ಅಪೊಸ್ತಲ 15:1 - ಕೊಡವ ಬೈಬಲ್

¹ ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 15:1 ပူးပေါင်းရင်းမြစ်များ

ಯೋಹಾನ 7:22

ಮೋಶೆ ಸುನ್ನತಿ ಮಾಡ್‌ವ ಪದ್ದತಿನ ಸುರು ಮಾಡಿತ್‌ಲ್ಲೆ, ಅದ್ ನಿಂಗಡ ಮುತ್ತಜ್ಜಂಗಡ ಕಾಲತ್‍ಲ್ ಸುರು ಆನದ್. ಆಚೇಂಗಿ, ಅಂವೊ ಅದ್‍ನ ನಿಂಗಕ್ ನೇಮಿಚಿಟ್ಟತ್. ಅನ್ನನೆ ಇಪ್ಪಕ, ನಿಂಗ ಸಬ್ಬತ್ ದಿವಸತ್‍ಲ್ ಸಹ ಅದ್‍ನ ಮಾಡ್‌ವಿರ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 15:32

ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 15:5

ಅಕ್ಕ ಫರಿಸಾಯಂಗಡ ಕೂಟತ್‌ಂಜ ಯೇಸುರ ಮೇಲೆ ನಂಬಿಕೆ ಇಟ್ಟಿತ್ಂಜ ಚೆನ್ನ ಜನ, ದೇವಡ ಬರಿಕ್ ಮನಸ್ಸ್ ತಿರುಗ್‍ನ ಯೆಹೂದ್ಯರಲ್ಲತ ಬೋರೆ ಜನಕ್ ಸುನ್ನತಿ ಮಾಡಿತ್ ಮೋಶೇರ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಕ್ ಪಡಿಪ್‍ಚಿಡಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 21:20

ಇದ್‍ನೆಲ್ಲ ಅಯಿಂಗ ಕ್‍ೕಪಕ, ಅಯಿಂಗ ದೇವನ ತುದಿಚತ್. ಅಕ್ಕ ಅಯಿಂಗ ಅಂವೊನ ನೋಟಿತ್: ಪ್ರೀತಿರ ಪೌಲನೇ, ಯೆಹೂದ್ಯಂಗಡಡೆ‍ಲ್ ಯೇಸುನ ನಂಬ್‍ನಯಿಂಗ ಎಚ್ಚಕ್ ಆಯಿರ ಜನ ಉಂಡ್‍ೕಂದ್ ನೀನ್ ನೋಟಿಯಂಡುಳ್ಳಿಯಲ್ಲ. ಅಯಿಂಗೆಲ್ಲಾರು ನ್ಯಾಯಪ್ರಮಾಣಕ್ ತಗ್ಗಿತ್ ನಡ್ಂದಂಡ್, ಅಚ್ಚಕ್ ವೈರಾಗ್ಯತ್‍ಲ್ ಉಂಡ್.

ಅಪೊಸ್ತಲ 6:14

ನಜರೇತ್‍ರ ಯೇಸು ಈ ದೇವಾಲಯತ್‍ನ ಪೊಳಿಚಿತ್, ಮೋಶೆ ನಂಗಕ್ ನೇಮಿಚಿಟ್ಟ ಪದ್ದತಿನ ಬದ್‍ಲ್ ಮಾಡ್‌ವಾಂದ್ ಇಂವೊ ಎಣ್ಣ್‌ವಾನ ನಂಗ ಕ್‍ೕಟತ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಗಲಾತ್ಯ 2:1

ಪದನಾಲ್ ಕಾಲ ಆನ ಪಿಂಞ ತೀತ ಎಣ್ಣುವ ಒಬ್ಬನ ಕಾಕಿಯಂಡ್, ಬಾರ್ನಬಂಡ ಕೂಡೆ ನಾನ್ ಯೆರೂಸಲೇಮ್‌ಕ್ ಪುನಃ ಪೋಯೆ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:12

ಅಯಿಂಗಡ ವಿಷಯತ್ ಎಲ್ಲಾರು ಚಾಯಿ ಎಣ್ಣಂಡೂಂದ್ ಗೇನಮಾಡ್‌ವಯಿಂಗಳೇ ನಿಂಗಳ ಸುನ್ನತಿ ಮಾಡಂಡೂಂದ್ ಒತ್ತಾಯ ಮಾಡ್‌ವ. ಅಯಿಂಗ ಕ್ರಿಸ್ತಂಡ ಶಿಲುಬೇರಗುಂಡ್ ಬಪ್ಪ ಕಷ್ಟತ್ಂಜ ತಪ್ಪ್‌ಚಿಡುವಕಾಯಿತ್ ಅನ್ನನೆ ಮಾಡ್‌ವ.

ಕೊಲೊಸ್ಸೆ 2:16

ಆನಗುಂಡ್, ನಿಂಗ ತಿಂಬಕುಳ್ಳ ವಿಷಯವಾಡ್, ಕುಡಿಪಕುಳ್ಳ ವಿಷಯವಾಡ್, ನಮ್ಮೆ ಮಾಡ್‌ವ ವಿಷಯವಾಡ್, ಕರ್ತಬಾವುರ ವಿಷಯವಾಡ್, ಸಬ್ಬತ್ ದಿವಸತ್‍ರ ವಿಷಯವಾಡ್, ದಾರೂ ನಿಂಗಳ ತೀರ್ಪ್ ಮಾಡತೆ ಇರಡ್.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.