ಅಪೊಸ್ತಲ 15:2 - ಕೊಡವ ಬೈಬಲ್

² ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 15:2 ပူးပေါင်းရင်းမြစ်များ

ಅಪೊಸ್ತಲ 10:23

ಪೇತ್ರ ಇದ್‍ನ ಕ್‍ೕಟಿತ್ ಅಯಿಂಗಳ ಒಳ್‍ಕ್ ಕಾಕಿತ್ ಊಟೋಪಚಾರ ಮಾಡಿತ್, ಪಿತ್ಯಾಂದ್ ಅಯಿಂಗಡ ಕೂಡೆ ಪೊರಟತ್; ಯೊಪ್ಪ ಪಟ್ಟಣತ್‍ಲ್ ಇಂಜ ಚೆನ್ನ ಯೇಸುನ ನಂಬ್‍ನ ಅಣ್ಣತಮ್ಮಣಂಗಳು ಅಂವೊಂಡ ಕೂಡೆ ಪೋಚಿ.

ಅಪೊಸ್ತಲ 11:12

ನಾನ್ ಏದ್ ಅನುಮಾನವು ಇಲ್ಲತೆ ಅಯಿಂಗಡ ಕೂಡೆ ಪೋಪನೆಕೆ ಪವಿತ್ರಾತ್ಮ ನಾಡ ಪಕ್ಕ ಎಣ್ಣ್‌ಚಿ. ಯೇಸು ಕ್ರಿಸ್ತನ ನಂಬುವ ಈ ಆರ್ ಅಣ್ಣತಮ್ಮಣಂಗಳು ಸಹ ನಾಡ ಕೂಡೆ ಬಾತ್. ನಂಗೆಲ್ಲಾರು ಆ ಮನುಷ್ಯಂಡ ಮನೆರ ಒಳ್‍ಕ್ ಪೋಚಿ.

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 15:25

ಆನಗುಂಡ್ ನಂಗ ಎಲ್ಲಾರು ಒತ್ತಂಡ್ ತೀರ್ಮಾನ ಮಾಡಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದಕಾಯಿತ್ ತಂಗಡ ಜೀವತ್‍ನ ಅರ್ಪಿಚಿಟ್ಟಯಿಂಗಳು ನಂಗಡ ಪ್ರೀತಿರ ತಮ್ಮಣಂಗಳು ಆನ ಬಾರ್ನಬ ಪಿಂಞ ಪೌಲಂಡ ಕೂಡೆ,

ಅಪೊಸ್ತಲ 15:27

ಅನ್ನನೆ ನಂಗ ಯೂದ ಪಿಂಞ ಸೀಲನ ಅಯಿಚಿಯೆ. ಅಯಿಂಗ ನಂಗ ಒಳ್‍ದ್‍ನ ಈ ಸಂಗತಿನೆಲ್ಲ ಬಾಯಿ ತಕ್ಕ್‌ಯಿಂಜ ನಿಂಗಕ್ ಅರಿಚಿಡುವ.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 16:4

ಅಲ್ಲಿಂಜ ಅಯಿಂಗ ಊರೂರ್‌ಕ್ ಪೋಯಂಡ್ ಇಪ್ಪಕ, ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ, ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ತೀರ್ಮಾನ ಮಾಡ್‍ನ ಆಜ್ಞೆಕ್ ಒಳಪಟ್ಟಿತಿರಂಡೂಂದ್ ಅಯಿಂಗಕ್ ಬುದ್ದಿ ಎಣ್ಣಿ ಕೊಡ್‌ತಂಡ್ ಪೋಚಿ.

ಅಪೊಸ್ತಲ 21:18

ಪಿತ್ಯಾಂದ್ ಪೌಲ ನಂಗಳ ಕಾಕಿಯಂಡ್ ಯಾಕೋಬಂಡ ಪಕ್ಕ ಪೋಚಿ; ಸಬೆರ ಪೆರಿಯಯಿಂಗೆಲ್ಲಾ ಅಲ್ಲಿ ಬಂದಿತ್ಂಜತ್.

1 ಕೊರಿಂಥ 1:1

ಕ್ರಿಸ್ತ ಯೇಸುರ ಅಪೊಸ್ತಲನಾಯಿತ್, ದೇವ ಅಂವೊಂಡ ಚಿತ್ತತ್‍ರನೆಕೆ ಕಾಕ್‍ನ ಪೌಲನಾನ ನಾನ್ ಪಿಂಞ ತಮ್ಮಣನಾನ ಸೊಸ್ಥೆನನೂ ಕೂಡಿತ್,

2 ಕೊರಿಂಥ 11:5

ನಾನ್ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಏದ್ ವಿಷಯತ್‍ಲು ಕಮ್ಮಿ ಇಲ್ಲೇಂದ್ ಗೇನ ಮಾಡ್‌ವಿ.

ಗಲಾತ್ಯ 2:5

ಯೇಸು ಕ್ರಿಸ್ತಂಡ ನಲ್ಲ ಸುದ್ದಿರ ಸತ್ಯ ನಿಂಗಡಲ್ಲಿ ಎಕ್ಕಾಲು ಚಾಯಿತೆ ಇಪ್ಪಕಾಯಿತ್, ನಂಗ ಒರ್ ಗಳಿಗೆಯು ಅಯಿಂಗಕ್ ಕೆಮಿ ಕೊಡ್‍ತಿತ್‌ಲ್ಲೆ.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.