ಅಪೊಸ್ತಲ 16:26 - ಕೊಡವ ಬೈಬಲ್

²⁶ ಅಕ್ಕಣೆಕ್, ಬಲ್ಯದಾಯಿತ್ ನೆಲಗ್‌ಡ್‍ಗಿತ್, ಜೈಲ್‍ರ ಅಡಿಪಾಯ ಅಲ್ಲಾಡಿ ಪೋಚಿ. ಒಡನೆ ಎಲ್ಲಾ ಪಡಿಯು ತಾನಾಯಿತೇ ತೊರ್ಂದತ್. ಅಲ್ಲಿಂಜ ಎಲ್ಲಾ ಕೈದಿಯಡ ಕೆಟ್ಟ್ ಉತ್ತಿತ್ ಬುದ್ದತ್.

ಅಪೊಸ್ತಲ 16:26 ပူးပေါင်းရင်းမြစ်များ

ಮತ್ತಾಯ 28:2

ಅಕ್ಕ ಅಲ್ಲಿ ಬಲ್ಯ ಬೂಕಂಪ ಆಯಿತ್, ಒಡೆಯಂಡ ದೂತ ಪರಲೋಕತ್ಂಜ ಬಂತ್ ಆ ಬಲ್ಯ ಬಂಡೆ ಕಲ್ಲ್‌ನ ಆಬರಿಕ್ ಉರ್‍ಟಿತ್ ಆಂಡ ಮೇಲೆ ಅಳ್‌ತತ್.

ಅಪೊಸ್ತಲ 12:10

ಅಯಿಂಗ ಮೊದಲನೆ ಪಿಂಞ ದಂಡನೆ ಕಾಪಯಿಂಗಳ ದಾಟಿತ್, ಪಟ್ಟಣಕ್ ಪೋಪ ಇರ್‍ಂಬ್ ಪಡಿರ ಪಕ್ಕ ಬಪ್ಪಕ, ಅದಾಯಿತೇ ಅಯಿಂಗಕ್ ತೊರ್ಂದತ್. ಅಯಿಂಗ ಪೊರಮೆ ಬಂತ್ ಒರ್ ಬೀದಿನ ನೇರೆ ದಾಟ್‍ಚಿ. ಒಮ್ಮಕೆ, ಆ ದೂತ ಅಂವೊನ ಬುಟ್ಟಿತ್ ಪೋಚಿ.

ಅಪೊಸ್ತಲ 12:7

ಒಮ್ಮಕೆ, ಒಡೆಯಂಡ ದೂತ ಪೇತ್ರಂಡ ಪಕ್ಕ ನಿಂದತ್. ಅಂವೊ ಇಂಜ ಕೋಂಬರೆಲ್ ಬೊಳಿ ಮಿನ್ನ್‌ಚಿ. ದೂತ, ಪೇತ್ರಂಡ ನಿಪ್ಪ್‌ನ ತಟ್ಟಿತ್ ಎಪ್ಪಿತ್: ಬೆರಿಯ ಏಳ್‍ೕಂದ್ ಎಣ್ಣ್‌ಚಿ. ಒಡನೆ ಅಂವೊಂಡ ಕೈಕ್ ಕೆಟ್ಟಿತ್ಂಜ ಸರ್ಪಣಿ ಅಡಿಕ್‌ ಬುದ್ದತ್.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 5:19

ಆಚೇಂಗಿ ಒಡೆಯಂಡ ದೂತ, ಬಯಿಟ್ ಸೆರೆಮನೇರ ಪಡಿನ ತೊರಂದಿತ್ ಅಯಿಂಗಳ ಪೊರಮೆ ಕಾಕಿಯಂಡ್ ಬಾತ್.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 6:12

ಅಂವೊ ಆರನೆ ಮುದ್ರೆನ ಪೊಳಿಪದ್‍ನ ನೋಟಿಯೆ; ಇದಾ, ಬೂಮಿ ಬಲ್ಯದಾಯಿತ್ ಗ್‍ಡ್‍ಗ್‍ಚಿ, ಸೂರ್ಯ ಒರ್ ಕರ್ತ ಗೋಣಿಚೇಲೆರನೆಕೆ ಕರ್ತಿತ್ ಪೋಚಿ, ಚಂದ್ರ ಚೋರೆರನೆಕೆ ಆಯಿಪೋಚಿ.