ಅಪೊಸ್ತಲ 15:7 - ಕೊಡವ ಬೈಬಲ್

⁷ ದುಂಬ ತರ್ಕ ಆಪಕ, ಪೇತ್ರ ಎದ್ದಿತ್ ನಿಪ್ಪಂಜಿ ಅಯಿಂಗಳ ನೋಟಿತ್, ಅಣ್ಣತಮ್ಮಣಂಗಳೇ, ನಿಂಗಕ್ ಗೊತ್ತುಳ್ಳನೆಕೆ, ಯೆಹೂದ್ಯಂಗ ಅಲ್ಲತ ಬೋರೆ ಜನ, ನಾಡ ಬಾಯಿಂಜ ನಲ್ಲ ಸುದ್ದಿನ ಕ್‍ೕಟಿತ್ ನಂಬಂಡೂಂದ್, ದೇವ ದುಂಬ ದಿವಸಕ್ ಮಿಂಞಲೇ, ನಿಂಗಡಡೆಲ್ ಒಬ್ಬನಾನ ನನ್ನ ಗೊತ್ತ್ ಮಾಡ್‍ಚಿ.

ಅಪೊಸ್ತಲ 15:7 ပူးပေါင်းရင်းမြစ်များ

ಯೋಹಾನ 15:16

ನಿಂಗ ನನ್ನ ಗೊತ್ತ್ ಮಾಡಿತ್‌ಲ್ಲೆ. ನಾನ್ ನಿಂಗಳ ಗೊತ್ತ್ ಮಾಡಿಯೆ; ನಿಂಗ ಪೋಯಿತ್ ಫಲ ತಪ್ಪನೆಕೆಯು, ನಿಂಗಡ ಫಲ ಸದಾ ನಿಕ್ಕಂಡೂಂದು ನಿಂಗಳ ನೇಮಿಚಿಟ್ಟಿಯೆ. ಆನಗುಂಡ್, ನಾಡ ಪೆದತ್‍ಲ್ ಅಪ್ಪನ ನಿಂಗ ಎಂತ ಕ್‍ೕಪಿರೋ, ಅದ್‍ನ ಅಂವೊ ನಿಂಗಕ್ ತಪ್ಪ.

ಯೋಹಾನ 3:27

ಅದ್ಂಗ್ ಯೋಹಾನ: ದೇವ, ಒಬ್ಬಂಗ್ ಪರಲೋಕತ್ಂಜ ಏದ್‍ನ ಅನುಗ್ರಹ ಮಾಡಿತುಂಡೋ ಅದ್‍ನ ಮಾತ್ರ ಪಡೆಯುವಕ್ ಕಯ್ಯು.

ಅಪೊಸ್ತಲ 1:16

ನಾಡ ಅಣ್ಣತಮ್ಮಣಂಗಳೇ, ಯೇಸುನ ಪುಡ್‌ಚಿತ್ ಪೋಪಯಿಂಗಕ್ ಬಟ್ಟೆ ಕಾಟಿ ಕೊಡ್‍ತ ಯೂದಂಡ ವಿಷಯತ್‍ನ ದಾವೀದಂಡ ಮೂಲಕ ಪವಿತ್ರಾತ್ಮ ಮಿಂಞಲೇ ಎಣ್ಣ್‌ನ ದೇವಡ ವಾಕ್ಯ ಒಳ್‍ದಿತುಳ್ಳದ್ ನೆರೆವೇರಂಡೂಂದ್ ಇಂಜತ್.

ಅಪೊಸ್ತಲ 1:24

ಅಯಿಂಗ ಇನ್ನನೆ ಪ್ರಾರ್ಥನೆ ಮಾಡ್‍ಚಿ. ದೇವ, ನೀಕ್ ಎಲ್ಲಾಡ ಹೃದಯ ಪಿಂಞ ಗೇನ ಗೊತ್ತುಂಡ್,

ಅಪೊಸ್ತಲ 10:19

ಪೇತ್ರ ಆ ದರ್ಶನತ್‍ರ ವಿಷಯತ್‍ನ ಗೇನ ಮಾಡಿಯಂಡ್ ಇಪ್ಪಕ ಪವಿತ್ರಾತ್ಮ ಅಂವೊಂಗ್: ಈ ಮೂಂದ್ ಮನುಷ್ಯಂಗ ನಿನ್ನ ತ್‍ೕಡಿಯಂಡುಂಡ್.

ಅಪೊಸ್ತಲ 10:20

ನೀನ್ ಎದ್ದಿತ್, ಇಳಿಂಜಿತ್, ಅನುಮಾನ ಇಲ್ಲತೆ ಅಯಿಂಗಡ ಕೂಡೆ ಪೋ. ನಾನೇ ಅಯಿಂಗಳ ಅಯಿಚಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 13:2

ಅಯಿಂಗ ಒಡೆಯನ ಆರಾದನೆ ಮಾಡಿಯಂಡ್ ಪಟ್ಟಣಿ ನಿಂದಂಡ್ ಇಪ್ಪಕ, ಪವಿತ್ರಾತ್ಮ ಅಯಿಂಗಕ್: ನಾನ್ ಕಾಕ್‍ನ ವಿಶೇಷ ಸೇವೆಕಾಯಿತ್ ಬಾರ್ನಬ ಪಿಂಞ ಸೌಲನ, ನಿಂಗ ಬೋರೆ ಮಾಡಿತ್ ಅಯಿಂಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 15:14

ದೇವ ಅಂವೊಂಡ ಪೆದಕಾಯಿತ್, ಯೆಹೂದ್ಯ ಅಲ್ಲತ ಬೋರೆ ಜನಡ ಮದ್ಯತ್ಂಜ ಒರ್ ಗುಂಪ್‍ನ ಗೊತ್ತ್ ಮಾಡಿತ್, ಆದ್ಯವಾಯಿತ್ ಅಯಿಂಗಡ ಮೇಲೆ ದೇವ ಕಾಟ್‍ನ ಅಕ್ಕರೆನೆ ಸಿಮೆಯೋನ ನಂಗಕ್ ಚಾಯಿತೆ ವಿವರಿಚಿಟ್ಟತ್ತಲ್ಲ.

ಅಪೊಸ್ತಲ 15:2

ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 15:39

ಈ ವಿಷಯತ್‍ಲ್ ಅಯಿಂಗ ದಂಡಾಳು ಬಲ್ಯ ತರ್ಕ ಮಾಡಿತ್ ಒತ್ತಂಡಿತ್‌ಲ್ಲೆ. ಅನ್ನನೆ ಅಯಿಂಗ ಒಬ್ಬನೊಬ್ಬನ ಬುಟ್ಟಿತ್ ಪೋಚಿ. ಬಾರ್ನಬ ಮಾರ್ಕನ ಕಾಕಿಯಂಡ್ ಸಮುದ್ರತ್‍ರ ಮಾರ್ಗವಾಯಿತ್ ಕುಪ್ರ ದ್ವೀಪಕ್ ಪೋಚಿ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 21:16

ಕೈಸರೈತ್ಂಜ ಚೆನ್ನ ಯೇಸುನ ನಂಬ್‍ನಯಿಂಗ ನಂಗಡ ಕೂಡೆ ಬಾತ್. ಅಯಿಂಗ ಮ್ನಾಸೋನ ಎಣ್ಣ್‌ವಂವೊಂಡ ಮನೆಲ್ ನಂಗ ಇಪ್ಪಕ್ ಜಾಗ ಇಂಜಗುಂಡ್ ಅಲ್ಲಿಕ್ ಕಾಕಿಯಂಡ್ ಬಾತ್. ಇಂವೊ ಕುಪ್ರ ದೇಶತ್ಂಜ ಬಂದಂವೊನು, ಯೇಸುರ ಮೇಲೆ ಮಿಂಞಲೇ ನಂಬಿಕೆ ಇಟ್ಟಂವೊನು ಆಯಿತ್ಂಜತ್.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಅಪೊಸ್ತಲ 4:25

ನಂಗಡ ಅಜ್ಜನಾನ ದಾವೀದ ರಾಜನು ನೀಡ ಸೇವಕನುವಾನ ಅಂವೊನಗುಂಡ್ ಪವಿತ್ರಾತ್ಮತ್‍ರ ಮೂಲಕ ನೀನ್: ಯೆಹೂದ್ಯರಲ್ಲತ ಜನ ಎನ್ನಂಗ್ ಚೆಡಿಲ್ ಕಳಿಪ, ಜನ ಎನ್ನಂಗ್ ಕೆಟ್ಟದ್ ಮಾಡ್‌ವಕ್ ಮುಂಡತೆ ಆಲೋಚನೆ ಮಾಡ್‌ವ?

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ಫಿಲಿಪ್ಪಿ 2:14

ಎಲ್ಲಾನ ಏದ್ ಕುತ್ತವು ಪರಿಯತೆ, ಬೋಂಡತ ಚರ್ಚೆ ಮಾಡತೆ ಮಾಡಿಯಂಡಿರಿ.