ಅಪೊಸ್ತಲ 17:10 - ಕೊಡವ ಬೈಬಲ್

¹⁰ ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ಅಪೊಸ್ತಲ 17:10 ပူးပေါင်းရင်းမြစ်များ

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 17:1

ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

ಅಪೊಸ್ತಲ 17:2

ಪೌಲ, ತಾನ್ ಎಲ್ಲಾ ಜಾಗತ್‍ಲ್ ಮಾಡ್‌ವ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಮೂಂದ್ ಸಬ್ಬತ್ ದಿವಸತ್‍ಲ್, ದೇವಡ ವಾಕ್ಯತ್ಂಜ ಅಯಿಂಗಡ ಕೂಡೆ ಕ್ರಿಸ್ತಂಡ ವಿಷಯತ್ ವಾದ ಮಾಡ್‍ಚಿ.

ಅಪೊಸ್ತಲ 17:4

ಅಕ್ಕ, ಚೆನ್ನ ಯೆಹೂದ್ಯಂಗ ಪೌಲ ಎಣ್ಣುವದ್ ನಂಬುವನೆಕೆ ಇಂಜಗುಂಡ್, ಪೌಲ ಪಿಂಞ ಸೀಲಂಡ ಕೂಡೆ ಕೂಡಿಯಂಡತ್. ಅಲ್ಲಿ ದೇವನ ಆರಾದನೆ ಮಾಡಿಯಂಡಿಂಜ ದುಂಬ ಯೆಹೂದ್ಯಂಗಲ್ಲತ ಜನಳು, ಸುಮಾರ್ ಮಕ್ಯಪಟ್ಟ ಪೊಣ್ಣಾಳುವಳು, ಪೌಲ ಪಿಂಞ ಸೀಲಂಡ ಕೂಟ್‍ಕ್ ಕೂಡಿಯಂಡತ್.

ಅಪೊಸ್ತಲ 17:6

ಅಲ್ಲಿ ಪೌಲ ಪಿಂಞ ಸೀಲನ ಕಾಂಗತಗುಂಡ್, ಆ ಜನ ಯಾಸೋನ ಪಿಂಞ ಅಲ್ಲಿ ಇಂಜ ಚೆನ್ನ ದೇವಡ ಮಕ್ಕಳ ಪಟ್ಟಣತ್‍ರ ಅದಿಕಾರಿಯಂಗಡ ಪಕ್ಕ ಬಲ್‍ಚಂಡ್ ಪೋಯಿತ್: ಲೋಕತ್‍ನ ಗಲಿಬಿಲಿ ಮಾಡ್‌ವಯಿಂಗ ಇಲ್ಲಿಕೂ ಬಂದಿತುಂಡ್,

ಅಪೊಸ್ತಲ 20:4

ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 9:25

ಆಚೇಂಗಿ ಶಿಷ್ಯಂಗ ಬಯಿಟ್ ನೇರತ್ ಅಂವೊನ ಒರ್ ಕುಕ್ಕೆಲ್ ಬೆಚ್ಚಿತ್ ಗೋಡೆಯಿಂಜ ಅಂವೊನ ಅಡಿಕ್ ಇಳ್‌ಪ್‍ಚಿ.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.