ಅಪೊಸ್ತಲ 16:31 - ಕೊಡವ ಬೈಬಲ್

³¹ ಅದ್ಂಗ್ ಅಯಿಂಗ: ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಿ, ಅಕ್ಕ ನೀಕು ನೀಡ ಮನೆಕಾರಂಗಕು ರಕ್ಷಣೆ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 16:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಯೋಹಾನ 1:12

ಆಚೇಂಗಿಯು, ದಾರೆಲ್ಲಾ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊನ ಸ್ವೀಕಾರ ಮಾಡ್‍ಚೋ ಅಯಿಂಗಕೆಲ್ಲ ದೇವಡ ಮಕ್ಕ ಆಪಕುಳ್ಳ ಹಕ್ಕ್‌ನ ಅಂವೊ ಕೊಡ್‍ತತ್.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 6:47

ನೇರಾಯಿತು, ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ನನ್ನ ನಂಬ್‌ವಯಿಂಗಕ್ ನಿತ್ಯ ಜೀವ ಉಂಡ್.

ಅಪೊಸ್ತಲ 15:11

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯಿಂಜ ನಂಗಕ್ ಎನ್ನನೆ ರಕ್ಷಣೆ ಕ್‍ಟ್ಟ್‌ಚೋ ಅನ್ನನೆ ಅಯಿಂಗಕು ರಕ್ಷಣೆ ಕ್‍ಟ್ಟ್‌ಚೀಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ಅಪೊಸ್ತಲ 16:32

ಪಿಂಞ ಅಯಿಂಗ ಅಂವೊಂಗು ಅಂವೊಂಡ ಮನೆಲ್ ಇಂಜಯಿಂಗಕು ಒಡೆಯಂಡ ವಾಕ್ಯತ್‍ನ ಬೋದನೆ ಮಾಡ್‍ಚಿ.

ಅಪೊಸ್ತಲ 18:8

ಸಬಾಮಂದಿರತ್‍ರ ಅದ್ಯಕ್ಷನಾಯಿತ್ಂಜ ಕ್ರಿಸ್ಪ ಎಣ್ಣ್‌ವಂವೊ ತಾಂಡ ಮನೆಕಾರಂಗ ಎಲ್ಲಾಡ ಕೂಡೆ ಒಕ್ಕಚೆ, ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್. ಕೊರಿಂಥ ಪಟ್ಟಣಕ್ ಕೂಡ್‍ನ ದುಂಬ ಜನಳು, ಕ್ರಿಸ್ತಂಡ ಸುದ್ದಿನ ಕ್‍ೕಟಿತ್, ನಂಬಿತ್, ದೀಕ್ಷಾಸ್ನಾನ ಎಡ್‍ತಂಡತ್.

ಅಪೊಸ್ತಲ 4:12

ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.

ಅಪೊಸ್ತಲ 8:36

ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ರೋಮ್ 11:16

ದೇವಕ್ ಅರ್ಪಿಚಿಡುವ ಬಲಿರ ಮುದ್ದೆಲ್, ಆದ್ಯ ಬಾಗ ಪವಿತ್ರವಾಯಿತ್ ಇಂಜತೇಂಗಿ, ಬಾಕಿ ಮುದ್ದೆ ಎಲ್ಲಾ ಪವಿತ್ರವಾಯಿತ್ ಇಪ್ಪ, ಮರತ್‍ರ ಬೇರ್ ಪವಿತ್ರವಾಯಿತ್ ಇಂಜತೇಂಗಿ ಅದ್ಂಡ ಕೊಂಬ್ ಸಹ ಪವಿತ್ರವಾಯಿತ್ ಇಪ್ಪ.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.