ಅಪೊಸ್ತಲ 15:19 - ಕೊಡವ ಬೈಬಲ್

¹⁹ ಇನ್ನನೆ ಇಪ್ಪಕ ನಾಡ ಅಬಿಪ್ರಾಯ ಎಂತ ಎಣ್ಣ್‌ಚೇಂಗಿ: ಯೆಹೂದ್ಯಂಗ ಅಲ್ಲತ ಬೋರೆ ಜನತ್‍ಂಜ ದೇವಡ ಕಡೇಕ್ ಬಪ್ಪಯಿಂಗಕ್ ತೊಂದರೆ ಮಾಡ್‌ವಕ್ಕಾಗ.

ಅಪೊಸ್ತಲ 15:19 ပူးပေါင်းရင်းမြစ်များ

ಅಪೊಸ್ತಲ 15:10

ಇನ್ನನೆ ಇಪ್ಪಕ, ನಂಗಡ ಅಜ್ಜಂಗಕೂ, ನಂಗಕು ಪೊರ್‍ಪಕೈಯ್ಯತ ನೊಗತ್‌ನ ಯೇಸುನ ನಂಬ್‍ವ ಯೆಹೂದ್ಯ ಅಲ್ಲತಯಿಂಗಡ ಬೋಳೆಕ್ ಇಟ್ಟಿತ್ ದೇವನ ಎನ್ನಂಗ್ ಪರೀಕ್ಷೆ ಮಾಡಂಡು?

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 15:28

ಅದ್ ಎಂತ ಎಣ್ಣ್‌ಚೇಂಗಿ: ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇಕ್ಕಂಡು. ಇದ್‍ನ ಬುಟ್ಟಿತ್ ಬೋರೆ ಏದ್ ವಿಷಯತು ನಿಂಗಡ ಮೇಲೆ ಬಾರತ್‍ನ ಇಡ್‍ವದ್ ಚಾಯಾಪುಲೇಂದ್ ಪವಿತ್ರಾತ್ಮಂಗು ನಂಗಕು ಗೊತ್ತಾಚಿ. ನಿಂಗಕ್ ನಲ್ಲದ್ ಆಡ್.

ಅಪೊಸ್ತಲ 21:21

ಯೆಹೂದ್ಯಂಗ ಅಲ್ಲತೆ ಬೋರೆ ಜನಾಂಗಡಡೆಲ್ ವಾಸ ಮಾಡಿಯಂಡುಳ್ಳ ಯೆಹೂದ್ಯಂಗೆಲ್ಲಾ ಅಯಿಂಗಡ ಮಕ್ಕಕ್ ಸುನ್ನತಿ ಮಾಡ್‌ವದು, ನಂಗಡ ಪದ್ದತಿರ ಪ್ರಕಾರ ನಡ್‍ಪದೂ ಬೋಂಡಾಂದ್ ನೀನ್ ಎಣ್ಣಿತ್, ನ್ಯಾಯಪ್ರಮಾಣತ್‍ನ ಬುಟ್ಟಿತ್ ಪೋಯೀಂದ್ ನೀನ್ ಬೋದನೆ ಮಾಡಿಯಂಡುಳ್ಳದ್‍ನ ಅಯಿಂಗ ಅರಿಂಜಿ ಬಂದಿತುಂಡ್.

ಅಪೊಸ್ತಲ 21:25

ಯೆಹೂದ್ಯಂಗ ಅಲ್ಲತ ಯೇಸುನ ನಂಬ್‍ನಯಿಂಗ: ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ನಂಗ ತೀರ್ಮಾನ ಮಾಡಿತ್ ಒಳ್‍ದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 26:20

ಅಕ್ಕ, ಆದ್ಯವಾಯಿತ್ ದಮಸ್ಕತ್‍ಲ್, ಅಲ್ಲಿಂಜ ಯೆರೂಸಲೇಮ್‍ಲ್, ಯೂದಾಯತ್‍ಲ್ ಎಲ್ಲಾ ಸೀಮೆಲ್ ಪಿಂಞ ಯೆಹೂದ್ಯಂಗಲ್ಲತಯಿಂಗಕ್ ಸಹ ಪೋಯಿತ್ ಬೋದನೆ ಮಾಡ್‍ನ. ಅಯಿಂಗ ಪಾಪತ್ಂಜ ತಿರಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬರಂಡೂಂದು, ಪಿಂಞ ಅಯಿಂಗ ದೇವಡ ಪಕ್ಕ ತಿರಿರ್‌ತ್‍ೕಂದ್ ಕಾಂಬ್‍ಚಿಡುವನೆಕೆ, ಯೋಗ್ಯವಾನ ಬದ್‍ಕ್ ಬದ್‍ಕಂಡೂಂದ್ ಅಯಿಂಗಕ್ ಎಣ್ಣಿಯೆ.

ಗಲಾತ್ಯ 2:4

ಆಚೇಂಗಿ, ಈ ವಿಷಯತ್‍ಲ್ ಯೇಸುನ ನಂಬ್‍ನಯಿಂಗಾಂದ್ ಎಣ್ಣುವ ಚೆನ್ನ ಕಳ್ಳಂಗ ತರ್ಕ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ; ದಾರ್‌ಕು ಗೊತ್ತಿಲ್ಲತೆ ನಂಗಡ ಒಳ್‍ಕ್ ಕೂಡ್‍ನ ಅಣ್ಣತಮ್ಮಣಂಗಳೇ. ಯೇಸು ಕ್ರಿಸ್ತನಗುಂಡ್ ನಂಗಕುಳ್ಳ ಸ್ವಾತಂತ್ರತ್‍ನ, ನಂಗಡಿಂಜ ಎಡ್‍ಪಕ್ ನೋಟಿತ್, ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಅಡಿಯಾಳ್‌ರನೆಕೆ ನಂಗ ಇರಂಡೂಂದ್ ಅಯಿಂಗ ಒತ್ತಾಯ ಮಾಡ್‍ಚಿ.

1 ಥೆಸಲೊನೀಕ 1:9

ಎನ್ನಂಗೆಣ್ಣ್‌ಚೇಂಗಿ, ನಂಗ ನಿಂಗಡ ಪಕ್ಕ ಬಪ್ಪಕ, ನಿಂಗ ನಂಗಳ ಎನ್ನನೆ ಸತ್ಕಾರ ತಂದಿರಾಂದ್ ಅಯಿಂಗಳೇ ನಂಗಕ್ ಎಣ್ಣ್‌ಚಿ. ನಿಂಗ ಎನ್ನನೆ ವಿಗ್ರಹತ್‍ನ ಪೂಜೆ ಮಾಡ್‌ವಾನ ಬುಟ್ಟಿತ್, ಜೀವವುಳ್ಳ ಸತ್ಯವಾನ ದೇವನ ಆರಾದನೆ ಮಾಡ್‌ವಕ್ ತಿರಿತುಳ್ಳಿರಾಂದ್ ಅಯಿಂಗಳೇ ಎಣ್ಣ್‌ಚಿ.