ಅಪೊಸ್ತಲ 15:18 - ಕೊಡವ ಬೈಬಲ್

¹⁸ ಈ ಬೂಲೋಕ ಸೃಷ್ಟಿ ಆಪಕ್ ಮಿಂಞಲೇ, ಎಲ್ಲಾ ಎನ್ನನೆ ಆಪಾಂದ್ ಗೊತ್ತುಳ್ಳ ದೇವ ಇನ್ನನೆ ಎಣ್ಣ್‌ಚೀಂದ್ ಒಳ್‍ದಿ ಬೆಚ್ಚಿತುಂಡ್.

ಅಪೊಸ್ತಲ 15:18 ပူးပေါင်းရင်းမြစ်များ

ಮತ್ತಾಯ 13:35

ನಾನ್ ಕಥೇರ ರೂಪತ್‌ಲ್ ತಕ್ಕ್ ಪರಿಯುವಿ; ಬೂಲೋಕ ಸೃಷ್ಟಿ ಆಪಕಿಂಜ ಮಿಂಞ ಗುಟ್ಟಾಯಿತ್ಂಜಾನೆಲ್ಲ ಅರ್ಥ ಮಾಡಿ ತಪ್ಪೀಂದ್, ಪ್ರವಾದಿ ಎಣ್ಣ್‌ನದ್ ಇಕ್ಕ ನೆರವೇರ್‍ಚಿ.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

2 ಥೆಸಲೊನೀಕ 2:13

ಒಡೆಯಂಡ ಪ್ರೀತಿರ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ಬೋರೆ ಮಾಡಿತ್, ಶುದ್ದ ಮಾಡ್‍ನಗುಂಡ್ ಪಿಂಞ ನಿಂಗ ಸತ್ಯತ್‍ನ ನಂಬ್‍ನಗುಂಡ್ ನಿಂಗಕ್ ರಕ್ಷಣೆ ಕ್‍ಟ್ಟುವನೆಕೆ ಅಂವೊ ಮಾಡ್‍ಚಿ. ಅನ್ನನೆ ಅಂವೊ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನಿಂಗಳ ಗೊತ್ತ್ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಕ್ ನಂಗ ಎಕ್ಕಾಲು ವಂದನೆ ಮಾಡ್‌ವಕ್ ನಂಗ ಜವಾಬ್ದಾರಂಗಳಾಯಿತ್ ಉಂಡ್.

1 ಪೇತ್ರ 1:20

ಅಂವೊ, ಬೂಲೋಕ ಉಂಟಾಪಕ್ ಮಿಂಞಲೇ ಗೊತ್ತ್ ಮಾಡ್‍ನಂವೊನಾಯಿತ್ಂಜತ್. ಆಚೇಂಗಿ, ಈ ಆಕೀರ್ ಕಾಲತ್‍ಲ್ ಅಂವೊಂಡ ಮೂಲಕ ನಿಂಗಕಾಯಿತ್ ಕಾಂಬ್‍ಚಿಟ್ಟತ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.