ಅಪೊಸ್ತಲ 15:13 - ಕೊಡವ ಬೈಬಲ್

¹³ ಅಯಿಂಗ ತಕ್ಕ್ ಪರ್ಂದಿತ್ ಆನ ಪಿಂಞ ಯಾಕೋಬ ಅಯಿಂಗಳ ನೋಟಿತ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ. ಅಣ್ಣತಮ್ಮಣಂಗಳೇ, ನಾನ್ ಎಣ್ಣುವಾನ ಕ್‍ೕಳಿ.

ಅಪೊಸ್ತಲ 15:13 ပူးပေါင်းရင်းမြစ်များ

ಮಾರ್ಕ 15:40

ಚೆನ್ನ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್. ಅಯಿಂಗೆಲ್ಲಾ ದಾರ್ ಎಣ್ಣ್‌ಚೇಂಗಿ, ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಬೆಂಬರತ್‌ಲ್ ಬಂದ, ಮಗ್ದಲ ಮರಿಯ, ಚೆರಿಯ ಯಾಕೋಬ ಪಿಂಞ ಯೋಸೇಯ ಎಣ್ಣುವಯಿಂಗಡ ಅವ್ವ ಮರಿಯ ಪಿಂಞ ಸಲೋಮಿ ಎಣ್ಣ್‌ವಯಿಂಗಳೇ.

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 15:14

ದೇವ ಅಂವೊಂಡ ಪೆದಕಾಯಿತ್, ಯೆಹೂದ್ಯ ಅಲ್ಲತ ಬೋರೆ ಜನಡ ಮದ್ಯತ್ಂಜ ಒರ್ ಗುಂಪ್‍ನ ಗೊತ್ತ್ ಮಾಡಿತ್, ಆದ್ಯವಾಯಿತ್ ಅಯಿಂಗಡ ಮೇಲೆ ದೇವ ಕಾಟ್‍ನ ಅಕ್ಕರೆನೆ ಸಿಮೆಯೋನ ನಂಗಕ್ ಚಾಯಿತೆ ವಿವರಿಚಿಟ್ಟತ್ತಲ್ಲ.

ಅಪೊಸ್ತಲ 2:14

ಅಕ್ಕ ಪೇತ್ರ, ತಾಂಡಕೂಡೆ ಇಂಜ ಪನ್ನಂದ್ ಅಪೊಸ್ತಲಂಗಡ ಕೂಡೆ ನಿಂದಿತ್, ಅಯಿಂಗಳ ನೋಟಿತ್ ಬಲ್ಯ ಸ್ವರತ್‍ಲ್: ಯೆಹೂದ್ಯಂಗಳೇ, ಯೆರೂಸಲೇಮ್‍ಲ್ ವಾಸ ಮಾಡಿಯಂಡ್ ಉಳ್ಳ ಜನಳೇ, ನಾಡ ತಕ್ಕ್‌ನ ಎಚ್ಚರತ್‍ಲ್ ಕ್‍ೕಳಿ, ಇದ್ ನಿಂಗಕ್ ಗೊತ್ತಿರಂಡು.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 2:29

ಅಣ್ಣತಮ್ಮಣಂಗಳೇ, ಇದ್‍ನ ಗೇನ ಮಾಡಿಯೊಳಿ, ನಂಗಡ ಗೋತ್ರತ್‍ರ ಅಜ್ಜನಾನ ದಾವೀದ ಇದ್‍ನ ಎಣ್ಣ್‌ವಕ ಅಂವೊಂಡ ವಿಷಯತ್‍ನ ಎಣ್ಣಿತಿಲ್ಲೇ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಚತ್ತ್ ಪೋಚಿ, ಅಂವೊನ ಪೂತತ್, ಅಂವೊಂಡ ಗೋರಿ ಇಕ್ಕಲು ನಂಗಡ ಮದ್ಯತ್‍ಲ್ ಉಂಡ್‍ೕಂದ್ ನಾನ್ ದೈರ್ಯತ್‍ಲ್ ಎಣ್ಣುವಕಯ್ಯು.

ಅಪೊಸ್ತಲ 21:18

ಪಿತ್ಯಾಂದ್ ಪೌಲ ನಂಗಳ ಕಾಕಿಯಂಡ್ ಯಾಕೋಬಂಡ ಪಕ್ಕ ಪೋಚಿ; ಸಬೆರ ಪೆರಿಯಯಿಂಗೆಲ್ಲಾ ಅಲ್ಲಿ ಬಂದಿತ್ಂಜತ್.

ಅಪೊಸ್ತಲ 22:1

ಅಣ್ಣತಮ್ಮಣಂಗಳೇ, ಅಪ್ಪಂಗಳೇ, ಇಕ್ಕ ನಾನ್ ನಿಂಗಕ್ ನಾಕಾಯಿತ್ ಎಣ್ಣ್‌ವ ನ್ಯಾಯತ್‍ನ ಕ್‍ೕಳೀಂದ್ ಜೋರಾಯಿತ್ ಎಣ್ಣ್‌ಚಿ.

ಅಪೊಸ್ತಲ 7:2

ಅದ್ಂಗ್ ಸ್ತೆಫನ: ಅಣ್ಣತಮ್ಮಣಂಗಳೇ, ಪೆರಿಯಯಿಂಗಳೇ, ನಾನ್ ಎಣ್ಣ್‌ವಾನ ಕ್‍ೕಳಿ. ನಂಗಡ ಅಜ್ಜನಾನ ಅಬ್ರಹಾಮ ಖಾರಾನ ಎಣ್ಣ್‌ವ ಊರ್‌ಲ್ ಬಂದಿತ್ ವಾಸ ಮಾಡ್‌ವಕ್ ಮಿಂಞ, ಅಂವೊ ಮೆಸೊಪೊತಾಮ್ಯ ನಾಡ್‍ಲ್ ಇಪ್ಪಕಲೆ ಮಹಿಮೇರ ದೇವ ಅಂವೊಂಗ್ ಪ್ರತ್ಯಕ್ಷ ಆಚಿ.

ಗಲಾತ್ಯ 1:19

ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ.

ಗಲಾತ್ಯ 2:12

ಎನ್ನನೆ ಎಣ್ಣ್‌ಚೇಂಗಿ, ಯಾಕೋಬಂಡಿಂಜ ಚೆನ್ನ ಜನ ಬಪ್ಪಕ್ ಮಿಂಞ ಅಂವೊ, ಯೆಹೂದ್ಯ ಅಲ್ಲತಯಿಂಗಡ ಕೂಡೆ ಉಂಬಕಿಂಜತ್; ಅಯಿಂಗ ಬಂದ ಪಿಂಞ, ಸುನ್ನತಿ ಬೋಂಡೂಂದ್ ಎಣ್ಣ್‌ವಯಿಂಗಡ ತಕ್ಕ್‌ಕ್ ಬೊತ್ತಿತ್ ಯೆಹೂದ್ಯ ಅಲ್ಲತಯಿಂಗಳ ಬುಟ್ಟಿತ್ ಬೋರೆಯಾಯಿತ್ ನಿಂದತ್.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.