ಅಪೊಸ್ತಲ 16:36 - ಕೊಡವ ಬೈಬಲ್

³⁶ ಜೈಲ್‍ರ ಅದಿಕಾರಿ ಪೌಲಂಗ್ ಇನ್ನನೆ ಅರಿಚಿಟ್ಟತ್. ಅದಿಕಾರಿಯಂಗ ನಿಂಗಳ ಜೈಲಿಂಜ ಬುಡುಗಡೆ ಮಾಡಂಡೂಂದ್ ಆಜ್ಞೆ ಮಾಡಿತ್ ಸಿಪಾಯಿಯಳ ಅಯಿಚಿತುಂಡ್. ಆನಗುಂಡ್ ಇಕ್ಕ ನಿಂಗ ಸಮಾದಾನತ್‍ಲ್ ಪೊರಟ್ ಪೋಯೀಂದ್ ಎಣ್ಣ್‌ಚಿ.

ಅಪೊಸ್ತಲ 16:36 ပူးပေါင်းရင်းမြစ်များ

ಮಾರ್ಕ 5:34

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ. ನೀನ್ ಶಾಂತಿಲ್ ಪೋಯಿತ್, ಪೂರ್ತಿ ವಾಸಿಯಾಯಿತ್ ಕುಶೀಲ್ ಪೋಂದ್ ಯೇಸು ಎಣ್ಣ್‌ಚಿ.

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಅಪೊಸ್ತಲ 15:33

ಅಲ್ಲಿ ಚೆನ್ನ ಕಾಲ ಕಯಿಂಜ ಪಿಂಞ, ಅಯಿಂಗಳ ಅಯಿಚಯಿಂಗಡ ಪಕ್ಕ ಪೋಪಕಾಯಿತ್ ಅಲ್ಲಿಯತ್‍ರ ದೇವಡ ಮಕ್ಕಡಯಿಂಜ ಸಮಾದಾನತ್‍ಲ್ ಅಪ್ಪಣೆ ಎಡ್‍ತಂಡತ್.

ಅಪೊಸ್ತಲ 16:23

ಅಯಿಂಗಳ ದುಂಬ ಪೊಜ್ಜಿತಾನ ಪಿಂಞ ಜೈಲ್‌ಕ್ ಇಟ್ಟಿತ್, ಅಯಿಂಗಳ ಬದ್ರವಾಯಿತ್ ಕಾತಂಡಿರಂಡೂಂದ್ ಜೈಲ್‍ರ ಅದಿಕಾರಿಕ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 16:27

ಜೈಲ್‍ನ ಕಾತಂಡಿಂಜ ಸಿಪಾಯಿ ಎದ್ದಿತ್, ಜೈಲ್‍ರ ಪಡಿಯೆಲ್ಲ ತೊರ್‌ಂದಿತುಳ್ಳಾನ ಕಂಡಿತ್, ಕೈದಿಯ ತಪ್ಪಿಚಿಟ್ಟಂಡ್ ಪೋಯಿರ್‌ತ್‍ೕಂದ್ ಗೇನ ಮಾಡಿತ್, ಅಂವೊ ಕತ್ತಿನ ಎಡ್‍ತಿತ್ ತನ್ನ ತಾನೆ ಕೊಲ್ಲ್‌ವಕ್ ಇಂಜತ್.

ಅಪೊಸ್ತಲ 16:35

ಪಿತ್ಯಾಂದ್ ಪೊಲಾಕ ರೋಮ್ ರಾಜ್ಯತ್‍ರ ಅದಿಕಾರಿಯಂಗ, ಈ ಮನುಷ್ಯಂಗಳ ಬುಡ್‍ಗಡೆ ಮಾಡೀಂದ್ ಜೈಲ್‍ರ ಅದಿಕಾರಿಕ್ ಎಣ್ಣಿತ್ ಅಯಿಂಗಡ ಅದಿಕಾರಿಯಂಗಳ ಅಯಿಚತ್.