಣ್ಣಿಯಂಡುಳ್ಳಿಯ, ಅದ್ಂಡ ಅರ್ಥ ಎಂತ್‍ೕಂದ್ ಅರಿಯುವಕ್ ನಂಗ ಕುಶೀಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 2:10

ಪೊಂತ, ಆಸ್ಯ, ಫ್ರುಗ್ಯ, ಪಂಫುಲ್ಯ, ಐಗುಪ್ತ ದೇಶತ್‍ಲ್ ಉಳ್ಳಯಿಂಗಳು, ಕುರೇನೆರ ಸುತ್ತ್‌ಮುತ್ತ್‌ಲ್ ಉಳ್ಳ ಲಿಬ್ಯ ಪ್ರಾಂತ್ಯತ್‍ಲ್ ಉಳ್ಳಯಿಂಗಳು, ರೋಮ್ ಪಟ್ಟಣತ್ಂಜ ಬಂದಯಿಂಗಳು, ಯೆಹೂದ್ಯಂಗಳು, ಯೆಹೂದ್ಯ ಪದ್ದತಿಕ್ ಕೂಡ್‍ನಯಿಂಗಳು,

ಎಫೆಸ 5:16

ಕಾಲ ಮೋಸವಾಯಿತ್ ಉಳ್ಳಾಂಗ್, ಸಮಯತ್‍ನ ಪ್ರಯೋಜನ ಮಾಡಿಯೊಳಿ.

ಕೊಲೊಸ್ಸೆ 4:5

ಸಬೇಕ್ ಪೊರಮೆ ಉಳ್ಳಯಿಂಗಡ ಮಿಂಞತ್ ಜ್ಞಾನತ್‍ಲ್ ನಡ್‌ಂದಿತ್, ಎಚ್ಚರತ್‍ಲ್ ಇರಿ. ನಿಂಗಕ್ ಕ್‍ಟ್ಟುವ ಸಮಯತ್‍ನ ಪ್ರಯೋಜನ ಮಾಡಿಯೊಳಿ.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.