ಅಪೊಸ್ತಲ 15:32 - ಕೊಡವ ಬೈಬಲ್

³² ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 15:32 ပူးပေါင်းရင်းမြစ်များ

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:49

ಇದ್ಂಗಾಯಿತ್ ದೇವಡ ಜ್ಞಾನ ಎಣ್ಣ್‌ಚಿ: ನಾನ್ ದೇವಡ ಪ್ರವಾದಿಯಂಗಳ, ಅಪೊಸ್ತಲಂಗಳ ಅಯಿಂಗಡ ಪಕ್ಕ ಅಯಿಪಿ; ಅಯಿಂಗಡಲ್ಲಿ ಚೆನ್ನ ಜನಳ ಕೊಲ್ಲುವ, ಚೆನ್ನ ಜನಳ ತೊಂದರೆ ಮಾಡ್‌ವ;

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 11:27

ಆ ಕಾಲತ್‍ಲ್ ಬಾರ್ನಬ ಪಿಂಞ ಸೌಲ ಅಂತಿಯೋಕ್ಯತ್‍ಲ್ ಇಪ್ಪಕ, ಚೆನ್ನ ಪ್ರವಾದಿಯಂಗ ಯೆರೂಸಲೇಮ್ಂಜ ಬಾತ್.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:27

ಅನ್ನನೆ ನಂಗ ಯೂದ ಪಿಂಞ ಸೀಲನ ಅಯಿಚಿಯೆ. ಅಯಿಂಗ ನಂಗ ಒಳ್‍ದ್‍ನ ಈ ಸಂಗತಿನೆಲ್ಲ ಬಾಯಿ ತಕ್ಕ್‌ಯಿಂಜ ನಿಂಗಕ್ ಅರಿಚಿಡುವ.

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 15:31

ಅಯಿಂಗ ಅದ್‍ನ ಓದಿತ್, ಅದ್ಂಡ ಮೂಲಕ ದುಂಬ ಪುರ್‌ಡ್ ಕ್‍ಟ್ಟ್‌ನಗುಂಡ್ ಕುಶಿಪಟ್ಟತ್.

ಅಪೊಸ್ತಲ 15:41

ಅಕ್ಕ ಅಯಿಂಗ ಅಲ್ಲಿಂಜ ಪೊರಟಿತ್ ಸಿರಿಯ ಕಿಲಿಕ್ಯ ಸೀಮೆಲ್ ಪ್ರಯಾಣ ಮಾಡಿತ್, ಅಲ್ಲಿ ಇಂಜ ಸಬೇನೆಲ್ಲ ದೃಡಪಡ್‍ತ್‍ಚಿ.

ಅಪೊಸ್ತಲ 18:23

ಪೌಲ ಅಂತಿಯೋಕ್ಯತ್‍ಲ್ ಚೆನ್ನ ಸಮಯ ಇಂಜಿತ್, ಅಲ್ಲಿಂಜ ಪುನಃ ಕ್ರಮವಾಯಿತ್ ಗಲಾತ್ಯ ಪಿಂಞ ಫ್ರುಗ್ಯ ಸೀಮೆಲ್ ಪ್ರಯಾಣ ಮಾಡಿತ್ ಯೇಸುನ ನಂಬ್‍ನಯಿಂಗಳ ಎಲ್ಲಾ ದೃಡಪಡ್‍ತ್‍ಚಿ.

ಅಪೊಸ್ತಲ 2:40

ಪೇತ್ರ ಇಂಞು ದುಂಬ ಬುದ್ದಿ ಎಣ್ಣಿತ್ ಸಾಕ್ಷಿ ಎಣ್ಣಿತ್, ಈ ಕೆಟ್ಟ ಸಂತಾನತ್ಂಜ ನಿಂಗಳ ಕಾಪಾಡಿಯೊಳೀಂದ್ ಅಯಿಂಗಳ ಬೋಡಿಯಂಡತ್.

ಅಪೊಸ್ತಲ 20:2

ಅಂವೊ ಆ ಸೀಮೆಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದುಂಬ ಪುರ್‌ಡ್ ಕೊಡ್‌ತಿತ್, ಆಕೀರ್‌ಕ್ ಗ್ರೀಕ್ ದೇಶಕ್ ಬಾತ್.

ರೋಮ್ 12:6

ದೇವಡ ಕೃಪೆಯಿಂಜ ನಂಗಕ್ ಬೋರೆ ಬೋರೆ ವರ ಕ್‍ಟ್ಟಿತುಂಡ್. ಆನಗುಂಡ್ ದೇವ, ಒಬ್ಬಂಗ್ ಪ್ರವಾದನೆ ಎಣ್ಣುವ ವರತ್‍ನ ಕೊಡ್‍ತಿತುಂಡೇಂಗಿ, ಅಂವೊಂಗ್ ದೇವ ಕೊಡ್‍ತ ನಂಬಿಕೇರ ಅಳ್‌ತೆರಚ್ಚಕ್ ಪ್ರವಾದೆನೆ ಎಣ್ಣಂಡು.

ರೋಮ್ 12:8

ಪುರ್‌ಡ್ ಕೊಡ್‍ಪ ವರ ಎಣ್ಣ್‌ಚೇಂಗಿ, ಅಂವೊ ಪುರ್‌ಡ್ ಕೊಡ್‌ಕಡ್; ಬೋರೆಯಿಂಗಡ ಅವಸ್ಯಕ್ ಸಹಾಯ ಮಾಡ್‌ವ ವರ ಎಣ್ಣ್‌ಚೇಂಗಿ, ಅಂವೊ ದಾರಾಳವಾಯಿತ್ ಸಹಾಯ ಮಾಡಡ್; ತಕ್ಕಾಮೆರ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಜಾಗ್ರತೆಲ್ ಮಾಡಡ್. ಕರುಣೆ ಕಾಟುವ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಕುಶೀಲ್ ಮಾಡಡ್.

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

1 ಕೊರಿಂಥ 14:29

ದಂಡ್‍ಮೂಂದಾಳ್ ಮಾತ್ರ ಪ್ರವಾದನೆ ಎಣ್ಣಡ್. ಬೋರೆಯಿಂಗ, ಅಯಿಂಗ ಎಣ್ಣುವ ಪ್ರವಾದನೆ ಸರಿಯಾಂದ್ ನೋಟಂಡು.

1 ಕೊರಿಂಥ 14:3

ಆಚೇಂಗಿ ಪ್ರವಾದನೆ ಎಣ್ಣ್‌ವಂವೊ, ಜನ ಆತ್ಮೀಯ ವಿಷತಯತ್‍ಲ್ ಬಲಪಡ್‍ವಕಾಯಿತ್, ಪುರ್‌ಡ್ ಕ್‍ಟ್ಟುವಕಾಯಿತ್ ಪಿಂಞ ಸಮಾದಾನ ಕ್‍ಟ್ಟುವಕಾಯಿತ್ ತಕ್ಕ್ ಪರ್ಂದಡುಂಡ್.

1 ಕೊರಿಂಥ 14:32

ಪ್ರವಾದನೆ ಎಣ್ಣ್‌ವಯಿಂಗಡ ಆತ್ಮ ಅಯಿಂಗಡ ಅದಿಕಾರತ್‍ಲ್ ಇಪ್ಪ ಅಲ್ಲಾ?

ಎಫೆಸ 3:5

ಆ ಗುಟ್ಟ್‌ನ ಇಕ್ಕ ಅಂವೊಂಡ ಪವಿತ್ರವಾನ ಅಪೊಸ್ತಲಂಗಕು ಪ್ರವಾದಿಯಂಗಕು ಪವಿತ್ರಾತ್ಮನಗುಂಡ್ ಅರಿಚಿಟ್ಟನೆಕೆ, ಇದ್ಂಗ್ ಮಿಂಞ ಇಂಜಯಿಂಗಕ್ ಈ ವಿಷಯತ್‍ನ ಎಣ್ಣಿತ್ಂಜಿತ್‌ಲ್ಲೆ.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ಥೆಸಲೊನೀಕ 5:20

ಪ್ರವಾದನೆನ ಬೋಂಡತದ್‍ೕಂದ್ ಗೇನ ಮಾಡತಿ.

2 ಥೆಸಲೊನೀಕ 3:12

ಇನ್ನನೆ ಉಳ್ಳಯಿಂಗ, ಎಂತಾಚು ಕೆಲಸ ಮಾಡಿತ್, ಅಯಿಂಗಡ ಸಂಪಾದೆನೆಲ್ ಬದ್‍ಕಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ಹುಕುಮ್ ಕೊಡ್‌ತಿತ್ ಬೋಡಿಯಂಡುಂಡ್.

1 ತಿಮೊಥೆಯ 2:1

ಮುಕ್ಯವಾಯಿತ್ ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ನಿಂಗ ಎಲ್ಲಾ ಜನಕಾಯಿತ್ ಪ್ರಾರ್ಥನೆ ಮಾಡಿಯಂಡ್, ತುದಿಚಂಡ್, ಬೋಡಿಯಂಡ್, ವಂದನೆ ಮಾಡಿಯಂಡ್ ಇರಿ.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.