ಅಪೊಸ್ತಲ 16:27 - ಕೊಡವ ಬೈಬಲ್

²⁷ ಜೈಲ್‍ನ ಕಾತಂಡಿಂಜ ಸಿಪಾಯಿ ಎದ್ದಿತ್, ಜೈಲ್‍ರ ಪಡಿಯೆಲ್ಲ ತೊರ್‌ಂದಿತುಳ್ಳಾನ ಕಂಡಿತ್, ಕೈದಿಯ ತಪ್ಪಿಚಿಟ್ಟಂಡ್ ಪೋಯಿರ್‌ತ್‍ೕಂದ್ ಗೇನ ಮಾಡಿತ್, ಅಂವೊ ಕತ್ತಿನ ಎಡ್‍ತಿತ್ ತನ್ನ ತಾನೆ ಕೊಲ್ಲ್‌ವಕ್ ಇಂಜತ್.

ಅಪೊಸ್ತಲ 16:27 ပူးပေါင်းရင်းမြစ်များ

ಮತ್ತಾಯ 27:5

ಅಕ್ಕ ಯೂದ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಆ ದೇವಾಲಯತ್‍ಲ್ ಚಾಡಿರುವಂಜಿ ತೂಂಗಿಯಂಡ್ ಚತ್ತತ್.

ಅಪೊಸ್ತಲ 12:19

ಹೆರೋದ ಪೇತ್ರನ ತ್‍ೕಡ್‌ವಕ್ ಅಯಿಂಗಕ್ ಆಜ್ಞೆ ಮಾಡ್‍ಚಿ. ಅಯಿಂಗಕ್ ಅಂವೊನ ಕಂಡ್‌ಪುಡಿಪಕ್ ಕಯ್ಯತೆ ಆಚಿ. ಅಕ್ಕ ಹೆರೋದ ಕಾಪಯಿಂಗಳ ವಿಚಾರಣೆ ಮಾಡಿತ್ ಅಯಿಂಗಳ ಕೊಲ್ಲ್‌ವಕ್ ಆಜ್ಞೆ ಮಾಡ್‍ಚಿ. ಬಯ್ಯ, ಹೆರೋದ ಯೂದಾಯ ಪ್ರಾಂತ್ಯತ್‍ನ ಬುಟ್ಟಿತ್ ಕೈಸರೈ ಪಟ್ಟಣಕ್ ಪೋಯಿತ್ ಅಲ್ಲಿ ವಾಸಯಿಂಜತ್.

ಅಪೊಸ್ತಲ 16:28

ಆಚೇಂಗಿ ಪೌಲ: ನೀಡ ಪ್ರಾಣಕ್ ಒಂದು ಮಾಡಿಯತೆ, ನಂಗೆಲ್ಲಾರು ಇಲ್ಲೇ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 16:36

ಜೈಲ್‍ರ ಅದಿಕಾರಿ ಪೌಲಂಗ್ ಇನ್ನನೆ ಅರಿಚಿಟ್ಟತ್. ಅದಿಕಾರಿಯಂಗ ನಿಂಗಳ ಜೈಲಿಂಜ ಬುಡುಗಡೆ ಮಾಡಂಡೂಂದ್ ಆಜ್ಞೆ ಮಾಡಿತ್ ಸಿಪಾಯಿಯಳ ಅಯಿಚಿತುಂಡ್. ಆನಗುಂಡ್ ಇಕ್ಕ ನಿಂಗ ಸಮಾದಾನತ್‍ಲ್ ಪೊರಟ್ ಪೋಯೀಂದ್ ಎಣ್ಣ್‌ಚಿ.