ಅಪೊಸ್ತಲ 16:13 - ಕೊಡವ ಬೈಬಲ್

¹³ ಸಬ್ಬತ್ ದಿವಸತ್‍ಲ್, ಪಟ್ಟಣತ್‍ರ ಪೊರಮೆ ಪೋಯಿತ್, ಪೊಳೆರ ಕರೆಲ್, ಜನ ಎಕ್ಕಾಲು ಅಲ್ಲಿ ಪ್ರಾರ್ಥನೆ ಮಾಡ್‌ವಾಂದ್ ಗೇನ ಮಾಡಿತ್ ನಂಗ ಅಲ್ಲಿ ಅಳ್‌ತತ್. ಅಲ್ಲಿ ಕೂಡಿ ಬಂದಿತ್ಂಜ ಪೊಣ್ಣಾಳುವಕ್ ನಂಗ ಉಪದೇಶ ಮಾಡ್‍ಚಿ.

ಅಪೊಸ್ತಲ 16:13 ပူးပေါင်းရင်းမြစ်များ

ಮತ್ತಾಯ 13:2

ದುಂಬ ಜನ ಕೂಡಿಬಂದಗುಂಡ್ ಯೇಸು ಪೋಯಿತ್ ಅಲ್ಲಿ ಇಂಜ ಒರು ದೋಣಿಲ್ ಅಳ್‌ತಂಡತ್. ಜನಡ ಕೂಟ ಕೆರೆರ ಬರಿಲ್ ನಿಂದಂಡಿಂಜತ್. ದುಂಬ ವಿಷಯತ್‍ನ ಅಯಿಂಗಕ್ ಕಥೇರ ರೂಪತ್‌ಲ್ ಎಣ್ಣಿ ಕೊಡ್‍ತಂಡಿಂಜತ್.

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:10

ಒರ್ ಸಬ್ಬತ್ ದಿವಸತ್‍ಲ್ ಯೇಸು ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡಿಂಜತ್.

ಯೋಹಾನ 8:2

ಪಿತ್ಯಾಂದ್ ಪೊಲಾಕ ಯೇಸು ದೇವಾಲಯಕ್ ಪೋಚಿ. ಅಕ್ಕ ಜನಯೆಲ್ಲ ಅಂವೊಂಡ ಸುತ್ತ್‌ಲೂ ಕೂಡ್‍ಚಿ. ಯೇಸು ಅಲ್ಲಿ ಅಳ್‌ತಂಡ್ ಅಯಿಂಗಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 13:14

ಪಿಂಞ ಅಯಿಂಗ ಪೆರ್ಗೆಯಿಂಜ ಪಿಸಿದ್ಯ ಸೀಮೆಕ್ ಕೂಡ್‍ನ ಅಂತಿಯೋಕ್ಯಕ್ ಬಾತ್. ಸಬ್ಬತ್ ದಿವಸತ್‍ಲ್ ಅಲ್ಲಿಯತ್‍ರ ಸಬಾಮಂದಿರಕ್ ಪೋಯಿತ್ ಅಳ್‌ತತ್.

ಅಪೊಸ್ತಲ 13:42

ಪೌಲ ಪಿಂಞ ಬಾರ್ನಬ ಸಬಾಮಂದಿರತ್‌ನ ಬುಟ್ಟಿತ್ ಪೋಯಂಡಿಪ್ಪಕ, ಬಪ್ಪ ಸಬ್ಬತ್ ದಿವಸತ್‍ಲ್ ಪುನಃ ಈ ವಿಷಯತ್‍ನ ಅಯಿಂಗಕ್ ಎಣ್ಣಿತರಂಡೂಂದ್ ಕ್‍ೕಟಂಡತ್.

ಅಪೊಸ್ತಲ 16:16

ಒರ್ ಕುರಿ, ನಂಗ ಪ್ರಾರ್ಥನೆ ಮಾಡ್‌ವ ಆ ಜಾಗಕ್ ಪೋಯಂಡಿಪ್ಪಕ, ಕೂಳಿ ಪುಡ್‍ಚಿತ್ಂಜ ಒರ್ ಆಳ್ ಮೂಡಿ ನಂಗಡ ಮಿಂಞತ್ ಬಾತ್. ಅವ ಮಿಂಞಕ್ ಆಪಕುಳ್ಳ ವಿಷಯತ್‍ನ ಎಣ್ಣ್‌ವಗುಂಡ್, ಅದ್ಂಡ ಮೂಲಕ, ಅವಡ ಎಜಮಾನಂಗ್ ದುಂಬ ಆದಾಯ ಮಾಡಿ ಕೊಡ್‍ತಂಡಿಂಜತ್.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 17:2

ಪೌಲ, ತಾನ್ ಎಲ್ಲಾ ಜಾಗತ್‍ಲ್ ಮಾಡ್‌ವ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಮೂಂದ್ ಸಬ್ಬತ್ ದಿವಸತ್‍ಲ್, ದೇವಡ ವಾಕ್ಯತ್ಂಜ ಅಯಿಂಗಡ ಕೂಡೆ ಕ್ರಿಸ್ತಂಡ ವಿಷಯತ್ ವಾದ ಮಾಡ್‍ಚಿ.

ಅಪೊಸ್ತಲ 18:4

ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.

ಅಪೊಸ್ತಲ 20:7

ವಾರತ್‍ರ ಆದ್ಯ ದಿವಸತ್‍ಲ್ ನಂಗ ಒಟ್ಟಿನ ಪೊಳಿಪ ಸಮಯಕಾಯಿತ್ ಕೂಡಿ ಬಂದಿತ್ಂಜತ್. ಅಲ್ಲಿ ಕೂಡಿ ಬಂದಿತ್ಂಜ ಜನಡ ಕೂಡೆ ಪೌಲ ಪ್ರಸಂಗ ಮಾಡಿಯಂಡಿಂಜತ್. ಪಿತ್ಯಾಂದ್ ಪೌಲ ಅಲ್ಲಿಂಜ ಪೊರಟಿತ್ ಪೋಂಡೂಂದ್ ಇಂಜಗುಂಡ್, ನಡ್‍ಪಾದ್ರೆಕತ್ತನೆ ಅಯಿಂಗಡ ಕೂಡೆ ಪೌಲ ತಕ್ಕ್ ಪರ್ಂದಂಡ್ ಪ್ರಸಂಗ ಮಾಡಿಯಂಡ್ ಇಂಜತ್.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.