ಅಪೊಸ್ತಲ 15:25 - ಕೊಡವ ಬೈಬಲ್

²⁵ ಆನಗುಂಡ್ ನಂಗ ಎಲ್ಲಾರು ಒತ್ತಂಡ್ ತೀರ್ಮಾನ ಮಾಡಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದಕಾಯಿತ್ ತಂಗಡ ಜೀವತ್‍ನ ಅರ್ಪಿಚಿಟ್ಟಯಿಂಗಳು ನಂಗಡ ಪ್ರೀತಿರ ತಮ್ಮಣಂಗಳು ಆನ ಬಾರ್ನಬ ಪಿಂಞ ಪೌಲಂಡ ಕೂಡೆ,

ಅಪೊಸ್ತಲ 15:25 ပူးပေါင်းရင်းမြစ်များ

ಮತ್ತಾಯ 11:26

ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:3

ಆನಗುಂಡ್ ಆದಿಯಿಂಜ ನಡ್ಂದ ಘಟನಾವಳಿನ ಪರಿಶೀಲನೆ ಮಾಡಿತ್, ನಾನ್ ನಿಂಗಕ್ ಕ್ರಮತ್‍ಲ್ ಒಳ್‍ದ್‍ವದ್ ಚಾಯೀಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 1:14

ಅಲ್ಲಿ ಈಂಗ ಎಲ್ಲಾರು ಒಟ್ಟ್ ಕೂಡಿತ್ ಒರೇ ಮನಸ್ಸ್‌ಲ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಂಜತ್. ಅಯಿಂಗಡ ಕೂಡೆ ಪೊಣ್ಣಾಳುವ, ಯೇಸುರ ಅವ್ವ ಮರಿಯ ಪಿಂಞ ಯೇಸುರ ತಮ್ಮಣಂಗಳು ಇಂಜತ್.

ಅಪೊಸ್ತಲ 15:2

ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:35

ಆಚೇಂಗಿ ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯತ್‍ಲ್ ನಿಂದಿತ್ ಬೋರೆ ಜನಡ ಕೂಡೆ ಬೋದನೆ ಮಾಡಿಯಂಡ್ ಒಡೆಯಂಡ ವಾಕ್ಯ ಎಣ್ಣುವ ನಲ್ಲ ಸುದ್ದಿನ ಎಣ್ಣಿಯಂಡ್ ಇಂಜತ್.

ಅಪೊಸ್ತಲ 15:6

ಅಕ್ಕ, ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ ಈ ವಿಷಯತ್‍ನ ಚರ್ಚೆ ಮಾಡ್‌ವಕ್ ಕೂಡಿ ಬಾತ್.

ಅಪೊಸ್ತಲ 2:1

ಐಂಬದ್ ನಾಳ್‌ರ ಪಂಚಾಶತ್ತಮ ಎಣ್ಣುವ ನಮ್ಮೆರ ದಿವಸ ಬಪ್ಪಕ, ಅಯಿಂಗೆಲ್ಲಾ ಒರ್ ಜಾಗಕ್ ಬಂತ್ ಒಟ್ಟ್ ಕೂಡ್‍ಚಿ.

ಅಪೊಸ್ತಲ 2:46

ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

ರೋಮ್ 16:12

ಒಡೆಯಂಡಲ್ಲಿ ಕಷ್ಟಪಟ್ಟಿತ್ ಸೇವೆ ಮಾಡ್‌ವ ತ್ರುಫೈನ ಪಿಂಞ ತ್ರುಫೋಸಳಕು ವಂದನೆ ಎಣ್ಣಿ. ಒಡೆಯಂಡಲ್ಲಿ ದುಂಬ ಕಷ್ಟಪಟ್ಟಿತ್ ಸೇವೆ ಮಾಡ್‌ವ ಪ್ರೀತಿರ ಪೆರ್ಸೀಸ್‍ಕ್ ವಂದನೆ ಎಣ್ಣಿ.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಎಫೆಸ 6:21

ನಾನ್ ಎನ್ನನೆ ಉಂಡ್‍ೕಂದು, ನಾನ ಎಂತ ಮಾಡಿಯಂಡುಳ್ಳ್‌ಂದು, ನಂಗಡ ಪ್ರೀತಿರ ತಮ್ಮಣನು ಒಡೆಯಂಡಲ್ಲಿ ನಂಬಿಕಸ್ತನು ಆಯಿತುಳ್ಳ ಸೇವಕನಾನ ತುಖಿಕ ನಿಂಗಕ್ ಚಾಯಿತೆ ಎಣ್ಣಿ ತಪ್ಪ.

ಕೊಲೊಸ್ಸೆ 4:7

ಪ್ರೀತಿರ ತಮ್ಮಣ ತುಖಿಕ, ನಿಂಗಕ್ ನಾಡ ವಿಷಯತ್‌ನೆಲ್ಲ ಎಣ್ಣಿ ತಪ್ಪ. ಅಂವೊ ನಂಬಿಕಸ್ತನಾನ ಸೇವಕನು, ನಂಗಡ ಕೂಡೆ ಒಡೆಯಂಡ ಸೇವೆ ಮಾಡ್‍ವಂವೊನಾಯಿತು ಉಂಡ್.

ಕೊಲೊಸ್ಸೆ 4:9

ನಿಂಗಡಲ್ಲಿ ಒಬ್ಬನಾಯಿತು, ನಂಬಿಕಸ್ತನಾಯಿತು ಉಳ್ಳ ಪ್ರೀತಿರ ತಮ್ಮಣನಾನ ಒನೇಸಿಮನ ಸಹ ನಿಂಗಡ ಪಕ್ಕ ಅಯಿಚಂಡುಳ್ಳ. ಅಯಿಂಗ ಇಲ್ಲಿ ನಡ್ಂದಂಡುಳ್ಳಾನೆಲ್ಲ ನಿಂಗಕ್ ಎಣ್ಣುವ.

ಫಿಲೆಮೋನ 1:16

ಅಂವೊ, ನಾಕೇ ಇಚ್ಚಕ್ ಪ್ರೀತಿಯುಳ್ಳ ತಮ್ಮಣನಾಯಿತ್ ಇಂಜತೇಂಗಿ, ನೀಕ್ ತಡೀರ ಪ್ರಕಾರವು, ಒಡೆಯಂಡಲ್ಲಿಯು ಒರ್ ತಮ್ಮಣನಾಯಿತ್ ಎಚ್ಚಕ್ ಪ್ರೀತಿಲ್ ಇಪ್ಪ.

2 ಪೇತ್ರ 3:15

ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.