ಅಪೊಸ್ತಲ 16:15 - ಕೊಡವ ಬೈಬಲ್

¹⁵ ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ಅಪೊಸ್ತಲ 16:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:3

ಆಚೇಂಗಿ ಲೋಟ ಅಯಿಂಗಳ ದುಂಬ ಒತ್ತಾಯ ಮಾಡ್‌ಚಿ. ಅದ್‌ಂಗ್‌ ಅಯಿಂಗ ಅಂವೊಂಡ ಕೂಡೆ ಅಂವೊಂಡ ಮನೆಕ್‌ ಪೋಚಿ. ಅಂವೊ ಪುಳಿಯಿಲ್ಲತ ಒಟ್ಟಿನ ಕೂಡ ಗದ್ದಾಳ ತಯಾರ್‌ ಮಾಡಿತ್‌ ಅಯಿಂಗಕ್‌ ಕೊಡ್‌ತತ್. ಅಯಿಂಗ ಅದನ ಉಂಡತ್.

ಆದ್ಯತ್‌ರ ಪುಸ್ತಕ 33:11

ದಯಬೆಚ್ಚಿತ್‌ ನಾಡ ಇನಾಮ್‌ನ ಸ್ವೀಕಾರ ಮಾಡ್. ನಾಡ ಮೇಲೆ ದೇವ ದುಂಬ ಕನಿಕರ ಬೆಚ್ಚನಗುಂಡ್‌ ನಾಕ್‍ ಬೋಂಡಿಯದೆಲ್ಲ ಉಂಡ್‍ೕಂದ್‌ ಎಣ್ಣ್‌ಚಿ. ಯಾಕೋಬ ದುಂಬ ಒತ್ತಾಯ ಮಾಡ್‌ನಂಗ್, ಏಸಾವ ಸ್ವೀಕಾರ ಮಾಡ್‌ಚಿ.

ಮತ್ತಾಯ 10:41

ನಿಂಗ, ಒರ್ ಪ್ರವಾದಿನ, ಅಂವೊ ದೇವಡ ಪ್ರವಾದೀಂದ್ ಗೊತ್ತಾನಗುಂಡ್ ಸತ್ಕಾರ ಮಾಡ್‍ನಕ, ಒರ್ ಪ್ರವಾದಿಕ್ ಕ್‍ಟ್ಟ್‌ವ ಅದೇ ಫಲ ನಿಂಗಕು ಕ್‍ಟ್ಟ್‌ವ. ಅನ್ನನೆ, ಒರ್ ಮನುಷ್ಯ ನೀತಿವಂತಂವೋಂದ್ ಗೊತ್ತಾನಗುಂಡ್ ಅಂವೊನ ಸತ್ಕಾರ ಮಾಡ್‍ಚೇಂಗಿ, ಆ ನೀತಿವಂತ ಮನುಷ್ಯಂಗ್ ಕ್‍ಟ್ಟ್‌ವ ಅದೇ ಫಲ ನಿಂಗಕು ಕ್‍ಟ್ಟ್‌ವ.

ಮತ್ತಾಯ 3:6

ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ದೀಕ್ಷಾಸ್ನಾನ ತಪ್ಪ ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:23

ಅದ್ಂಗ್ ಎಜಮಾನ: ನೀನ್ ಊರ್‌ರ ಬೇಲಿರ ಪೊರಮೆಯು, ಬೋರೆ ಬೋರೆ ಬಟ್ಟೇಕು, ಬೇಲ್‍ಕು ಪೋಯಿತ್ ಕಂಡಿತವಾಯಿತ್ ಬಪ್ಪಕ್ ಎಣ್ಣ್, ಅಕ್ಕ ನಾಡ ಮನೆ ದುಂಬಿರುವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:29

ಅಯಿಂಗ ಯೇಸುಕ್, ಬಯಿಟ್ ಆಯಂಡ್ ಬಂದ್‌ರ್‌ತ್, ಸೂರ್ಯ ಮುಳಿವ ನೇರ ಆಚಿ, ನೀನ್ ನಂಗಡ ಕೂಡೆ ಒಳಿಂಜಿತ್ ಪೋಂದ್ ಬೋಡ್‍ಚಿ. ಯೇಸು ಅಯಿಂಗಡ ಕೂಡೆ ಇಪ್ಪಕ್ ಒಳ್‍ಕ್ ಪೋಚಿ.

ಅಪೊಸ್ತಲ 11:14

ನೀಕು, ನಿಂಗಡ ಮನೆಕಾರಕು ರಕ್ಷಣೆ ಕ್‍ಟ್ಟ್‌ವಕ್ ಎಂತ ಮಾಡಂಡೂಂದ್ ಅಂವೊ ಎಣ್ಣುವಾಂದ್ ಆ ದೇವದೂತ ಎಣ್ಣ್‌ಚೀಂದು ಅಂವೊ ನಂಗಕ್ ಎಣ್ಣ್‌ಚಿ.

ಅಪೊಸ್ತಲ 16:31

ಅದ್ಂಗ್ ಅಯಿಂಗ: ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಿ, ಅಕ್ಕ ನೀಕು ನೀಡ ಮನೆಕಾರಂಗಕು ರಕ್ಷಣೆ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 16:33

ಅದಲ್ಲತೆ, ಆ ಬಯಿಟ್ ನೇರತ್‍ಲೇ, ಅಂವೊ ಅಯಿಂಗಳ ಕಾಕಿಯಂಡ್ ಪೋಯಿತ್ ಅಯಿಂಗಡ ಗಾಯತ್‍ನ ಕತ್ತ್‌ಚಿ. ಪಿಂಞ ಅಂವೊನು ಅಂವೊಂಡ ಮನೆಲ್ ಇಂಜಯಿಂಗಳು ಅಕ್ಕಣೆ ದೀಕ್ಷಾಸ್ನಾನ ಎಡ್‍ತಂಡತ್

ಅಪೊಸ್ತಲ 16:34

ಅದ್ ಆನ ಪಿಂಞ ಅಯಿಂಗಳ ತಾಂಡ ಮನೆಕ್ ಕಾಕಿಯಂಡ್ ಪೋಯಿತ್ ಉಂಬ್‌ಚಿಟ್ಟತ್. ಅನ್ನನೆ ಅಂವೊ ತಾಂಡ ಮನೆಲ್ ಉಳ್ಳಯಿಂಗಡ ಕೂಡೆ ದೇವಡ ಮೇಲೆ ನಂಬಿಕೆ ಇಟ್ಟಗುಂಡ್ ಕುಶೀಲ್ ಇಂಜತ್.

ಅಪೊಸ್ತಲ 18:8

ಸಬಾಮಂದಿರತ್‍ರ ಅದ್ಯಕ್ಷನಾಯಿತ್ಂಜ ಕ್ರಿಸ್ಪ ಎಣ್ಣ್‌ವಂವೊ ತಾಂಡ ಮನೆಕಾರಂಗ ಎಲ್ಲಾಡ ಕೂಡೆ ಒಕ್ಕಚೆ, ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್. ಕೊರಿಂಥ ಪಟ್ಟಣಕ್ ಕೂಡ್‍ನ ದುಂಬ ಜನಳು, ಕ್ರಿಸ್ತಂಡ ಸುದ್ದಿನ ಕ್‍ೕಟಿತ್, ನಂಬಿತ್, ದೀಕ್ಷಾಸ್ನಾನ ಎಡ್‍ತಂಡತ್.

ಅಪೊಸ್ತಲ 8:12

ಆಚೇಂಗಿ ಇಕ್ಕ, ಫಿಲಿಪ್ಪ ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪಿಂಞ ಯೇಸು ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‌ವಾನ ಆ ಪಟ್ಟಣತ್‍ರ ಜನ ಕ್‍ೕಪಕ, ಅಯಿಂಗ ಅದ್‍ನ ನಂಬಿತ್, ಆಣಾಳ್ ಪಿಂಞ ಪೊಣ್ಣಾಳುವ ದೀಕ್ಷಾಸ್ನಾನ ಎಡ್‍ತತ್.

ಅಪೊಸ್ತಲ 8:38

ಅಂವೊ ರಥತ್‍ನ ನಿಪ್ಪ್‌ಚಿಡುವಕ್ ಎಣ್ಣಿತ್, ಪಿಂಞ ದಂಡಾಳು ನೀರ್‌ಕ್ ಇಳ್ಂಜಿತ್. ಫಿಲಿಪ್ಪ ಅಂವೊಂಗ್ ದೀಕ್ಷಾಸ್ನಾನ ಕೊಡ್‍ತತ್.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.

2 ಕೊರಿಂಥ 5:14

ಕ್ರಿಸ್ತಂಡ ಪ್ರೀತಿ ನಂಗಳ ಒತ್ತಾಯ ಮಾಡಿಯಂಡುಂಡ್; ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾರ್‍ಕಾಯಿತ್ ಒಬ್ಬನೇ ಚತ್ತ್ ಪೋಚೀಂದ್ ನಂಬಿಯಂಡುಂಡ್. ಅನ್ನನೆ ಎಲ್ಲಾರು ಚತ್ತ್ ಪೋಚಿ.

ಗಲಾತ್ಯ 6:10

ಅನ್ನನೆ ನಂಗಕ್ ಅವಕಾಶ ಕ್‍ಟ್ಟ್‌ನನೆಕೆ, ಎಕ್ಕಾಲು ನಲ್ಲದ್ ಮಾಡಂಡು. ಮುಕ್ಯವಾಯಿತ್ ಕ್ರಿಸ್ತನ ನಂಬ್‍ನ ದೇವಡ ಕುಟುಂಬಕ್ ಕೂಡ್‍ನಯಿಂಗಕ್ ಸಹಾಯ ಮಾಡಂಡು.

ಎಫೆಸ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ, ಎಫೆಸ ಪಟ್ಟಣತ್‍ಲ್, ಯೇಸು ಕ್ರಿಸ್ತಂಡಲ್ಲಿ ನಂಬಿಕೆ ಇಟ್ಟಿತುಳ್ಳ ದೇವಡ ಮಕ್ಕಕ್ ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲೆಮೋನ 1:17

ಆನಗುಂಡ್, ನೀನ್ ನನ್ನ ನೀಡಲ್ಲಿ ಐಕ್ಯ ಉಳ್ಳಂವೊನಾಯಿತ್ ಗೇನಮಾಡಿತುಂಡೇಂಗಿ, ನಾನ್ ನೀಡ ಪಕ್ಕ ಬಪ್ಪಕ ನನ್ನ ನೀನ್ ಎನ್ನನೆ ಸ್ವೀಕಾರ ಮಾಡ್‌ವಿಯೋ ಅನ್ನನೆ ಅಂವೊನ ಸಹ ಸ್ವೀಕಾರ ಮಾಡ್.

ಇಬ್ರಿಯ 13:2

ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.

2 ಯೋಹಾನ 1:10

ಈ ಉಪದೇಶಕ್ ಒತ್ತತೆ ನಿಂಗಡ ಪಕ್ಕ ದಾರಾಚೇಂಗಿ ಬಂದಕ, ಅಯಿಂಗಳ ನಿಂಗಡ ಮನೆರ ಒಳ್‍ಕ್ ಕೂಟ್‌ವಕ್ಕಾಗ; ಅಯಿಂಗಳ ಸತ್ಕಾರ ಸಹ ಮಾಡ್‌ವಕ್ಕಾಗ.

3 ಯೋಹಾನ 1:5

ನಾಡ ಪ್ರೀತಿರ ಕೂಟ್‌ಕಾರನೇ, ನೀನ್ ಯೇಸುನ ನಂಬ್‍ನಯಿಂಗಳ ಸತ್ಕಾರ ಮಾಡಿತ್ ಅಯಿಂಗಕ್ ನಂಬಿಕಸ್ತನಾಯಿತ್ ಸೇವೆ ಮಾಡ್‌ವಿಯ. ಅಯಿಂಗಳ ನೀಕ್ ಗೊತ್ತಿಲ್ಲತೇಂಗಿಯು ಮಾಡ್‌ವಿಯಲ್ಲ.

3 ಯೋಹಾನ 1:8

ಆನಗುಂಡ್ ನಂಗ ಅಯಿಂಗಕ್ ಸಹಾಯ ಮಾಡಂಡು, ಅಕ್ಕ ಅಯಿಂಗ ಮಾಡ್‌ವ ನೇರಾನ ಸೇವೇಲ್ ನಂಗಕ್ ಸಹ ಫಲ ಕ್‍ಟ್ಟ್‌ವ.