ಅಪೊಸ್ತಲ 15:3 - ಕೊಡವ ಬೈಬಲ್

³ ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 15:3 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 13:48

ಅಲ್ಲಿಂಜ ಯೆಹೂದ್ಯಂಗಲ್ಲತೆ ಬೋರೆ ಬೋರೆ ಜನ ಈ ಬೋದನೆನ ಕ್‍ೕಟಿತ್ ಕುಶಿಪಟ್ಟಿತ್, ಒಡೆಯಂಡ ವಾಕ್ಯತ್‍ನ ಕೊಂಡಾಡ್‍ಚಿ. ನಿತ್ಯ ಜೀವಕಾಯಿತ್ ದೇವ ಗೊತ್ತ್ ಮಾಡ್‍ನ ಎಲ್ಲಾರು ಯೇಸುನ ನಂಬ್‍ಚಿ.

ಅಪೊಸ್ತಲ 13:52

ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗ ಕುಶೀಲ್ ಪಿಂಞ ಪವಿತ್ರಾತ್ಮತ್‍ಲ್ ದುಂಬಿತ್ ಇಂಜತ್.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 15:12

ಅಕ್ಕ, ಅಲ್ಲಿ ಕೂಡಿತ್ಂಜ ಎಲ್ಲಾರು ಒರ್ ತಕ್ಕು ಎಣ್ಣತೆ, ಬಾರ್ನಬ ಪಿಂಞ ಪೌಲಂಡ ಮೂಲಕ ದೇವ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ಮಾಡ್‍ನ ಎಲ್ಲಾ ಆಶ್ಚರ್ಯ ಗುರ್‌ತ್ ಕಾರ್ಯತ್‍ನ ಅಯಿಂಗ ವಿವರಿಚಿಡುವಾನ ಕ್‍ೕಟತ್.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:32

ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 17:15

ಪೌಲಂಡ ಕೂಡೆ ಪೋನಯಿಂಗ ಅಂವೊನ ಅಥೇನೆ ಪಟ್ಟಣಕತ್ತನೆ ಕಾಕಿಯಂಡ್ ಪೋಯಿತ್, ಸೀಲ ಪಿಂಞ ತಿಮೊಥೆಯ ನಾಡ ಪಕ್ಕ ಬೆರಿಯ ಬರಂಡೂಂದ್ ಉಳ್ಳ ಪೌಲಂಡ ಅಪ್ಪಣೆನ ಪಡ್ಂದಿತ್ ವಾಪಸ್ ಪೋಚಿ.

ಅಪೊಸ್ತಲ 20:38

ನಿಂಗ ಇಂಞು ಮಿಂಞಕ್, ನಾಡ ಮೂಡ್‍ನ ಕಾಂಬ್‍ಲೇಂದ್ ಪೌಲ ಎಣ್ಣ್‌ನ ತಕ್ಕ್ ಮಾತ್ರ ಅಯಿಂಗಳ ದುಂಬ ಬೇಜಾರ್ ಮಾಡ್‍ಚಿ. ಪಿಂಞ ಅಯಿಂಗ ಎಲ್ಲಾರು ಅಂವೊನ ಅಯಿಪಕ್ ಅಂವೊಂಡ ಕೂಡೆ ಹಡಗ್‍ಕತ್ತನೆ ಪೋಚಿ.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 28:15

ಅಲ್ಲಿಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗ, ನಂಗ ಬಪ್ಪದ್‍ನ ಕ್‍ೕಟಿತ್, ನಂಗಳ ಕಾಂಬಕಾಯಿತ್ ಚೆನ್ನ ಜನ ಅಪ್ಪಿಯ ಪೇಟೆಕತ್ತನೆಯು, ಚೆನ್ನ ಜನ ತ್ರಿಛತ್ರ ಎಣ್ಣುವ ಜಾಗಕತ್ತನೆಯು ಬಾತ್. ಅಯಿಂಗಳ ನೋಟಿತ್ ಪೌಲ ದೇವಕ್ ವಂದನೆ ಮಾಡಿತ್, ದೈರ್ಯ ಎಡ್‍ತಂಡತ್.

ಅಪೊಸ್ತಲ 8:14

ಸಮಾರ್ಯತ್‍ರ ಜನ ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‍ಚೀಂದ್ ಉಳ್ಳ ವಿಷಯತ್‍ನ, ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಕ್‍ೕಟಿತ್, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಪಕ್ಕ ಅಯಿಚತ್.

ರೋಮ್ 15:24

ನಾನ್ ಸ್ಪೇನ್ ದೇಶಕ್ ಪ್ರಯಾಣ ಮಾಡ್‌ವಕ, ನಿಂಗಡ ಪಕ್ಕ ಬಂದಿತ್, ಚೆನ್ನ ಸಮಯ ನಿಂಗಡ ಕೂಡೆ ಒಳಿಂಜಿತ್, ಕುಶೀಲ್ ಇಂಜಿತ್, ನಿಂಗಡ ಸಹಾಯತ್‍ಲ್ ಪೊರಟಿತ್ ಪೋಪಕ್ ಸಮಯ ಕ್‌ಟ್ಟೂಂದ್ ನಂಬಿಕೇಲ್ ಉಳ್ಳ.

1 ಕೊರಿಂಥ 16:11

ಆನಗುಂಡ್ ದಾರೂ ಅಂವೊನ ಕೀಳಾಯಿತ್ ಕಾಂಗತಿ. ಅಂವೊ ನಾಡ ಪಕ್ಕ ಬಪ್ಪಕ್, ನಿಂಗ ಅಂವೊನ ಸಮಾದಾನತ್‍ಲ್ ಅಯಿಚಿರಿ. ಬಾಕಿ ತಮ್ಮಣಂಗಡ ಕೂಡೆ ಅಂವೊ ಇಲ್ಲಿ ಬಪ್ಪಾಂದ್ ನಾನ್ ಪಾರಕಾತಂಡುಂಡ್.

1 ಕೊರಿಂಥ 16:6

ಒರ್ ಸಮಯ ನಾನ್ ನಿಂಗಡ ಕೂಡೆ ಚೆನ್ನ ಕಾಲ ಒಳಿಯುವಿ, ಕಯ್ಯುವೇಂಗಿ ಕುಳ್‌ರ್ ಕಾಲತ್‍ಲ್‌ ನಿಂಗಡ ಕೂಡೆ ಒಳಿಯುವಿ. ಅಕ್ಕ ನಿಂಗ, ನಾನ್ ಪೋಪಕುಳ್ಳ ಪ್ರಯಾಣಕ್ ಬೋಂಡಿಯಾನ ಸಹಾಯ ಮಾಡ್‌ವಕ್ ಕಯ್ಯು.

2 ಕೊರಿಂಥ 1:16

ನಾನ್ ಮಕೆದೋನ್ಯ ಪ್ರಾಂತ್ಯಕ್ ಪೋಪಕ ನಿಂಗಳ ಕಂಡಿತ್ ಪೋಪಿ, ಪುನಃ ಅಲ್ಲಿಂಜ ಬಪ್ಪಕಲು ನಿಂಗಳ ಕಂಡಿತ್ ಬಪ್ಪಕ್ ಗೇನ ಮಾಡಿಯಂಡುಳ್ಳ. ಬಯ್ಯ ನಿಂಗ ನನ್ನ ಯೂದಾಯಕ್ ಅಯಿಕಲು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:13

ನೀಕ್ ಕಯ್ಯುವಚ್ಚಕ್ ವಕೀಲನಾನ ಜೇನ ಪಿಂಞ ಅಪೊಲ್ಲೋಸಂಗ್ ಒರ್ ಕೊರತೆಯು ಇಲ್ಲತೆ ಅಯಿಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾ ವ್ಯವಸ್ತೆನ ಮಾಡ್.