ಅಪೊಸ್ತಲ 15:9 - ಕೊಡವ ಬೈಬಲ್

⁹ ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 15:9 ပူးပေါင်းရင်းမြစ်များ

ಅಪೊಸ್ತಲ 10:15

ಅದ್ಂಗ್: ದೇವ ಶುದ್ದಮಾಡ್‍ನಾನ ನೀನ್ ಅಸಹ್ಯಾಂದ್ ಗೇನ ಮಾಡ್‌ವಕ್ಕಾಗಾಂದ್ ದಂಡನೆ ಕುರಿ ಅಂವೊಂಗ್ ಆ ವಾಣಿ ಕ್‍ೕಟತ್.

ಅಪೊಸ್ತಲ 10:28

ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:34

ಅಕ್ಕ ಪೇತ್ರ ತಕ್ಕ್ ಪರಿಯುವಕ್ ಸುರು ಮಾಡಿತ್, ದೇವ ಪಕ್ಷಪಾತ ಮಾಡುಲೇಂದ್ ಇಕ್ಕ ನಾಕ್ ಅರ್ಥ ಆಚಿ.

ಅಪೊಸ್ತಲ 11:12

ನಾನ್ ಏದ್ ಅನುಮಾನವು ಇಲ್ಲತೆ ಅಯಿಂಗಡ ಕೂಡೆ ಪೋಪನೆಕೆ ಪವಿತ್ರಾತ್ಮ ನಾಡ ಪಕ್ಕ ಎಣ್ಣ್‌ಚಿ. ಯೇಸು ಕ್ರಿಸ್ತನ ನಂಬುವ ಈ ಆರ್ ಅಣ್ಣತಮ್ಮಣಂಗಳು ಸಹ ನಾಡ ಕೂಡೆ ಬಾತ್. ನಂಗೆಲ್ಲಾರು ಆ ಮನುಷ್ಯಂಡ ಮನೆರ ಒಳ್‍ಕ್ ಪೋಚಿ.

ಅಪೊಸ್ತಲ 14:1

ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 3:9

ಅನ್ನನಾಚೇಂಗಿ ಎಂತ? ನಂಗ ಅಯಿಂಗಕಿಂಜ ವಿಷೇಶವಾನಯಿಂಗಳ? ಅನ್ನನೆ ಒಂದು ಇಲ್ಲೆ! ಯೆಹೂದ್ಯಂಗಳಾಚೇಂಗಿಯು ಸರಿ, ಯೆಹೂದ್ಯಂಗಲ್ಲತಯಿಂಗಳಾಚೇಂಗಿಯು ಸರಿ, ಎಲ್ಲಾರು ಪಾಪತ್‍ರ ಶಕ್ತಿರ ಅಡಿಕ್ ಒಳಪಟ್ಟಿತುಂಡ್‍ೕಂದ್ ನಾನ್ ಮಿಂಞಲೇ ದೃಡ ಪಡ್‍ತ್‍ನ.

ರೋಮ್ 9:24

ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ?

1 ಕೊರಿಂಥ 1:2

ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 7:18

ಸುನ್ನತಿ ಆನ ಮನುಷ್ಯ ಕ್ರಿಸ್ತನ ನಂಬಿತ್ ಬಾತೇಂಗಿ, ಆ ಮನುಷ್ಯ ಸುನ್ನತಿ ಆನ ಮನುಷ್ಯಂಡನೆಕೆ ಇರಡ್. ಒರ್ ಮನುಷ್ಯ ಸುನ್ನತಿ ಮಾಡತಂವೊನಾಯಿತ್ ಕ್ರಿಸ್ತನ ನಂಬಿತ್ ಬಾತೇಂಗಿ, ಆ ಮನುಷ್ಯ ಸುನ್ನತಿ ಮಾಡಂಡೂಂದ್ ಇಲ್ಲೆ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.