ಅಪೊಸ್ತಲ 17:16 - ಕೊಡವ ಬೈಬಲ್

¹⁶ ಪೌಲ ಅಯಿಂಗಕಾಯಿತ್ ಅಥೇನೆ ಪಟ್ಟಣತ್‍ಲ್ ಪಾರಕಾತಂಡ್ ಇಪ್ಪಕ, ಆ ಪಟ್ಟಣತ್‍ಲ್ ಎಲ್ಲಿ ನೋಟ್‍ಚೇಂಗಿಯು ವಿಗ್ರಹ ದುಂಬಿತ್ ಉಳ್ಳಾನ ಕಂಡಿತ್, ಅಂವೊಂಡ ಆತ್ಮಕ್ ಸಮಾದಾನ ಇಲ್ಲತನೆಕೆ ಬೇಜಾರ್ ಆಚಿ.

ಅಪೊಸ್ತಲ 17:16 ပူးပေါင်းရင်းမြစ်များ

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಯೋಹಾನ 2:13

ಪಿಂಞ ಯೆಹೂದ್ಯಂಗಡ ಪಸ್ಕ ನಮ್ಮೆಕ್ ಇಂಞು ಚೆನ್ನ ದಿವಸ ಮಾತ್ರ ಇಂಜಗುಂಡ್, ಯೇಸು ಯೆರೂಸಲೇಮ್‌ಕ್ ಪೋಚಿ.

ಅಪೊಸ್ತಲ 17:15

ಪೌಲಂಡ ಕೂಡೆ ಪೋನಯಿಂಗ ಅಂವೊನ ಅಥೇನೆ ಪಟ್ಟಣಕತ್ತನೆ ಕಾಕಿಯಂಡ್ ಪೋಯಿತ್, ಸೀಲ ಪಿಂಞ ತಿಮೊಥೆಯ ನಾಡ ಪಕ್ಕ ಬೆರಿಯ ಬರಂಡೂಂದ್ ಉಳ್ಳ ಪೌಲಂಡ ಅಪ್ಪಣೆನ ಪಡ್ಂದಿತ್ ವಾಪಸ್ ಪೋಚಿ.

ಅಪೊಸ್ತಲ 17:21

(ಅಥೇನ ಪಟ್ಟಣಕಾರಂಗಳು, ಅಲ್ಲಿ ವಾಸ ಇಂಜ ಬೋರೆ ಜನಳು, ಇನ್ನನೆ ಪುದಿಯ ಪುದಿಯ ವಿಷಯತ್‍ನ ಎಣ್ಣ್‌ವದ್ ಪಿಂಞ ಕ್‍ೕಪದ್‍ನ ಬುಟ್ಟತೇಂಗಿ ಬೋರೆ ಒಂದಾಂಗು ಸಮಯ ಕೊಡ್‍ಪಯಿಂಜಿಲೆ).

ಅಪೊಸ್ತಲ 17:23

ನಾನ್ ನಿಂಗಡ ಪಟ್ಟಣತ್‍ಲ್ ನಡ್ಂದ್ ಪೋಯಂಡಿಪ್ಪಕ, ನಿಂಗ ಪೂಜೆ ಮಾಡ್‌ವ ಬೋರೆ ಬೋರೆ ವಸ್ತುನ ಚಾಯಿತೆ ನೋಟಿಯಂಡಿಪ್ಪಕ, ಅರಿಯತ ದೇವಕ್‍ೕಂದ್ ಒಳ್‍ದಿತ್ಂಜ ಒರ್ ಬಲಿಪೀಠತ್‍ನ ಕಂಡಿಯೆ. ನಿಂಗ ಅರಿಯತೆ ಪೂಜೆಮಾಡಿಯಂಡುಳ್ಳಂವೊಂಡ ವಿಷಯತ್‍ನೇ ನಾನ್ ಎಣ್ಣಿಯಂಡುಳ್ಳ.

ಅಪೊಸ್ತಲ 18:1

ಇದಾನ ಪಿಂಞ ಪೌಲ ಅಥೇನೆ ಪಟ್ಟಣತ್‍ನ ಬುಟ್ಟಿತ್ ಕೊರಿಂಥ ಪಟ್ಟಣಕ್ ಪೋಚಿ.

ಅಪೊಸ್ತಲ 20:22

ಇಕ್ಕ ನಾನ್ ಯೆರೂಸಲೇಮ್‌ಕ್ ಪೋಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ಪವಿತ್ರ ಆತ್ಮ ಅಲ್ಲಿ ಪೋಪಕ್ ಎಣ್ಣಿಯಂಡುಂಡ್. ಅಲ್ಲಿ ನಾಕ್ ಎಂತ ಆಪಾಂದ್ ಗೊತ್ತ್‌ಲ್ಲೆ.

1 ಥೆಸಲೊನೀಕ 3:1

ಆನಗುಂಡ್, ಇಂಞು ಮಿಂಞಕ್ ನಂಗಕ್ ಸಹಿಸಿಯಂಡ್ ಇಪ್ಪಕ್ ಕಯಿಂಜಿತ್‌ಲ್ಲೆ. ಅನ್ನನೆ ಅಥೇನೆ ಪಟ್ಟಣತ್‍ಲ್ ನಂಗ ಮಾತ್ರ ಇಪ್ಪದ್ ಚಾಯೀಂದ್ ಗೇನ ಮಾಡ್‍ಚಿ.

2 ಪೇತ್ರ 2:7

ಆಚೇಂಗಿ, ಅದೇ ಸಮಯತ್‍ಲ್, ನೀತಿವಂತಂವೊನಾನ ಲೋಟ ಎಣ್ಣ್‌ವಂವೊ, ಲೈಂಗಿಕ ಪಾಪತ್‍ಲ್ ದುಷ್ಟಂಗಳಾಯಿತ್ ಬದ್‍ಕಿಯಂಡ್ ಇಂಜ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತೇಂಗಿಯು,