ಅಪೊಸ್ತಲ 17:19 - ಕೊಡವ ಬೈಬಲ್

¹⁹ ಅಯಿಂಗ ಪೌಲನ ಕಾಕಿಯಂಡ್ ಆ ಪಟ್ಟಣತ್‍ರ ಅರಿಯೊಪಾಗ ಎಣ್ಣುವ ಆಲೋಚನೆ ಸಬೆರ ವೇದಿಕೆಕ್ ಕಾಕಿಯಂಡ್ ಪೋಯಿತ್: ನೀನ್ ಎಣ್ಣುವ ಈ ಪುದಿಯ ಬೋದನೆ ಎಂ‍ತಾಂದ್ ನಂಗಕ್ ಎಣ್ಣ್‍ೕಂದ್ ಕ್‍ೕಟತ್.

ಅಪೊಸ್ತಲ 17:19 ပူးပေါင်းရင်းမြစ်များ

ಮತ್ತಾಯ 10:18

ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡ್‌ವ. ಇನ್ನನೆ ಅಯಿಂಗಕು ಪಿಂಞ ಅನ್ಯ ಜನಾಂಗಕು ನಾಡ ವಿಷಯತ್‍ನ ಎಣ್ಣ್‌ವಿರ.

ಮಾರ್ಕ 1:27

ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್: ಇದ್ ಎಂತ? ಈ ಪುದಿಯ ಬೋದನೆ ಎಂತದ್? ಅಂವೊ ಅದಿಕಾರತ್‍ಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಅದೂ ಅಂವೊಂಡ ತಕ್ಕ್‌ನ ಕ್‍ೕಪಲ್ಲಾಂದ್ ಅಯಿಂಗಡ ಒಳ್‌ಲೇ ತಕ್ಕ್ ಪರ್‌ದಂಡ್ ಇಂಜತ್.

ಯೋಹಾನ 13:34

ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು.

ಅಪೊಸ್ತಲ 17:20

ನೀನ್ ನಂಗಕ್ ಗೊತ್ತಿಲ್ಲತ ಪುದಿಯ ವಿಷಯತ್‍ನ ಎಣ್ಣಿಯಂಡುಳ್ಳಿಯ, ಅದ್ಂಡ ಅರ್ಥ ಎಂತ್‍ೕಂದ್ ಅರಿಯುವಕ್ ನಂಗ ಕುಶೀಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 17:22

ಅಕ್ಕ ಪೌಲ, ಅರಿಯೊಪಾಗ ಆಲೋಚನೆ ಸಬೆರ ಮದ್ಯತ್‍ಲ್ ನಿಂದಂಡ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ: ಅಥೇನೆ ಪಟ್ಟಣತ್‍ರ ಜನಳೇ, ನಿಂಗ ಎಲ್ಲಾ ವಿಷಯತ್‍ಲು ದುಂಬ ಬಕ್ತಿವಂತಯಿಂಗಾಂದ್ ನಾಕ್ ಗೊತ್ತಾಯಡುಂಡ್.

ಅಪೊಸ್ತಲ 17:34

ಚೆನ್ನ ಜನ ಅಂವೊ ಎಣ್ಣ್‌ನದ್‍ನ ನಂಬಿತ್ ಪೌಲಂಡ ಕೂಟ್‍ಕ್ ಕೂಡ್‍ಚಿ. ಅಯಿಂಗಡಡೆಲ್, ಅರಿಯೊಪಾಗ ಸಬೇಲ್ ಒಬ್ಬನಾನ ದಿಯೊನುಸ್ಯ, ದಾಮರಿ ಎಣ್ಣುವ ಒರ್ ಪೊಣ್ಣಾಳ್ ಪಿಂಞ ಇಂಞು ಚೆನ್ನ ಜನ ಇಂಜತ್.

ಅಪೊಸ್ತಲ 23:19

ಅಕ್ಕ, ಆ ಸೇನೆರ ಅದಿಕಾರಿ: ಆ ಬಾಲೆಕಾರಂಡ ಕೈಯಿನ ಪುಡ್‌ಚಿತ್, ಆಬರಿಕ್ ಕಾಕಿಯಂಡ್ ಪೋಯಿತ್, ನೀನ್ ನಾಡ ಪಕ್ಕ ಎಣ್ಣ್‌ವಕುಳ್ಳ ವಿಷಯ ಎಂತ್‍ೕಂದ್ ಕ್‍ೕಟತ್.

ಅಪೊಸ್ತಲ 24:24

ಚೆನ್ನ ದಿನ ಆನ ಪಿಂಞ ಫೇಲಿಕ್ಸ, ಯೆಹೂದ್ಯಳಾನ ದ್ರೂಸಿಲ್ಲ ಎಣ್ಣುವ ಅಂವೊಂಡ ಪೊಣ್ಣ್‌ರ ಕೂಡೆ ಬಾತ್. ಅಂವೊ ಪೌಲನ ಕಾಕಿತ್, ಯೇಸು ಕ್ರಿಸ್ತನ ನಂಬುವ ವಿಷಯತ್‍ಲ್ ಅಂವೊ ಎಣ್ಣ್‌ನ ತಕ್ಕ್‌ನ ಕ್‍ೕಟತ್.

ಅಪೊಸ್ತಲ 25:22

ಅದ್ಂಗ್ ಅಗ್ರಿಪ್ಪ ಫೆಸ್ತಂಗ್: ಆ ಮನುಷ್ಯ ಎಣ್ಣ್‌ವಾನ ಕ್‍ೕಪಕ್ ನಾಕ್ ಸಹ ಮನಸ್ಸ್ ಉಂಡ್‍ೕಂದ್ ಎಣ್ಣ್‌ಚಿ. ಅದ್ಂಗ್ ಫೆಸ್ತ: ಅಂವೊ ಎಣ್ಣುವಾನ ನಾಳೆ ನಿಂಗ ಕ್‍ೕಕಲೂಂದ್ ಎಣ್ಣ್‌ಚಿ.

ಅಪೊಸ್ತಲ 26:1

ಅಕ್ಕ ಅಗ್ರಿಪ್ಪ ಪೌಲಂಗ್: ನೀನ್ ನೀಕಾಯಿತ್ ತಕ್ಕ್ ಪರೀಂದ್ ಎಣ್ಣ್‌ಚಿ. ಅಕ್ಕ ಪೌಲ: ಕೈ ನ್‍ೕಟಿತ್ ಅಂವೊಂಗಾಯಿತ್ ವಾದ ಮಾಡ್‌ವಕ್ ಸುರು ಮಾಡ್‍ಚಿ.