ಅಪೊಸ್ತಲ 17:18 - ಕೊಡವ ಬೈಬಲ್

¹⁸ ಅಕ್ಕ, ಎಪಿಕೂರಿಯ ಪಿಂಞ ಸ್ತೋಯಿಕ ಎಣ್ಣುವ ತತ್ವ ಜ್ಞಾನಿಯಂಗಡ ಗುಂಪಿಂಜ ಚೆನ್ನ ಜನ, ಅಂವೊಂಡ ಕೂಡೆ ಚರ್ಚೆ ಮಾಡ್‍ಚಿ. ಅಯಿಂಗಡಲ್ಲಿ ಚೆನ್ನ ಜನ, ನಿಪ್ಪ್‌ಚಿಡತೆ ತಕ್ಕ್ ಪರಿವ ಮಾತ್‍ಮಲ್ಲ, ಇಂವೊ ಎಂತ ಎಣ್ಣ್‌ವಾಂದ್ ಕ್‍ೕಟತ್. ಪೌಲ ಯೇಸುರ ನಲ್ಲ ಸುದ್ದಿನ ಪಿಂಞ ಅಂವೊ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಪ್ರಚಾರ ಮಾಡ್‍ನಗುಂಡ್, ಚೆನ್ನ ಜನ: ಇಂವೊ ಬೋರೆ ದೇವನ ಎಣ್ಣಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 17:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:9

ಮೂಡಂಡ ಕೆಮಿ ಕ್‍ೕಪನೆಕೆ ಪರಿಯತೆ. ಅಂವೊ ನೀಡ ಜ್ಞಾನತ್‌ರ ತಕ್ಕ್‌ನ ತ್‌ಕ್ಕಾರ ಮಾಡುವ.

ಜ್ಞಾನತ್‌ರ ಪಡಿಮ 26:12

ತನ್ನ ತಾನೆ ಜ್ಞಾನೀಂದ್‌ ಗೇನ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಿರೀಕ್ಷೆ ಬೆಕ್ಕಲು.

ಮಾರ್ಕ 9:14

ಪಿಂಞ ಅಯಿಂಗ ಕುಂದ್‌ರ ಅಡಿಕ್ ಬಪ್ಪಕ ಬಾಕಿ ಶಿಷ್ಯಂಗಡ ಕೂಡೆ ದುಂಬ ಜನ ಕೂಡಿತ್ಂಜತ್. ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಯಿಂಗಡ ಪಕ್ಕ ತರ್ಕ ಮಾಡ್‌ವಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:53

ಯೇಸು ಅಲ್ಲಿಂಜ ಪೋನ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಫರಿಸಾಯಂಗ ಯೇಸುರ ಮೇಲೆ ಜೋರಾಯಿತ್ ನಿಂದನೆಮಾಡ್‌ವಕ್, ನಾನಾ ತರತ್‍ರ ಪ್ರಶ್ನೆ ಕ್‍ೕಪಕ್, ಯೇಸುರ ಮೇಲೆ ಕುತ್ತ ಕಂಡ್‌ಪುಡಿಪಕ್, ಅಂವೊಂಡ ತಕ್ಕ್‌ಲ್ ಕೆಣಿಪಕಾಯಿತ್ ನೋಟಿಯಂಡ್ ಇಂಜತ್.

ಅಪೊಸ್ತಲ 26:23

ಪ್ರವಾದಿಯಂಗಳು ಮೋಶೇಯು ಮಿಂಞಲೇ ಎಣ್ಣ್‌ನನೆಕೆ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟಪಟ್ಟಿತ್ ಚಾವಾಂದು, ಚತ್ತಯಿಂಗ ಪುನಃ ಜೀವವಾಯಿತ್ ಎದ್ದಿತ್ ಬಪ್ಪಯಿಂಗಡಡೆಲ್ ಇಂವೊನೇ ಆದ್ಯವಾಯಿತ್ ಇಪ್ಪಾಂದು, ಅಂವೊ ಎದ್ದಿತ್ ಅಂವೊಂಡ ಜನಕು, ಯೆಹೂದ್ಯಂಗಲ್ಲತ ಬೋರೆ ಜನಾಂಗಕು, ಬೊಳಿನ ಅರಿಚಿಡುವಾಂದು ಉಳ್ಳದ್‍ನ ಬುಟ್ಟಿತ್ ಬೋರೆ ಒಂದು ನಾನ್ ಎಣ್ಣಿಯಂಡಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 4:2

ಪೇತ್ರ ಪಿಂಞ ಯೋಹಾನ ಜನಕ್, ಯೇಸು ಚಾವ್‍ಯಿಂಜ ಜೀವವಾಯಿತ್ ಬಂದಗುಂಡ್, ಚತ್ತಯಿಂಗ ಪುನಃ ಜೀವವಾಯಿತ್ ಎದ್ದಿತ್ ಬಪ್ಪಾಂದ್ ಬೋದನೆ ಮಾಡ್‌ವಾನ ನೋಟಿತ್, ಅಯಿಂಗಕ್ ಬಾರಿ ಚೆಡಿ ಬಾತ್.

ಅಪೊಸ್ತಲ 5:42

ಪಿಂಞ ದಿನಾಲು ಅಯಿಂಗ ದೇವಾಲಯತ್‍ಲು, ಓರೋರ್ ಮನೇಲು, ಕೂಡಿ ಬಂದಿತ್, ದೇವಡ ವಾಕ್ಯತ್‍ನ ಬೋದನೆ ಮಾಡಿಯಂಡ್, ಯೇಸುವೇ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಪ್ಪ್‌ಚಿಡತೆ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ರೋಮ್ 1:22

ಅಯಿಂಗಳ ಅಯಿಂಗಳೇ ಬುದ್ದಿವಂತಯಿಂಗಾಂದ್ ಎಣ್ಣಿಯಂಡ್ ಇಂಜತೇಂಗಿಯು, ಅಯಿಂಗ ಮುಠಾಳಂಗ ಆಚಿ.

1 ಕೊರಿಂಥ 3:18

ನಿಂಗಡಲ್ಲಿ ದಾರೂ ನಿಂಗಳ ನಿಂಗಳೇ ವಂಚನೆ ಮಾಡ್‌ವಕ್ಕಾಗ, ಈ ಲೋಕತ್‍ರ ಜನತ್‍ರ ಮಿಂಞತ್‍ಲ್ ನಿಂಗ ಬಲ್ಯ ಬುದ್ದಿವಂತಯಿಂಗಾಂದ್ ನಿಂಗ ಗೇನಮಾಡಿಯಂಡಿಂಜತೇಂಗಿ, ಅಯಿಂಗಡ ಮಿಂಞತ್ ನಿಂಗ ಮುಠಾಳಂಗಳಾಯಿತ್ ಇರಂಡು, ಅಕ್ಕ ನಿಂಗ ಬುದ್ದಿವಂತಯಿಂಗಳಾಯಿತಿಪ್ಪಿರ.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.