ಅಪೊಸ್ತಲ 16:22 - ಕೊಡವ ಬೈಬಲ್

²² ಅಕ್ಕ ದುಂಬ ಜನ ಒಕ್ಕಚೆ ಕೂಡಿತ್ ಅಯಿಂಗಕ್ ವಿರೋದವಾಯಿತ್ ಎದ್ದತ್. ಅಕ್ಕ ಬಲ್ಯ ಅದಿಕಾರಿಯ ಈಂಗಡ ಬಟ್ಟೇನ ಕೀತ್‍ವಂಜಿ, ಕೋಲ್‍ಲ್ ಪೊಯ್ಯಂಡೂಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 16:22 ပူးပေါင်းရင်းမြစ်များ

ಮತ್ತಾಯ 10:17

ಇದ್‍ಲ್ಲತೆ ಜನಡ ಕೂಡೆ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್, ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚಿಟ್ಟಿತ್ ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ.

ಮತ್ತಾಯ 27:26

ಅಕ್ಕ ಅಂವೊ ಬರಬ್ಬನ ಅಯಿಂಗಕ್ ಬುಟ್ಟ್ ಕೊಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಕ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಅಪೊಸ್ತಲ 16:37

ಅದ್ಂಗ್ ಪೌಲ: ರೋಮ್ ರಾಜ್ಯತ್‍ರ ಪ್ರಜೆಯಳಾನ ನಂಗಳ, ಏದ್ ವಿಚಾರಣೆಯು ಮಾಡತೆ, ಎಲ್ಲಾಡ ಮಿಂಞತ್‍ಲ್ ಪೊಜ್ಜಿತ್, ಜೈಲ್‌ಕ್ ಇಟ್ಟತ್. ಇಕ್ಕ ಗುಟ್ಟಾಯಿತ್ ನಂಗಳ ಪೊರಮೆ ಅಯಿಪದಾ? ಅನ್ನನೆ ಆಪಕ್ಕಾಗ; ಅಯಿಂಗಳೇ ಬಂತ್ ನಂಗಳ ಪೊರಮೆ ಕಾಕಿಯಂಡ್ ಪೋಯಿತ್ ಅಯಿಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 18:12

ಗಲ್ಲಿಯೋನ ಎಣ್ಣ್‌ವಂವೊ ಅಖಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತಿಪ್ಪಕ, ಯೆಹೂದ್ಯಂಗ ಒಕ್ಕಚೆ ಪೌಲಂಗ್ ವಿರೋದವಾಯಿತ್ ಎದ್ದಿತ್, ಗಲ್ಲಿಯೋನಂಡ ನ್ಯಾಯಸ್ತಾನತ್‍ರ ಮಿಂಞಕ್ ಪೌಲನ ಕೊಂಡ್ ಬಾತ್.

ಅಪೊಸ್ತಲ 5:40

ಅಕ್ಕ, ಅಯಿಂಗ ಅಂವೊಂಡ ತಕ್ಕ್‌ಕ್ ಒತ್ತಿತ್, ಅಪೊಸ್ತಲಂಗಳ ಒಳ್‍ಕ್ ಕಾಕಿತ್, ಚಾಟಿಲ್ ಪೊಯ್ಯುವಂಜಿ, ಯೇಸುರ ಪೆದತ್‍ಲ್ ತಕ್ಕ್ ಪರಿಯುವಕ್ಕಾಗಾಂದ್ ಆಜ್ಞೆ ಕೊಡ್‌ತಿತ್ ಅಯಿಂಗಳ ಬುಟ್ಟತ್.

2 ಕೊರಿಂಥ 6:5

ನಂಗಳ ಜನ ಪೊಜ್ಜಿತುಂಡ್, ಜೈಲ್‍ಲ್ ಇಟ್ಟಿತುಂಡ್, ಕಲಹ ಮಾಡ್‌ವ ಗುಂಪ್‌ಲ್ ನಂಗಳ ಚಿಕ್ಕಿಚಿಟ್ಟಿತುಂಡ್, ಕಷ್ಟವಾಯಿತುಳ್ಳ ಕೆಲಸತ್‍ನ ಮಾಡಿತುಂಡ್, ಬಯಿಟ್ ವರಿಯಕ್ ಕಯ್ಯತೆ ಇಂಜಿತುಂಡ್, ಕೆಲ ಪಯಿಚಿತ್ ಇಂಜಿತುಂಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

ಇಬ್ರಿಯ 11:36

ಬೋರೆ ಚೆನ್ನ ಜನ, ಅವಮಾನ ಪಟ್ಟಂಡ್, ಜನಡ ಕೈಯಿಂಜ ಪೊಯಿತ್ ಕ್‌ಟ್ಟಿಯಂಡ್, ಸರ್ಪಣಿಲ್ ಕೈದಿಯಾಯಿತ್ ಇಂಜಂಡ್ ಜೈಲ್‌ಕ್ ಪೋಚಿ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.