ಅಪೊಸ್ತಲ 16:3 - ಕೊಡವ ಬೈಬಲ್

³ ತಿಮೊಥೆಯನ ತಾಂಡಕೂಡೆ ಕಾಕಿಯಂಡ್ ಪೋಪಕ್ ಪೌಲ ಕುಶೀಲ್ ಇಂಜತ್. ಆಚೇಂಗಿ, ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೋಂದ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಕ್ ಗೊತ್ತ್ಂಜಗುಂಡ್, ಅಯಿಂಗಕಾಯಿತ್ ತಿಮೊಥೆಯಂಗ್ ಅಂವೊ ಸುನ್ನತಿ ಮಾಡ್‍ಚಿ.

ಅಪೊಸ್ತಲ 16:3 ပူးပေါင်းရင်းမြစ်များ

ಅಪೊಸ್ತಲ 15:20

ಅದ್ಂಡ ಬದ್‍ಲ್ ಅಯಿಂಗ ವಿಗ್ರಹಕ್ ಅರ್ಪಿಚಿಟ್ಟ ಅಶುದ್ದ ಆನ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ಅಯಿಂಗಕ್ ಕಾಗದತ್‍ನ ಒಳ್‍ದಿತ್ ಅಪ್ಪಣೆ ಕೊಡಕನ.

ಅಪೊಸ್ತಲ 15:37

ಅಕ್ಕ, ಮಾರ್ಕ ಎಣ್ಣುವ ಯೋಹಾನನ ಅಯಿಂಗಡ ಕೂಡೆ ಕಾಕಿಯಂಡ್ ಪೋಂಡೂಂದ್ ಬಾರ್ನಬ ಎಣ್ಣ್‌ಚಿ.

ಅಪೊಸ್ತಲ 15:40

ಆಚೇಂಗಿ ಪೌಲ, ಸೀಲನ ಆಯ್ಕೆ ಮಾಡಿಯಂಡ್ ಪೋಪಕ, ಅಲ್ಲಿಯತ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಒಡೆಯಂಡ ಕೃಪೆಕ್ ಅಯಿಂಗಳ ಒಪ್ಪ್‌ಚಿಟ್ಟಿತ್ ಅಯಿಚತ್.

1 ಕೊರಿಂಥ 7:19

ನೀಕ್ ಸುನ್ನತಿ ಆಯಿತ್ಂಜತೇಂಗಿಯು, ಸುನ್ನತಿ ಆಕತ ಇಂಜತೇಂಗಿಯು ಅದ್ ನಿಂಗಳ ದೇವಡ ಪಕ್ಕ ಬಲ್ಯಂಗಳಾಯಿತ್ ಕಾಟ್‌ಲೆ. ಅದ್ಂಡ ಬದ್‍ಲ್ ದೇವಡ ಆಜ್ಞೆರನೆಕೆ ಮಾಡ್‌ವದೇ ಮುಕ್ಯ.

1 ಕೊರಿಂಥ 9:20

ಯೆಹೂದ್ಯಂಗಳ ದೇವಕ್ ಸಂಪಾದನೆ ಮಾಡ್‌ವಕಾಯಿತ್, ಒರ್ ಯಹೂದ್ಯಂಡನೆಕೆಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳ, ದೇವಕ್ ಸಂಪಾದನೆ ಮಾಡ್‌ವಕಾಯಿತ್, ನ್ಯಾಯಪ್ರಮಾಣಕ್ ನಾನ್ ಗುಲಾಮನಾಯಿತ್ ಇಲ್ಲತೆ ಇಂಜತೇಂಗಿಯು, ಅದ್‍ನ ಮಾಡ್‌ವಂವೊನಾಯಿತ್ ನಾನ್ ಆನ.

ಗಲಾತ್ಯ 2:3

ನಾಡ ಕೂಡೆ ಇಂಜ ತೀತ, ಗ್ರೀಕ್ ದೇಶತ್‍ರ ಮನುಷ್ಯನಾಯಿತ್ಂಜತೇಂಗಿಯು ಅಂವೊಂಗ್ ಸುನ್ನತಿ ಮಾಡಂಡೂಂದ್ ಅಯಿಂಗ ಒತ್ತಾಯ ಮಾಡಿತ್ತ್‌ಲ್ಲೆ.

ಗಲಾತ್ಯ 2:8

ಪೇತ್ರಂಡ ಸೇವೇಲ್ ಎನ್ನನೆ ಯೆಹೂದ್ಯಂಗಡ ಅಪೊಸ್ತಲನಾಯಿತ್ ದೇವಡ ಶಕ್ತಿ ಅಂವೊಂಡ ಮೂಲಕ ಕ್ರಿಯೆ ಮಾಡಿಯಂಡುಂಡೋ, ಅನ್ನನೆ ನಾಡ ಸೇವೇಲ್ ಯೆಹೂದ್ಯ ಅಲ್ಲತಯಿಂಗಡ ಅಪೊಸ್ತಲನಾಯಿತ್ ಅಯಿಂಗಡ ಮದ್ಯತ್‍ಲ್ ಕ್ರಿಯೆ ಮಾಡಿಯಂಡುಂಡ್.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಫಿಲಿಪ್ಪಿ 2:22

ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.