ಅಪೊಸ್ತಲ 17:1 - ಕೊಡವ ಬೈಬಲ್

¹ ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

ಅಪೊಸ್ತಲ 17:1 ပူးပေါင်းရင်းမြစ်များ

ಅಪೊಸ್ತಲ 14:1

ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 15:21

ದುಂಬ ಕಾಲವಾಯಿತ್, ಸಬ್ಬತ್ ದಿವಸತ್‍ಲ್, ಅಯಿಂಗ ವಾಸ ಮಾಡ್‌ವ ಪಟ್ಟಣ ಪಿಂಞ ಊರ್‌ರ ಸಬಾಮಂದಿರತ್‍ಲ್ ಎಕ್ಕಾಲು ಓದಿತ್ ಇದ್‍ನ ಬೋದನೆ ಮಾಡಿಯಂಡ್ ಉಂಡ್.

ಅಪೊಸ್ತಲ 16:13

ಸಬ್ಬತ್ ದಿವಸತ್‍ಲ್, ಪಟ್ಟಣತ್‍ರ ಪೊರಮೆ ಪೋಯಿತ್, ಪೊಳೆರ ಕರೆಲ್, ಜನ ಎಕ್ಕಾಲು ಅಲ್ಲಿ ಪ್ರಾರ್ಥನೆ ಮಾಡ್‌ವಾಂದ್ ಗೇನ ಮಾಡಿತ್ ನಂಗ ಅಲ್ಲಿ ಅಳ್‌ತತ್. ಅಲ್ಲಿ ಕೂಡಿ ಬಂದಿತ್ಂಜ ಪೊಣ್ಣಾಳುವಕ್ ನಂಗ ಉಪದೇಶ ಮಾಡ್‍ಚಿ.

ಅಪೊಸ್ತಲ 17:10

ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಅಪೊಸ್ತಲ 17:13

ಪೌಲ ಬೆರೋಯತ್‍ಲ್ ದೇವಡ ವಾಕ್ಯತ್‍ನ ಎಣ್ಣಿಯಂಡುಂಡ್‍ೕಂದ್ ಥೆಸಲೊನೀಕತ್‍ರ ಯೆಹೂದ್ಯಂಗಕ್ ಗೊತ್ತಾಪಕ, ಅಯಿಂಗ ಅಲ್ಲಿಯು ಬಂತ್ ಜನಳ ಕೂಟಿತ್, ಕಲಹ ಮಾಡ್‍ಚಿ.

ಅಪೊಸ್ತಲ 20:4

ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

ಅಪೊಸ್ತಲ 27:2

ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.

ಫಿಲಿಪ್ಪಿ 4:16

ನಾನ್ ಥೆಸಲೋನಿಕತ್‍ಲ್ ಇಪ್ಪಕಲು ನಿಂಗ ನಾಕ್ ಪಣ ಸಹಾಯತ್‍ನ ಅಕ್ಕಕ್ಕ ಮಾಡಿತುಳ್ಳಿರ.

1 ಥೆಸಲೊನೀಕ 1:1

ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯಂಡ ಕೂಡೆ, ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಥೆಸಲೊನೀಕ ಪಟ್ಟಣತ್‍ರ ದೇವಡ ಸಬೇಲ್ ಉಳ್ಳ ಮಕ್ಕಕ್ ಒಳ್‍ದ್‍ವ ಕಾಗದ ಇದ್. ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

2 ಥೆಸಲೊನೀಕ 1:1

ನಂಗಡ ಅಪ್ಪನಾನ ದೇವಕ್ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಗ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ಲ್ ಉಳ್ಳ ದೇವಡ ಸಬೆರ ಮಕ್ಕಕ್ ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯ ಕೂಡಿತ್ ಒಳ್‍ದ್‍ವ ಕಾಗದ ಇದ್.

2 ತಿಮೊಥೆಯ 4:10

ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಮೇಲೆ ಉಳ್ಳ ಆಸೆರಗುಂಡ್ ದೇಮ ನನ್ನ ಬುಟ್ಟಿತ್ ಥೆಸಲೊನೀಕ ಪಟ್ಟಣಕ್ ಪೋಯಿರ್‌ತ್. ಕ್ರೆಸ್ಕ, ಗಲಾತ್ಯಕ್ ಪಿಂಞ ತೀತ, ದಲ್ಮಾತ್ಯಕ್ ಪೋಯಿರ್‌ತ್.