ಅಪೊಸ್ತಲ 17:13 - ಕೊಡವ ಬೈಬಲ್

¹³ ಪೌಲ ಬೆರೋಯತ್‍ಲ್ ದೇವಡ ವಾಕ್ಯತ್‍ನ ಎಣ್ಣಿಯಂಡುಂಡ್‍ೕಂದ್ ಥೆಸಲೊನೀಕತ್‍ರ ಯೆಹೂದ್ಯಂಗಕ್ ಗೊತ್ತಾಪಕ, ಅಯಿಂಗ ಅಲ್ಲಿಯು ಬಂತ್ ಜನಳ ಕೂಟಿತ್, ಕಲಹ ಮಾಡ್‍ಚಿ.

ಅಪೊಸ್ತಲ 17:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:18

ಮುಂಜೆಡಿ ಉಳ್ಳಂವೊ ಜಗಳತ್‌ನ ಸುರುಮಾಡುವ, ಆಚೇಂಗಿ ದುಂಬ ತಾಳ್ಮೆಯುಳ್ಳಂವೊ ಜಗಳತ್‌ನ ಶಾಂತಪಡ್‌ತುವ.

ಜ್ಞಾನತ್‌ರ ಪಡಿಮ 28:25

ಅತಿ ಆಸೆ ಉಳ್ಳಂವೊ ಜಗಳತ್‌ನ ಸುರುಮಾಡುವ. ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಬೆಪ್ಪಂವೊ ಅಬಿವೃದ್ದಿ ಪೊಂದುವ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:51

ನಾನ್ ಈ ಬೂಮಿಲ್ ಸಮಾದಾನ ಕೊಡ್‍ಪಕಾಯಿತ್ ಬಂದಿಯೇಂದ್ ನಿಂಗ ಗೇನ ಮಾಡ್‌ವಿರ? ಇಲ್ಲೇಂದ್ ಎಣ್ಣ್‌ವಿ. ಸಮಾದಾನಕಾಯಿತ್ ಅಲ್ಲ, ಆಚೇಂಗಿ ಜನಳ ಬೋರೆ ಬೋರೆ ಮಾಡ್‌ವಕಾಯಿತ್ ನಾನ್ ಬಂದಿಯೆ.

ಅಪೊಸ್ತಲ 14:2

ಆಚೇಂಗಿ, ಎಣ್ಣ್‌ನ ವಿಷಯತ್‍ನ ನಂಬತೆ ಪೋನ ಯೆಹೂದ್ಯಂಗ, ಯೆಹೂದ್ಯರಲ್ಲತ ಜನಡ ಮನಸ್ಸ್‌ನ ಈ ದಂಡಾಳ್‌ಕ್ ವಿರೋದವಾಯಿತ್, ಚೆಡಿ ಬಪ್ಪನೆಕೆ ಪಾಳ್ ಮಾಡ್‍ಚಿ.

ಅಪೊಸ್ತಲ 17:1

ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

ಅಪೊಸ್ತಲ 17:10

ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 20:4

ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

ಅಪೊಸ್ತಲ 21:27

ಅನ್ನನೆ ಶುದ್ದ ಮಾಡ್‌ವ ಏಳ್ ದಿವಸ ನೆರವೇರುವಕ್ ಪಕ್ಕ ಆಪಕ, ಆಸ್ಯ ಸೀಮೆಯಿಂಜ ಬಂದಿತ್ಂಜ ಯೆಹೂದ್ಯಂಗ ಪೌಲನ ದೇವಾಲಯತ್‍ಲ್ ಕಂಡತ್. ಅಯಿಂಗ ಬಲ್ಯ ಗಲಾಟೆ ಮಾಡಿತ್ ಗುಂಪು ಕೂಟಿತ್ ಅಂವೊನ ಪುಡ್‌ಚಿರ್‌ತ್.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.

2 ಕೊರಿಂಥ 11:26

ದುಂಬ ಕುರಿ ಪ್ರಯಾಣ ಮಾಡಿಯೆ, ಪೊಳೇರಗುಂಡ್ ಬಂದ ಅಪಾಯತ್‍ಲ್, ಕಳ್ಳಂಗಡಗುಂಡ್ ಬಂದ ಅಪಾಯತ್‍ಲ್, ನಾಡ ಸ್ವಂತ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಬೋರೆ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಪಟ್ಟಣತ್‍ಲ್ ಬಂದ ಅಪಾಯತ್‍ಲ್, ಮಣಬೂಮಿಲ್ ಬಂದ ಅಪಾಯತ್‍ಲ್, ಸಮುದ್ರತ್‍ಲ್ ಬಂದ ಅಪಾಯತ್‍ಲ್, ಕಳ್ಳಂಗಳಾನ ಅಣ್ಣತಮ್ಮಣಂಗಡಗುಂಡ್ ಬಂದ ಅಪಾಯತ್‍ರಗುಂಡ್,