ಅಪೊಸ್ತಲ 15:10 - ಕೊಡವ ಬೈಬಲ್

¹⁰ ಇನ್ನನೆ ಇಪ್ಪಕ, ನಂಗಡ ಅಜ್ಜಂಗಕೂ, ನಂಗಕು ಪೊರ್‍ಪಕೈಯ್ಯತ ನೊಗತ್‌ನ ಯೇಸುನ ನಂಬ್‍ವ ಯೆಹೂದ್ಯ ಅಲ್ಲತಯಿಂಗಡ ಬೋಳೆಕ್ ಇಟ್ಟಿತ್ ದೇವನ ಎನ್ನಂಗ್ ಪರೀಕ್ಷೆ ಮಾಡಂಡು?

ಅಪೊಸ್ತಲ 15:10 ပူးပေါင်းရင်းမြစ်များ

ಮತ್ತಾಯ 23:4

ಅಯಿಂಗ ಜನಕ್ ಬಾರ ಆಯಿತುಳ್ಳ ಪೊರೆನ ನಿಪ್ಪ್‌ಕ್ ಕೆಟ್ಟಿತ್ ಬುಡುವ ಆಚೇಂಗಿ ಅಯಿಂಗ ಒರ್ ಬೆರತ್‌ನ ಕೂಡೆ ಮುಟ್ಟಿತ್ ನಿಂಗಕ್ ಸಹಾಯ ಮಾಡುಲೆ.

ಮತ್ತಾಯ 4:7

ಅದ್ಂಗ್ ಯೇಸು: ನೀಡ ಒಡೆಯನಾನ ದೇವನ ಪರೀಕ್ಷೆಮಾಡತೇಂದ್ ಸಹ ಒಳ್‌ದಿತುಂಡಲ್ಲಾಂದ್ ಜವಾಬ್ ಕೊಡ್‍ತತ್.

ಅಪೊಸ್ತಲ 5:9

ಅಕ್ಕ ಪೇತ್ರ ಅವಕ್: ಒಡೆಯಂಡ ಆತ್ಮತ್‌ನ ಪರೀಕ್ಷೆ ಮಾಡ್‌ವಕ್ ಎನ್ನಂಗ್ ನಿಂಗ ದಂಡಾಳು ಒತ್ತಂಡಿರ? ನೋಟ್, ನೀಡ ವಡಿಯನ ಪೂಪಕ್ ಪೋನ ಜನ ಇಕ್ಕ ಪಡಿರ ಪಕ್ಕ ಬಾತ್, ನಿನ್ನ ಸಹ ಎಡ್‍ತಂಡ್ ಪೋಪಾಂದ್ ಎಣ್ಣ್‌ಚಿ.

ಗಲಾತ್ಯ 4:9

ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್‍ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್‌ವಕ್ ಕಯ್ಯು, ನಿಂಗ ದಾರ್‍ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು?

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಇಬ್ರಿಯ 3:9

ಅಲ್ಲಿ ನಿಂಗಡ ಮುತ್ತಜ್ಜಂಗ ಮಣಬೂಮಿಲ್ ನನ್ನ ಸೋದನೆ ಮಾಡಿತ್, ನಾಡ ತಾಳ್ಮೆನ ಪರೀಕ್ಷೆ ಮಾಡಿತ್ ನಾಪದ್ ಕಾಲ ನಾಡ ಕ್ರಿಯೇನ ಕಂಡತ್.

ಇಬ್ರಿಯ 9:9

ಆ ಗುಡಾರ ಇಕ್ಕತ್‍ರ ಕಾಲಕ್ ಒರ್ ಗುರ್‌ತಾಯಿತ್ ಉಂಡ್; ಅದ್ಂಗ್ ತಕ್ಕಂತೆ, ಅರ್ಪಿಚಿಡ್‌ವ ಕಾಣಿಕೆಯು, ಬಲಿಯು ಆರಾದನೆ ಮಾಡ್‌ವಂವೊಂಡ ಮನಸಾಕ್ಷಿನ ಶುದ್ದ ಮಾಡ್‌ವಕ್ ಕಯ್ಯುಲೆ.