ಅಪೊಸ್ತಲ 15:38 - ಕೊಡವ ಬೈಬಲ್

³⁸ ಆಚೇಂಗಿ, ಪೌಲ: ಪಂಫುಲ್ಯ ನಾಡ್‍ಲ್ ನಂಗ ಇಪ್ಪಕ, ಮಾರ್ಕ ದೇವಡ ಸೇವೆ ಮಾಡ್‌ವಕ್ ನಂಗಡ ಕೂಡೆ ಬರತೆ, ನಂಗಳ ಬುಟ್ಟಿತ್ ಪೋನಗುಂಡ್, ಇಕ್ಕ ಅಂವೊನ ಕಾಕಿಯಂಡ್ ಪೋಪದ್ ಚಾಯಾಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 15:38 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:19

ಕಷ್ಟಕಾಲತ್‌ ದ್ರೋಹಿರ ಮೇಲೆ ನಂಬಿಕೆ ಬೆಪ್ಪದ್‌ ಒಡ್‌ಂದ ಪಲ್ಲ್‌ಲ್ ಕಡ್‌ಚಿತ್‌ ತಿಂಬನೆಕೆಯು, ಪೊಟ್ಟಿ ಪೋನ ಕಾಲ್‌ಲ್‌ ನಡ್‌ಪನೆಕೆಯು ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:61

ಬೋರೆ ಒರ್ ಮನುಷ್ಯ: ನಾನ್ ನೀಡ ಬಯ್ಯ ಬಪ್ಪಿ, ಆಚೇಂಗಿ ಅದ್ಂಗಿಂಜ ಮಿಂಞ ನಾನ್ ಪೋಯಿತ್ ನಾಡ ಮನೆಕಾರಕ್ ಎಣ್ಣಿತ್ ಬಪ್ಪೀಂದ್ ಎಣ್ಣ್‌ಚಿ.

ಅಪೊಸ್ತಲ 13:13

ಅಲ್ಲಿಂಜ ಪೌಲ ಪಿಂಞ ಅಂವೊಂಡ ಕೂಡೆಯಿಂಜ ಎಲ್ಲಾರು ಪಾಫೋಸ್ ಎಣ್ಣುವ ಪಟ್ಟಣತ್‍ನ ಬುಟ್ಟಿತ್ ಸಮುದ್ರ ಮಾರ್ಗವಾಯಿತ್ ಪಂಫುಲ್ಯ ಸೀಮೆಕ್ ಕೂಡ್‍ನ ಪೆರ್ಗೆ ಎಣ್ಣುವ ಪಟ್ಟಣಕ್ ಬಾತ್. ಅಲ್ಲಿಕತ್ತನೆ ಅಯಿಂಗಡ ಕೂಡೆ ಬಂದಂಡಿಂಜ ಯೋಹಾನ ಅಯಿಂಗಳ ಬುಟ್ಟಿತ್ ಪುನಃ ಯೆರೂಸಲೇಮ್‌ಕ್ ವಾಪಸ್ ಪೋಚಿ.

ಅಪೊಸ್ತಲ 2:10

ಪೊಂತ, ಆಸ್ಯ, ಫ್ರುಗ್ಯ, ಪಂಫುಲ್ಯ, ಐಗುಪ್ತ ದೇಶತ್‍ಲ್ ಉಳ್ಳಯಿಂಗಳು, ಕುರೇನೆರ ಸುತ್ತ್‌ಮುತ್ತ್‌ಲ್ ಉಳ್ಳ ಲಿಬ್ಯ ಪ್ರಾಂತ್ಯತ್‍ಲ್ ಉಳ್ಳಯಿಂಗಳು, ರೋಮ್ ಪಟ್ಟಣತ್ಂಜ ಬಂದಯಿಂಗಳು, ಯೆಹೂದ್ಯಂಗಳು, ಯೆಹೂದ್ಯ ಪದ್ದತಿಕ್ ಕೂಡ್‍ನಯಿಂಗಳು,

ಯಾಕೋಬ 1:8

ಅನ್ನನೆ ಉಳ್ಳ ಮನುಷ್ಯ ನಾನ್ ಕ್‍ೕಪದ್, ದೇವಡ ಕೈಯಿಂಜ ಕ್‍ಟ್ಟ್‌ವಾಂದ್ ಗೇನ ಮಾಡ್‌ವಕ್ಕಾಗ. ದೇವಡ ವಿಷಯತ್‍ಲ್ ದಂಡ್ ಮನಸ್ಸ್ ಉಳ್ಳ ಮನುಷ್ಯ ತಾಂಡ ಬದ್‍ಕ್‍ಲ್ ಸ್ತಿರವಿಲ್ಲತಂವೊನಾಯಿತಿಪ್ಪ.