ಅಪೊಸ್ತಲ 16:19 - ಕೊಡವ ಬೈಬಲ್

¹⁹ ಅವಡ ಎಜಮಾನಂಗ್ ಅವಡಗುಂಡ್ ಇಂಞು ಮಿಂಞಕ್ ಆದಾಯ ಒಂದು ಕ್‍ಟ್ಟ್‌ಲೇಂದ್ ಗೊತ್ತಾನ ಪಿಂಞ, ಅಂವೊ ಪೌಲ ಪಿಂಞ ಸೀಲನ ಪುಡ್‌ಚಿತ್, ಚತ್ತೆಲ್ ಎಲ್ಲಾಡ ಮಿಂಞತ್ ಅದಿಕಾರಿಯಂಗಡ ಪಕ್ಕ ಬಲ್‍ಚಂಡ್ ಪೋಚಿ.

ಅಪೊಸ್ತಲ 16:19 ပူးပေါင်းရင်းမြစ်များ

ಮತ್ತಾಯ 24:9

ಅಕ್ಕ ನಿಂಗಳ ಹಿಂಸೆ ಮಾಡ್‌ವಕಾಯಿತ್ ಒಪ್ಪ್‌ಚಿಟ್ಟಿತ್, ನಿಂಗಳ ಕೊಲ್ಲ್‌ಚಿಡುವ. ನಾಡ ಪೆದತ್‍ನಗುಂಡ್ ಎಲ್ಲಾ ದೇಶತ್‍ರ ಜನ ನಿಂಗಳ ದ್ವೇಶ ಮಾಡ್‌ವ.

ಮಾರ್ಕ 13:9

ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್ ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚ್ಚಿಟಿತ್, ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ, ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಮಿಂಞತ್‍ಲ್ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡುವ.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:5

ಯೆಹೂದ್ಯರಲ್ಲತ ಬೋರೆ ಜನಳು, ಯೆಹೂದ್ಯಂಗಳು ತಂಗಡ ಅದಿಕಾರಿಯಂಗಡ ಕೂಡೆ ಕೂಡಿತ್ ಅಪೊಸ್ತಲಂಗಳ ಅವಮಾನಪಡುತಿತ್, ಕೊಲ್ಲಂಡೂಂದ್ ಕಲ್ಲ್ ಕನಿಪಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:26

ನಂಗಡ ಕಡೇಯಿಂಜ ಚೆನ್ನ ಜನತ್‍ನ ಗೊತ್ತ್ ಮಾಡಿತ್ ಅಯಿಪಕ್ ತೀರ್ಮಾನ ಎಡ್‍ತತ್.

ಅಪೊಸ್ತಲ 15:40

ಆಚೇಂಗಿ ಪೌಲ, ಸೀಲನ ಆಯ್ಕೆ ಮಾಡಿಯಂಡ್ ಪೋಪಕ, ಅಲ್ಲಿಯತ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಒಡೆಯಂಡ ಕೃಪೆಕ್ ಅಯಿಂಗಳ ಒಪ್ಪ್‌ಚಿಟ್ಟಿತ್ ಅಯಿಚತ್.

ಅಪೊಸ್ತಲ 16:16

ಒರ್ ಕುರಿ, ನಂಗ ಪ್ರಾರ್ಥನೆ ಮಾಡ್‌ವ ಆ ಜಾಗಕ್ ಪೋಯಂಡಿಪ್ಪಕ, ಕೂಳಿ ಪುಡ್‍ಚಿತ್ಂಜ ಒರ್ ಆಳ್ ಮೂಡಿ ನಂಗಡ ಮಿಂಞತ್ ಬಾತ್. ಅವ ಮಿಂಞಕ್ ಆಪಕುಳ್ಳ ವಿಷಯತ್‍ನ ಎಣ್ಣ್‌ವಗುಂಡ್, ಅದ್ಂಡ ಮೂಲಕ, ಅವಡ ಎಜಮಾನಂಗ್ ದುಂಬ ಆದಾಯ ಮಾಡಿ ಕೊಡ್‍ತಂಡಿಂಜತ್.

ಅಪೊಸ್ತಲ 16:20

ಅಯಿಂಗಳ ಅದಿಕಾರಿಯಂಗಡ ಮಿಂಞಕ್ ಕೊಂಡ್ ಪೋಯಿತ್, ಅದಿಕಾರಿಯಳ ನೋಟಿತ್: ಯೆಹೂದ್ಯಂಗಳಾನ ಈ ಮನುಷ್ಯಂಗ ನಂಗಡ ಪಟ್ಟಣತ್‍ನ ದುಂಬ ಗಲಿಬಿಲಿ ಮಾಡಿಯಂಡ್ ಉಂಡ್,

ಅಪೊಸ್ತಲ 16:25

ನಡ್‍ಪಾದ್ರೆಲ್, ಪೌಲ ಪಿಂಞ ಸೀಲ, ಪ್ರಾರ್ಥನೆ ಮಾಡಿಯಂಡ್, ಪಾಟ್ ಪಾಡಿತ್ ದೇವನ ತುದಿಚಂಡಿಂಜತ್; ಜೈಲ್‍ಯಿಂಜ ಬೋರೆ ಕೈದಿಯಳು ಅದ್‍ನ ಕ್‍ೕಟಂಡ್ ಇಂಜತ್.

ಅಪೊಸ್ತಲ 16:29

ಅಕ್ಕ ಅಂವೊ ಬೊಳ್‌ಚತ್‍ನ ಎಡ್‌ತ ಬಪ್ಪಕ್ ಎಣ್ಣಿತ್, ಒಳ್‍ಕ್ ಓಡಿ ಬಂದಿತ್ ನಡ್‍ಗಿಯಂಡ್ ಪೌಲ ಪಿಂಞ ಸೀಲಂಡ ಮಿಂಞತ್ ಅಡ್ಡ ಬುದ್ದತ್.

ಅಪೊಸ್ತಲ 17:6

ಅಲ್ಲಿ ಪೌಲ ಪಿಂಞ ಸೀಲನ ಕಾಂಗತಗುಂಡ್, ಆ ಜನ ಯಾಸೋನ ಪಿಂಞ ಅಲ್ಲಿ ಇಂಜ ಚೆನ್ನ ದೇವಡ ಮಕ್ಕಳ ಪಟ್ಟಣತ್‍ರ ಅದಿಕಾರಿಯಂಗಡ ಪಕ್ಕ ಬಲ್‍ಚಂಡ್ ಪೋಯಿತ್: ಲೋಕತ್‍ನ ಗಲಿಬಿಲಿ ಮಾಡ್‌ವಯಿಂಗ ಇಲ್ಲಿಕೂ ಬಂದಿತುಂಡ್,

ಅಪೊಸ್ತಲ 21:30

ಅಕ್ಕ ಪಟ್ಟಣತ್‍ಲ್ ಬಲ್ಯ ಗಲಾಟೆ ಆಚೀಂದ್ ಪಟ್ಟಣತ್‍ಲ್ ಇಂಜ ಜನಕೆಲ್ಲ ಗೊತ್ತಾಯಿತ್ ಓಡಿ ಬಂತ್ ಕೂಡ್‍ಚಿ. ಪಿಂಞ ಪೌಲನ ಪುಡ್‌ಚಿತ್ ದೇವಾಲಯತ್‍ರ ಪೊರಮೆ ಬಲ್‍ಚಂಡ್ ಬಾತ್. ಅಕ್ಕಣೆಕ್ ದೇವಾಲಯತ್‍ರ ಪಡಿನ ಅಯಿಂಗ ಮುಚ್ಚಿರ್‌ತ್.

ಅಪೊಸ್ತಲ 8:3

ಇದ್‍ಲ್ಲತೆ ಸೌಲ, ಮನೆಮನೆಕ್ ಪೋಯಿತ್, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಆಣಾಳ್ ಪಿಂಞ ಪೊಣ್ಣಾಳ್‍ನ ಅಯಿಂಗಡ ಮನೇಯಿಂಜ ಪೊರಮೆ ಬಲ್‍ಚಿತ್, ಸೆರೆಮನೆಕ್ ಒಪ್ಪ್‌ಚಿಟ್ಟತ್. ಇನ್ನನೆ ಅಂವೊ ದೇವಡ ಸಬೇನ ಪಾಳ್ ಮಾಡಿಯಂಡಿಂಜತ್.

ಅಪೊಸ್ತಲ 9:16

ಅಂವೊ ನಾಡ ಪೆದತ್‍ರಗುಂಡ್ ಎಚ್ಚಕ್ ಹಿಂಸೆ ಅನುಬವಿಚಿಡಂಡೂಂದ್ ನಾನ್ ಅಂವೊಂಗ್ ಕಾಟಿ ಕೊಡ್‌ಪೀಂದ್ ಎಣ್ಣ್‌ಚಿ.

2 ಕೊರಿಂಥ 6:5

ನಂಗಳ ಜನ ಪೊಜ್ಜಿತುಂಡ್, ಜೈಲ್‍ಲ್ ಇಟ್ಟಿತುಂಡ್, ಕಲಹ ಮಾಡ್‌ವ ಗುಂಪ್‌ಲ್ ನಂಗಳ ಚಿಕ್ಕಿಚಿಟ್ಟಿತುಂಡ್, ಕಷ್ಟವಾಯಿತುಳ್ಳ ಕೆಲಸತ್‍ನ ಮಾಡಿತುಂಡ್, ಬಯಿಟ್ ವರಿಯಕ್ ಕಯ್ಯತೆ ಇಂಜಿತುಂಡ್, ಕೆಲ ಪಯಿಚಿತ್ ಇಂಜಿತುಂಡ್.

ಫಿಲಿಪ್ಪಿ 1:30

ಈ ಪೋರಾಟತ್‍ಲ್ ನಂಗೆಲ್ಲಾರು ಕೂಡೆ ಉಂಡ್. ನಾಕ್ ಇಂಜ ಪೋರಾಟತ್‍ನ ನಿಂಗ ಕಂಡಿತುಳ್ಳಿರ, ಇಕ್ಕಲು ನಾನ್ ಅದ್ಂಡ ಮದ್ಯತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

1 ತಿಮೊಥೆಯ 6:10

ದುಡ್ಡ್‌ರ ಮೇಲೆ ಉಳ್ಳ ಪ್ರೀತಿ ಎಲ್ಲಾ ತರ ಕ್‍ೕಡ್‍ಕ್ ಮೂಲ ಕಾರಣವಾಯಿತುಂಡ್. ಚೆನ್ನ ಜನ ದುಡ್ಡ್‌ರ ಮೇಲೆ ಉಳ್ಳ ಅತಿ ಆಸೆರಗುಂಡ್ ದೇವಡ ಮೇಲೆ ಉಳ್ಳ ನಂಬಿಕೇನ ಬುಟ್ಟಿತ್, ದುಂಬ ನೊಂಬಲತ್‍ಲ್ ಅಯಿಂಗಳ, ಅಯಿಂಗಳೇ ಕುತ್ತಿಯಂಡುಂಡ್.

ಯಾಕೋಬ 2:6

ಆಚೇಂಗಿ ನಿಂಗ ಬಡವಯಿಂಗಳ ಅಲ್ಲಗೆಳದಿತುಳ್ಳಿರ. ಐಶ್ವರ್ಯವಂತಯಿಂಗತಾನೆ ನಿಂಗಳ ಮೋಸ ಮಾಡ್‌ವಯಿಂಗ? ಅಯಿಂಗತಾನೆ ನಿಂಗಳ ನ್ಯಾಯ ತೀರ್ಪ್‌ರ ಜಾಗಕ್ ಬಲ್‍ಚಂಡ್ ಪೋಪ?